討論: 老九增設特平分段是否可以開源?

而家屯元區外線既區內分段收$3.9，味就係「要長途客去貼短途」、「佢地(長途客)要出更多時間去俾你(偉大的老九)賺短途」囉，你唔去批評下偉大的老九，$3.9既區內分段，吸引屯元區短途客「濫用」用長途線，要長途客出更多時間去俾偉大的老九賺短途？

冇道理既唔係我，係偉大的老九，同埋撐佢o個D「人」才是。

做獨市呢，就畀生意佢做都嫌你阻著佢發達，話你「短途客用長途線，係「濫用」長途線，拖長長途線行車時間」(咁叻不如恢復輕鐵專區政策，仲擴展至全港，杜絕晒短途客「濫用」長途線啦)。

有輕鐵做對手競爭呢，就死晒狗咁走去整個合理既分段，唔見佢話「短途客用長途線拖慢長途線行車時間」。

都係o個句，如果「短途客用長途線」係咁大影嚮既，咁昔日既輕鐵專區政策：屯元巴士線，由屯元開出，在屯元區內只可上車不可下車；往屯元方向，在屯元區內只可下車不可上車，乃係一項極佳的德政，完全杜絕短途客「濫用」長途線，短途客用短途流水線(輕鐵/鐵巴)，長途客用對外長途巴士線，完全體驗公交分工。但就畀某D「人」批評為「保鐵、打壓巴士」，真係神又係佢鬼又係佢。

原帖由 mckhgc 於 2012-8-8 17:55 發表
而家屯元區外線既區內分段收$3.9，味就係「要長途客去貼短途」、「佢地(長途客)要出更多時間去俾你(偉大的老九)賺短途」囉，你唔去批評下偉大的老九，$3.9既區內分段，吸引屯元區短途客「濫用」用長途線，要長途客出更多時間去俾偉大的老九賺短途？

如果九巴真係取消區內分段，真係唔好意思啦，唔該你叫輕鐵同佢 D 接駁車加班加車先啦
唔加班既你叫輕鐵點載得哂咁多客？唔好唔記得而家輕鐵唔少線都係爆住黎爆住走，你仲隔硬塞人落輕鐵到，損人之餘（等輕鈕等耐左 + 行遠左）又唔利己（賺少左）
如果輕鐵專區繼續實施，咁你真係唔好怨點解由鍾屋村去大欖涌一定要搭輕鐵轉 K51，而唔可以搭 53；由景峰花園去廈村一定要搭輕鐵轉 K75 再轉多次 K75，亦唔係搭 53（我用左兩次 53 做例子係因為呢個例子太顯眼 ...，亦係成個輕鐵專區最大敗北）

[ 本帖最後由 樂仔〞 於 2012-8-8 18:13 編輯 ]

城巴 962 屯門分段：進取搶客
九巴 269D 元朗分段：被迫減價

[ 本帖最後由 LF5502 於 2012-8-8 19:15 編輯 ]