2012年重新鑄做5元

原帖由 kei_hk 於 2012-8-29 15:27 發表


http://www.hkma.gov.hk/chi/key-functions/monetary-stability.shtml



由於香港政府本身要有一定的美元儲備﹐才可發行港幣﹐所以金管局便要按照這個規定﹐控制已發行(即流通市面)的港幣總額 及 美元儲備的固定比率。
...

睇金管局網頁, 貨幣基礎的統計數字
http://www.hkma.gov.hk/eng/market-data-and-statistics/monetary-statistics/monetary-base/2012/
Government Notes/Coins in Circulation (政府發行的流通紙幣及硬幣) 數字每一兩日都會變, 並唔係一個固定數字
農曆年前更會急升, 一日可以多超過一億
咁其實係咪無需要刻意去收起其他硬幣呢?
只要計返每日的改變, 唔超過相關美元儲備的金額就得

原帖由 Quanta 於 2012-8-29 04:30 PM 發表


睇金管局網頁, 貨幣基礎的統計數字
http://www.hkma.gov.hk/eng/market-data-and-statistics/monetary-statistics/monetary-base/2012/
Government Notes/Coins in Circulation (政府發行的流通紙幣及硬幣) 數字每 ...

如果係季節性的需求﹐不超出美元儲備便可(當然政府都會預了一個指定的浮動額的)﹐因為一段短時間銀紙便會回流銀行。

銀行會用新鈔去取替有損毀的舊鈔﹐舊鈔便會作廢去報銷﹐便可慢慢拉低流通的總數。



至於是否要刻意收回某一種貨幣﹐係無必要。
以硬幣計﹐一張報廢的$100紙幣﹐都已經頂替了20個新流通的$5(這便是前文提及"找換"方式了)﹐所以硬幣不一定要刻意收回。只需利用報廢的紙幣﹐以至其他面額的硬幣正常回流反銀行﹐已經可以調整到整體流通港幣總額。

[ 本帖最後由 kei_hk 於 2012-8-29 17:18 編輯 ]

原帖由 dippy 於 2012-8-29 09:25 PM 發表
其實如果有人攞走左或用爛左唔見左嘅錢，應該會令流通量跌
咁有無機制去處理呢？
是否印量會比收回量稍多以維持總流通量持平
定係由佢算數

下午看過每年流通貨幣總數﹐基本上係每年有增加的﹐某程度上已經預了這條數。

但以總發行量﹐唔會返回流通市場的貨幣﹐不論係收藏﹐定係民間灰飛煙滅﹐所估的百份比是極之低的﹐所以都唔會刻意去處理問題﹐當係繼續在市面流通便可。

但如果有損毀貨幣回到銀行﹐經驗證後無問題﹐便會以一換一的方式﹐用新貨幣取代。
(不過﹐銀行可能會重中一次中央處理(內部同政府對數)﹐唔會有一張便做一次換鈔程序)

而每一批/年印製的新鈔票﹐其實都係同硬幣一樣﹐都係會印得多一些存倉﹐在有需要時便會提出來﹐流通市面。

原帖由 Brianonly 於 2012-8-28 14:48 發表 我表妺已在百X超級市場找錢找倒

請問該硬幣在小弟回文3#提到o既邊位, 字與字之間係圓角定係尖角呢?

因為小弟隨後找續得來o既新幣, 有部分係圓角(「U」形或「J」形),
有部分係尖角(「V」形), 睇黎在回文3#話佢手工比較粗糙都算俾面佢.

附圖分別是三個5元硬幣, 發行年份為2012(左), 1993(中), 2012(右),
用兩個唔同角度影出來作比較.


左邊幅圖用紋路對齊, 睇到兩個新幣紋路唔同, 分別呈V形和J形, 最右果個連幣邊都磨薄左,
中間個幣用左十幾年, 雖然外表暗啞, 但手工並無因為用耐左出現明顯崩蝕.

右邊幅圖用個「圓」字對齊, 睇到兩個新幣紋路一樣呈V形, 條邊一樣有磨薄左, 只係程度唔同,
兩個新幣的字跟1993年間距不一, 但估唔到連同一年出品o既都有偏差, 同樣地, 1993年出品
依然保持其「實而不華」的面貌.

[ 本帖最後由 EX-TL 於 2012-8-31 02:31 編輯 ]

Share 1 bag of 2012 $5

原帖由 EX-TL 於 2012-8-31 02:01 AM 發表

請問該硬幣在小弟回文3#提到o既邊位, 字與字之間係圓角定係尖角呢?

因為小弟隨後找續得來o既新幣, 有部分係圓角(「U」形或「J」形),
有部分係尖角(「V」形), 睇黎在回文3#話佢手工比較粗糙都算俾面佢. ...

小弟早幾個月參觀了在香港歷史博物館的「香港錢幣展」﹐內容當然是講香港的錢幣啦。

以下﹐是我記得的內容﹐可能資料有記錯﹐故此只供大家參考。

以前來說﹐5元是一個較高面值的貨幣﹐曾經有一款十角形的款式推出﹐但因太易偽造﹐所以便用現時的設計﹐用回圓形及厚身﹐邊緣加入「防偽邊」。


而大家都會發現這條「防偽邊」﹐是有一個 "接口位" 的﹐你提及有 U 形﹐ J形﹐V形。
原來都是不同年份製作﹐都有不同的形狀﹐作為防偽特徵之一。

例如某年的製品是用 U形的﹐但係無情情有一個是 V形﹐即是 V形的一係是偽造的。




另外硬幣的鑄模﹐原來只會用一年﹐一年過後便會存倉作為保留﹐不會再作番用。
換句話說﹐理論上每一年所生產的硬幣﹐都會因為使用不同的鑄模而有一些輕微的不同。

但係﹐做一個新的鑄模需時﹐以前(上世紀)對硬幣需求又大﹐唔夠時間每年做一個新模。
所以﹐曾經有一些年份會重覆使用﹐但都會做一個最基本的修改﹐便是年份。但有時修改鑄模的技術問題﹐難以做到完美﹐所以這些「番用鑄模」做出來的硬幣﹐細心放大看﹐係會看到年份位置有係前一年的痕跡的。

[ 本帖最後由 kei_hk 於 2012-9-3 14:10 編輯 ]

離題一問：以前聽過香港既硬幣係o係英國同加拿大製造，請教高手

1.點樣睇出個硬幣係o係英國定加拿大造？

2.而家既硬幣有冇改到生產地？如有，係幾時改、改左去邊？

謝

原帖由 hkaiw 於 2012-8-29 07:49 AM 發表

1. 八達通
2. 毫子存入銀行的手續費問題，引致商舖拒收1毫及2毫

其實這會否引申出毫子過多的現象呢?

另一方面，一些飼養龜隻的水池中經常會發現大量毫子 / 人們有時懶得拾回跌了的毫子，這些又是否毫子流失的主因之一?