如果專利巴士周街泊, 俾差佬抄牌誰付鈔?

傳聞68X係洪元路俾差佬抄牌, 咁好多巴士擺站外都有機會比差佬抄喎.

原帖由 bbtong 於 2012-8-14 02:21 PM 發表
傳聞68X係洪元路俾差佬抄牌, 咁好多巴士擺站外都有機會比差佬抄喎.

一個職員如果跟足公司的指示去做﹐因此而被罰款﹐你覺得係司機負責﹐定係公司負責?

如果真係車站唔夠位﹐令到有車泊到出街﹐法理上係可以當違規泊車。
但係﹐所有定額罰款都有上訴機制的﹐所以最終係有機會取消檢控的。當然﹐都要視乎當時實際情況而定。

夜晚成日有 59系 泊係兆禧苑個巴士分站 熄晒客燈 打住壞車燈停係度 有時仲停兩架係度  ， 停係度做食飯車 ， 阻塞左一條線 ，遲早都比人投訴

洪元路有泊位爭執都唔係近期o既事黎

由果個"所謂"豪宅起緊果時比地盤佬投訴阻住個地盤出入口,到而家d住客當條路係佢地私家路咁投訴d巴士阻住佢地出入

當時警方同九巴傾已經話如果d巴士唔係擺巴士站地嘜位例如影線就當違泊照抄
所以現時63X一泊完卡就泊番過田心路,不過以68X o既車海係食飯時間邊夠擺呀

果邊至少要等幾年後
PTI起好才有望解決

原帖由 avianwind 於 2012-8-15 09:12 AM 發表
果邊至少要等幾年後
PTI起好才有望解決

我又唔知當地的實際情況﹐但係巴士公司 & 警方 & 投訴者 大家都無共識﹐唯有向運輸處求助。

利用向運輸處給予壓力﹐盡量劃大個巴士站的範圍﹐例如盡量搬前上客位﹐以增加街道上的泊車位置。
批出指定時間可以在巴士站外泊車的許可
甚至搬總站去更合適的地方

如果唔係﹐巴士公司便有藉口話巴士站未能滿足運作需求﹐做成班次失準﹐到時上到區議會﹐都係政府的問題。

(不過﹐九巴最想開唔齊車﹐又點會搗到這一步)

今日問過副經理,佢話公司攪掂.

原帖由 dippy 於 2012-8-15 03:29 PM 發表
如果因為咁而縮短番68X，應該成區都多得佢唔少。

最後﹐都係攪到運輸處。

如果縮短去一個有合適的地方﹐居民區議會不滿。

如果保留總站﹐但係巴士公司會被人抄牌(違規泊車)﹐輪到巴士公司不滿﹐又係煩運輸處。


正常﹐都唔會第一件事縮短/改總站的(指大搬位)﹐因為此是大project 才可做到。第一件會做的事﹐便是由運輸處做主導﹐協調幾方面﹐盡量大家互相遷就﹐需要時為巴士公司發出許可證(或用路牌方式)作停泊之用。