大學迎新又有精彩意淫活動!

科大迎新 學生變「淫蟲」
http://hk.news.yahoo.com/video/topstory-19458512/title-30234198.html


簡直創意無限, 好玩過獎門人, 好睇過玩轉三週半

呢d已經唔系意淫......

差不多年年都批評(所有大學合計)﹐但差不多年年都有這些新聞。

究竟﹐年青人的尺度是什麼樣?  迎新營目的是什麼?  

遲早真係變成3級片片場

更奇怪的係大學明知比人投訴多年﹐點解又唔加強監管?  唉~~~

Sorry用錯戶口

原帖由 kei_hk 於 2012-8-10 11:02 發表
差不多年年都批評(所有大學合計)﹐但差不多年年都有這些新聞。

究竟﹐年青人的尺度是什麼樣?  迎新營目的是什麼?  

遲早真係變成3級片片場

更奇怪的係大學明知比人投訴多年﹐點解又唔加強監管?  唉~~~ ...

讀得大學都應該18歲以上，要為自己的決定負責。
唔喜歡的可以唔玩、可以頹玩，雖則話有peer pressure，
但如何應付peer pressure也是一個人成長必須學習的項目。
安排迎新營的都只係早出世一兩年，也不代表甚麼，
就算你不合作搞到關係尷尬，幾個月之後已無影響，幾年之後更忘記得一乾二淨。

還嫌現在對大學的監管不夠多嗎？
好喇，就算話「我唔管你係想你自律，你唔識自律我就要管你」，
這種家長式管治是適用於大學生的嗎？
「唔管」但係有隱形標準，那麼一個人要長大到幾歲先可以學習為自己負責？

如果有人以大學迎新營來做題材拍電影, 不知香港的電檢會唔會將之列為三級電影呢........(悲哀)

原帖由 DIH 於 2012-8-10 14:34 發表

讀得大學都應該18歲以上，要為自己的決定負責。
唔喜歡的可以唔玩、可以頹玩，雖則話有peer pressure，
但如何應付peer pressure也是一個人成長必須學習的項目。
安排迎新營的都只係早出世一兩年，也不代表甚麼，
就算你不合 ...

不過三轉四後, 有部份大學生入學時不夠18歲
各大院校都引入未成年學生指引, 當中有簽家長同意書, 以及限制未成年生參與部份活動
不知大家對此有什麼看法

http://www.mingpaotor.com/htm/News/20120704/HK-gfa1_er.htm

浸大發言人補充，預計部分文憑試生參加迎新活動時未成年，校方會提醒學會應為參加迎新活動的新生準備家長同意書，並正更新學生活動指引，加入禁止未成年學生飲酒、閱讀不雅刊物和三級電影的活動等條文。
.....
取消「城市定向」 保參加者安全

他續稱，預計部分文憑試生未滿18歲，故屆時將向參加迎新營的文憑試生發家長同意書；除非新生可證明自己已成年，否則須簽回同意書才可入營。

原帖由 12A 於 2012-8-10 21:57 發表


不過三轉四後, 有部份大學生入學時不夠18歲
各大院校都引入未成年學生指引, 當中有簽家長同意書, 以及限制未成年生參與部份活動
不知大家對此有什麼看法

http://www.mingpaotor.com/htm/News/20120704/HK-gfa1_er ...

鐘意管咪管囉，管到咪你本事囉，有咩所謂

我個人睇法咁大個人知自己做緊咩....但不能否定大多人都認為中學教育的獨立思考教育甚麼(越成績主導，你應該明白佢地的目標其實越簡單)

都係果句，管到咪又佢管，管唔到咪自己諗囉.....咁大個人，炒爆果D最痛地方，自己上身囉....好簡單，簡單到不得了的結果....

對自己負責，群堆唔係一個活動就群得埋，跟本無需要擔心....

原帖由 dippy 於 2012-8-10 15:22 發表
有管嘅

要送審仲要dem game先會出現

邊個講架？你估個個搞手都會咁順攤將全套劇本拎去送審？

想當年我玩Ocamp果陣，有個環節係同另一個學系「互片」
（按：係DIH兄undergrad果個dept，據說兩個dept之間年年都搞呢個節目）
當中內容極盡侮辱友系女生，大把sexual implications。
（果D內容，如果我貼上來，一定會俾人停板的，大家可以想像）
理論上，呢D野有送審的話，一定晨早俾人ban，咁但係點解又出得街呢？
原來「互片」果陣的劇本，每人派一張紙仔，完場之後
Ocamp搞手逐一收返，話果d內容唔出得街，唔可以流傳出去，
否則對大家都有麻煩云云。事後了解，果D內容根本無送審，
只係大家私底下搞咁喎。

我自己可能因為讀band 1中學，無見識過呢D「世面」，
所以其實接受唔到Ocamp玩呢d野，果陣玩互片
我亦只係扮口型，無真係嗌，因為我做人原則接受唔到。
之後覺得D人搞呢D野，又浪費體力時間，又無聊，
所以決定一定唔會參與搞Ocamp，第一年以健康為由唔搞，
之後果幾年，亦咁岩人地Ocamp果陣我都唔晌香港，都唔使輪到我

好老實，我真係諗唔明，玩呢d咁無聊既野，對於ice-breaking，
對於識人到底有咩幫助。
而我自己來講，果次Ocamp亦唔見得對我識人有太大幫助，
我undergrad時期識到最好果幾個朋友，全部都唔係因為Ocamp同組
或者一齊搞過咩活動，純粹都係功課、學術上交流，
大家到今時今日仲有經常聯絡，酒肉朋友實在好難做到呢樣野。