最低工資會導致食肆結業?

http://hk.apple.nextmedia.com/news/art/20120805/16576909
黃永幟：「最低工資成本都係加11%，租真係最難頂，人工貴可以減人手，但你租金一開就咁貴，減埋人手都做唔掂，唔明啲業主諗乜」。

由於可見, 地產霸權代言人"廿蚊張"成日話最低工資會導致食肆結業, 是轉移視線.

原帖由 lawpakyan 於 2012-8-5 15:25 發表
http://hk.apple.nextmedia.com/news/art/20120805/16576909
黃永幟：「最低工資成本都係加11%，租真係最難頂，人工貴可以減人手，但你租金一開就咁貴，減埋人手都做唔掂，唔明啲業主諗乜」。

由於可見, 地產霸權代言人"廿蚊張" ...

有時唔係單睇一兩個例就可以下結論
某太刻薄就因為最低工資令到份業績做差左

而且文中都有提:減埋人手都做唔掂

依家飲食業一係搵兼職代長工，一係cut人手去應對最低工資
影響唔會無，但係無租同食材呢兩範嚴重，而且相對容易抵銷到人工影響

這個問題最後都係一點，點解香港咁貴租都有人租......

你就發現地產商中，子公司租右手場，人地租翻人地既左手....照計大家都無成本，不過又可以台高個租金.....

地產霸權就係咁霸出黎.......

都係果句，香港人又好似大部份覺得無問題，咁就無問題啦！想創業

你要先玩得由左手交右手的高租金先........當中虛高幾多無人知.....

而領匯本身無做咩生意，你會睇到有時佢都玩唔起高租金，因為佢無本事確保有人租，但佢有既殺著唔係減價，係安老院.......


總之就古怪，但無人覺得唔合理....

如果係細店﹐的確係有機會令到結業的。

細店﹐盈利唔會太高﹐一旦其中一樣成本要上升﹐盈利便會下降﹐便有機會盈利未如理想而結束﹐甚至無盈利(即可以一千幾佰的盈利)﹐以至蝕本。


現時﹐$28/hr﹐唔知大家又知唔知飲食業又要用幾多錢去招工?

早前看到的報導﹐不少要用 $33-35﹐旺區更去到$38-40﹐但都係請唔夠人。
假設最低要由$28升至$33﹐即係加$5﹐上面的薪金便要再上調﹐介時整體便會去到接近$40的水平。

當人工上升﹐連同其他成本上升﹐定必要加價。當加價之後﹐食客便會再考慮是否減少光顧﹐這便做成營業額有所下降。
如果生意可維修﹐仲有一些利潤的﹐這些細店會繼續做。
但是去到微利﹐他們便會去檢討﹐是否真係繼續去做生意﹐便好大機會放棄。


在我而言﹐最低工資係要有﹐但絕不是去到現在的$28。$20 其實並非無道理﹐$22-23是合理的。

大家會講﹐$23 都唔夠生活。
但係﹐$28 又只係夠初期的生活。幾個月後﹐整體消費(衣食行)都因為成本增加而加價﹐令到$28都唔多夠生活﹐根本係水漲船高的問題。

真係想有效改善生活﹐不是在提高最低工資落手﹐而是在「壓制通漲」落手。
增加最低工資﹐只是令不同行業成本上升﹐從而增加售價﹐只是一個巡環﹐只會不停去增加。  (大家不妨看看強積金的回報﹐看看回報是否追到這個加幅﹐去到年老收回的回報﹐又可唔可以夠基本生活)


另一個社會現象﹐有無發現多了人去執報紙等物品去賣?
原來﹐以前這班人係有part-time 返的﹐例去去m字頭的快餐店﹐做幾小時。這幾小時係他們家中小朋友返學的時間﹐但有最低工資後﹐成本問題而唔再請這些parttime﹐於是便令這班人失業﹐要去執報紙﹐除了有些少收入外﹐也是消磨時間。

原帖由 DGCNYO 於 2012-8-5 05:25 PM 發表
這個問題最後都係一點，點解香港咁貴租都有人租......

你就發現地產商中，子公司租右手場，人地租翻人地既左手....照計大家都無成本，不過又可以台高個租金.....

地產霸權就係咁霸出黎.......

都係果句，香港人又好似大部份 ...

