熱帶氣旋討論:啟德 (14w)

原帖由 rickycheng 於 2012-8-16 09:43 PM 發表

不過正常係唔會提早講....

以運作計﹐天文台都會預早些少出新聞稿給傳謀的﹐正所謂fax/e-mail 都要時間啦﹐傳謀都要時間做野﹐例如pass份資料給dj﹐電視台要製字幕/找人出鏡做特別新聞報告等。
點會次次收音機都會講 10:20發出xxx﹐但你聽完望望個鐘﹐都係10:20。

至於提早講﹐如果係2-3分鐘都無傷大雅的﹐反正訊會一定會發出﹐2-3分鐘對大家影響都不大。

照睇啟德應該系而家最近香港..
明早大家預左要返工了

原帖由 AD15113 於 2012-8-16 22:34 發表
照睇啟德應該系而家最近香港..
明早大家預左要返工了

啟德目前仍未最接近香港，預料未來數小時會移到香港之西南面250公里以內。

原帖由 AD15113 於 2012-8-16 10:34 PM 發表
照睇啟德應該系而家最近香港..
明早大家預左要返工了

睇圖﹐明早8點都未登陸﹐都係最接近香港的位置﹐所以早上未必要返工﹐下午難講。

原帖由 hkaiw 於 2012-8-16 22:11 發表
截至 22:00，只有昂坪及大老山錄得烈風，橫欄島、長洲、長洲泳灘、坪洲、青洲、赤臘角、天星碼頭及大美督則錄得強風，看來仍然未達到要發出八號信號的要求。 ...

從風速記錄睇到, 香港普遍地區錄得最大風速係傍晚之後, 風力有增強之勢,
但8點幾至9點開始轉弱, 部分地方由本來平均達烈風程度變為強風程度,
呢一刻平均達烈風程度o既地方, 只剩下昂坪和長洲泳灘.

[ 本帖最後由 EX-TL 於 2012-8-16 23:17 編輯 ]

原帖由 EX-TL 於 2012-8-16 23:16 發表
呢一刻平均達烈風程度o既地方, 只剩下昂坪和長洲泳灘.

23:00 錄得只剩下昂坪，維港則連強風也沒有。

另外，澳門方面已宣佈將於 00:30 改掛八號風球。

原帖由 hkaiw 於 2012-8-16 23:24 發表

23:00 錄得只剩下昂坪，維港則連強風也沒有。

另外，澳門方面已宣佈將於 00:30 改掛八號風球。

踏入午夜, 颱風啟德位處香港西南偏南250公里.

澳門掛起八號風球的同時,
昂坪平均風速97公里/小時,
陣風達136公里/小時,
分別達到暴風及颶風程度.

如果要我俾呢個風一個「之最」,
我會俾個最好天o既八號風球啟德,
依家望上個天, 隨便都睇到個「天」,
雲量唔多, 風唔算大, 視野清晰.

17/8 01:10更新:
凌晨一點, 啟德集結在香港西南偏南260公里.

睇路徑圖, 似乎啟德最接近香港的時候已過,
但唔排除向東南較為當風o既地方會大風起上來.

查00:30香港天文台為船舶提供的熱帶氣旋警告,
啟德之颶風圈有50多公里半徑, 暴風圈只有80多公里半徑,
幸好烈風圈有200多公里半徑, 為直趨的地方提供多一點防範適應.

17/8 01:50更新:
01:30十分鐘平均風速顯示, 香港風勢繼續減弱,
現時仍受烈風或以上吹襲的地區集中在離島區, 大老山及大美督.

雖然轉吹東南風, 但屯門和將軍澳在8號信號發出至今,
連陣風亦從未觸及過強風程度(41-62公里/小時),
屯門平均風速更顯示為VRB, 只得7公里/小時,
風向為東北偏北, 01:40為5公里/小時, 越跌越低.

17/8 02:30更新:
澳門地球物理暨氣象局在上午2時發出的路徑圖顯示,
颱風啟德集結在澳門西南偏南230公里, 中心風力為118km/h,
向西北偏西移動, 時速約23公里, 中心氣壓973百帕斯卡,
八號東南風球仍然懸掛。預料八號東南風球將維持至清晨。
紅色風暴潮警告將於澳門時間早上6時生效, 預料上午9時水位高於內港路面0.6米.

17/8 03:00更新:
香港受烈風程度以上吹襲的地區仍然集中在離島區,
本地開始轉吹東南風, 維港內(仍然吹東風)之風勢有所增強,
天星碼頭及啟德風速站之十分鐘平均風速為強風程度,
陣風更達烈風程度, 而昂坪陣風仍是颶風程度, 8號信號仍需維持一段時間.

睇見離島仲吹緊烈風至颶風, 個風連續三小時距離香港260公里,
相信呢次o既「維持一段時間」有望加長喎!

17/8 04:30更新:
隨著颱風啟德開始遠離香港, 凌晨4點集結在香港西南約270公里,
香港各地風速迅速減弱, 凌晨4時20分之十分鐘平均風速只得昂坪達烈風程度,
離岸及高地各站之最高陣風只得大老山及昂坪達烈風程度,
其餘大多介乎50-61公里/小時, 香港似乎已離開颱風啟德較強之環流範圍.

17/8 05:00更新:
澳門方面, 颱風啟德凌晨4點集結在澳門西南偏南大約220公里.
紅色風暴潮警告提前於早上5時生效(原定生效時間為早上6時).

香港方面, 香港天文台考慮於早上6時至7時改發三號強風信號.

17/8 05:25更新:
啟德在過去數小時向西北偏西方向移動, 路徑略為偏西北,
05:00仍集結在澳門西南約220公里(香港西南約290公里)
但澳門氣象台仍考慮於早上7點前後改發三號強風信號.

預計啟德於上午至中午時份在雷州半島登陸, 中心風力達12級.

小弟凌晨之風暴消息更新完畢

[ 本帖最後由 EX-TL 於 2012-8-17 05:30 編輯 ]

香港天文台考慮在早上 06:00am-07:00am 期間 ,
改發三號強風信號 .

香港天文台於早上6時20分發出三號強風信號.

原帖由 EX-TL 於 2012-8-17 06:29 發表
香港天文台於早上6時20分發出三號強風信號.

澳門氣象局將於上午九時三十分改掛三號風球。

預計颱風啟德將於今早稍後時間在廣東陽江至徐聞之間沿海登陸，登陸時之中心附近最大風力將達十二級。