西鐵8月尾再加班

原帖由 士dip 於 2012-8-15 22:27 發表
如果加班之餘，加埋車卡至八卡，就完美

現時沒有多餘的車卡，最快要2018年東西線通車前新車廂抵港才會加卡吧。

原帖由 UBS 於 2012-8-15 18:04 發表
隔離版有個版友貼左新班次，但係唔知點解個 profile pic 同 開 post 個個一模一樣。唔知佢地係咪同一個人呢？
如果係同一個人ge話，點解佢係個度貼而係呢度又唔貼呢？又要怕死又要玩命。 ...

算了吧，對上一次不點名批評也沒用，站方亦不受理；小弟貼完部份資料後，人家也要再貼多一條連結出來。
結果？大把人護航，最後貼文沉底呢...

另回，西鐵其實已有加班需要，下繁時間特別迫，尤其是美孚至元朗一段，加到 3.5 分一班不無道理。
但日後會較難預時間 (因為開到少於 4 分鐘一班的齊頭班次)。
我想如果要等到 2018 年所有車卡到港才加卡，可能太遲，因為元朗區已經多左好多固定人口。
錦上路站人流，由 2013 年上半年起，再不容忽視。

[ 本帖最後由 WR309 於 2012-8-16 19:07 編輯 ]

原帖由 hijackduck 於 2012-8-15 21:30 發表
平日西鐵下午繁忙時間係咪1700開始?
今次堤早繁忙時間之餘，仲有3.5分鐘一班，車廂應該會鬆動

我諗唔會鬆動得好多

往紅磡方向應該可做到有位坐,不過四點打後至傍晚都加到3.5分鐘一班吾可以睇少
屯門方向同意你所講,加左班預計再吸一班巴士客,增加西鐵線受歡迎程度。

班次加密,候車時間縮短,對乘客而言係提升服務質素。據本人觀察,令西鐵下繁咁擠逼係多左吾少屯門客,天水圍站後每卡仲要企吾少,部分更爆爆地。

宜家錦上路站上繁都有實施排隊分流,比起通車初期客流已有明顯提升。

另一方面,上繁往紅磡班次都應該加密,2.5分鐘一班都合理,元朗站打後普遍難以順利登車,令元朗站或打後積聚大量候車乘客,港鐵亦應將加班焦點同時放在早繁上。

[ 本帖最後由 homan0323 於 2012-8-16 23:23 編輯 ]

原帖由 homan0323 於 2012-8-16 22:57 發表
往紅磡方向應該可做到有位坐,不過四點打後至傍晚都加到3.5分鐘一班吾可以睇少
屯門方向同意你所講,加左班預計再吸一班巴士客,增加西鐵線受歡迎程度。 ...

西鐵密又點
輕鐵載唔載得哂先得架
一個唔好意思中左部單卡就真係多得佢唔少 .. 又迫過

加班之後會多左幾多架車行呀?

或者咁講,加班對吸西鐵沿線的巴士線客量最有利,多哩批客已對西鐵客量貢獻吾少。當然,如果接駁做得更好,要再吸一批需輕鐵接駁既巴士客吾難。

不過講到尾,要擔心接駁班次問題只係屯門區,元朗及天水圍的輕鐵班次係繁時及大部分時間已相當頻密。

原帖由 WR309 於 2012-8-16 19:05 發表
我想如果要等到 2018 年所有車卡到港才加卡，可能太遲，因為元朗區已經多左好多固定人口。
錦上路站人流，由 2013 年上半年起，再不容忽視。  

平日下繁如果3.5分鐘一班不能應付，仍可以在不加卡的情況下加至3分鐘一班吧。

原帖由 homan0323 於 2012-8-16 23:16 發表
另一方面,上繁往紅磡班次都應該加密,2.5分鐘一班都合理,元朗站打後普遍難以順利登車,令元朗站或打後積聚大量候車乘客,港鐵亦應將加班焦點同時放在早繁上。  

車隊不足，目前早繁行3分鐘一班已出動了26抽車，只有2抽後備。

如果要以現有車隊進行加班，暫時想到兩個方法：
(1) 將紅磡及屯門站總站等候開車的時間縮短至1分鐘，則班次可加至2分50秒一班；如同時將大欖隧道早繁提速至130km/h，班次可進一步加至約2分45秒一班。
(2) 將部分班次改為天水圍 turnshort，但會影響屯門至元朗之間的乘客。