「地產霸權」﹐其實或多或少大家都有做成的。

敢問大家﹐大家去超市買野的數目多﹐定係去士多街市買野多?


而大集團的確係有一定優勢﹐單是有一定的入貨量﹐取得一個較好的入貨貨﹐已經比細店有優勢。
加上店舖有一定面積﹐令到大家更有信心。店內環境又好﹐令到大家都會優先去大集團光顧﹐變相又係大家打擊細店﹐支持地產霸權的行為。

當細店做唔起﹐自然消失。大集團便會趁機擴展﹐正常的商業運作﹐所以他們一定會越做越大。


當打到地產霸權﹐所有支持者都應該長期去以行動支持﹐走去細店購物﹐這才是最實際。

原帖由 kei_hk 於 2012-8-8 12:14 發表


「地產霸權」﹐其實或多或少大家都有做成的。

敢問大家﹐大家去超市買野的數目多﹐定係去士多街市買野多?


而大集團的確係有一定優勢﹐單是有一定的入貨量﹐取得一個較好的入貨貨﹐已經比細店有優勢。
加上店舖有一定面積﹐令 ...

地產台高個價，都要賺都錢先得.....

我個人好少去超市，便利店就再所難免....樓下士多D野真係好平，水5雞3支有無搞錯咁平，佢話佢係死角，個位唔靚，領匯先做唔到佢

好在我樓下個場D柱位多，難打通，唔係有D鋪早就被屈人寺包左做....

原帖由 lawpakyan 於 2012-8-5 15:25 發表
http://hk.apple.nextmedia.com/news/art/20120805/16576909
黃永幟：「最低工資成本都係加11%，租真係最難頂，人工貴可以減人手，但你租金一開就咁貴，減埋人手都做唔掂，唔明啲業主諗乜」。

由於可見, 地產霸權代言人"廿蚊張"成日話最低工資會導致食肆結業, 是轉移視線.

佢只係拎左經濟學employment supply demand pricing那個理論來說, 原則上佢冇講錯既~~

但經濟學定律成日都有個assumption, ceteris paribus~~~

問題係現實環境中唔會有pure effect, 更加好難ceteris paribus~

所以先會出現, 最低工資對失業率的影響輕微~  

至於黃先生所說呢~~其實要睇下佢講D乜~~

事實上, 零售業市場現時出現最少TWO TIERS~~ 有一個TIER係俾得起呢D租金架~

原帖由 kei_hk 於 8/8/2012 12:14 發表

當打到地產霸權﹐所有支持者都應該長期去以行動支持﹐走去細店購物﹐這才是最實際。

但有啲士多質素好難保證，一般人某程度上需要做功課先至知去邊間小商店購物先至價廉物美。試問有幾多人咁得閒？

原帖由 238X 於 2012-8-8 17:53 發表


但有啲士多質素好難保證，一般人某程度上需要做功課先至知去邊間小商店購物先至價廉物美。試問有幾多人咁得閒？

呢個係一點,
其次就係連鎖式 o既超級市場早就去霸佔左最有利 o既位置去開鋪,
香港人而家生活咁繁忙, 時間都唔多下 o既時候,
仲邊有時間刻意走去細鋪買野丫 ~

原帖由 AVD1 於 2012-8-8 07:11 PM 發表

呢個係一點,
其次就係連鎖式 o既超級市場早就去霸佔左最有利 o既位置去開鋪,
香港人而家生活咁繁忙, 時間都唔多下 o既時候,
仲邊有時間刻意走去細鋪買野丫 ~ ...

其實﹐或多或少又同大集團有人力物力去做野。

簡單講﹐超市有心開闢新物品去銷售﹐他們係有能力去做好廣告﹐搵一些供應商﹐而且可以「以本傷人」﹐令到細鋪叫苦連天。

你話他們有無Porifit(只針對以本傷人的項目)?  我敢講﹐9成以上係有。因為同一時間他們都會渣乾供貨商﹐令到入貨價有所下降。
只有少部份﹐是被對手挑起﹐才需要減價去搶攻﹐這些才會蝕。


香港人﹐時間少係問題之一。但以前80/90年代又情況係點?  當時超市只有乾貨﹐連生果都無﹐唔通當時的人真係比現在的人時間多好多?

大既都是因為超市環境好﹐當有選擇﹐又點會去街市去買野﹐漸漸地便少人去街市﹐即係細鋪便更難競爭。