巴士港鐵搶客 紅Van搵食難牌價跌(930 VS 灣荃)

標題唔夠位
原為:巴士港鐵搶客　有車隊減近半
紅Van搵食難牌價跌

http://hk.apple.nextmedia.com/news/art/20120829/18002997

行走灣仔至荃灣12年的紅色小巴，便被城巴930西隧線（灣仔至荃灣）搶客，運輸署批准該線由上月起，將金鐘總站遷往灣仔碼頭，又在灣仔加設兩個分站，令紅色小巴生意大受影響。                                    

部份路線幾近重叠                                                                                                                                       
營運該紅巴線公共小型巴士總商會灣荃分會負責人梁偉基指，兩線幾近重叠，惟巴士車費16元，比小巴便宜一元，「俾巴士搶走咗啲客，每架車做少咗一轉，每日做少咗百幾二百蚊生意」，車隊由20架縮至15架。
梁表示，巴士加分站，表面上乘客有更多選擇，其實候車時間更長。「小巴每轉車頭九個客嘅車費，用嚟畀油錢同隧道費等費用，第10個客先係司機袋。一定要等夠客先開車，本來10分鐘一班，家起碼要15分鐘先開車」。
去年該城巴線亦曾成功申請改道，搶紅色小巴生意。的士小巴權益關注大聯盟主席黎銘洪表示，930巴士去年在上環皇后街加設分站，又在繁忙時間加開兩班特別車，即時打擊一條行走西環至荃灣的紅巴線，「巴士一程載走百幾個客，小巴即刻少咗兩至三成生意。以前呢條線有大約40架車，家剩番廿幾架」。

僅通宵線生意較好                                                                                                                                       
黎指，近年數條鐵路開通搶巴士客後，巴士經常申請改路線與小巴搶客，「巴士畀港鐵搶客，生意變差，見邊條小巴線賺到錢，就搵區議會幫手，加個巴士站同增加班次」，運輸署偏幫巴士，令小巴經營越來越困難，「依家只有夜更通宵小巴生意較好」，他拒絕評論牌價是否仍會下調。
香港大學城市規劃及設計系助理教授張峰指，運輸署主力發展鐵路和巴士，小巴只處於從屬位置。如個別區域需求增加，便引進新巴士線，小巴無可避免成為犧牲者。

930返荃灣唔停修頓已經係唔多想直接同紅van搶客
如果紅van咁既情況下都有客量流失，咁紅van又真係幾失敗喎

而且小巴成日都想蛇吞象，又唔睇下自己有無能力清晒所有客

如果40轉埋特快，荃灣堆紅van咪更加無啖好食

[ 本帖最後由 kay 於 2012-8-29 07:48 編輯 ]

原帖由 kay 於 2012-8-29 07:46 發表
標題唔夠位
原為:巴士港鐵搶客　有車隊減近半
紅Van搵食難牌價跌

http://hk.apple.nextmedia.com/news/art/20120829/18002997

930返荃灣唔停修頓已經係唔多想直接同紅van搶客
如果紅van咁既情況下都有客量流失，咁紅 ...

灣荃個D唔係挨義氣真係塭鬼睬你

荃灣<>西環線以前有40幾部車??

其實小巴仲有其他出路架, 例如一d 紅小線都唔夠車, 亦可以諗多d 新嘅紅小線 (如九龍灣/ 鰂魚涌呢兩個寫字樓區嘅紅小服務都未飽和, 而一d 綠小線又無人肯做。

根本政府就想取締紅小, 話晒紅小都係由白牌車演變而成既產物, 而且好多時d 紅小背後都係有社團操控, 如果政府打爛佢地飯碗, 又唔知會搞d 咩出黎......

原帖由 leochill 於 2012-8-29 08:59 AM 發表
荃灣西環線以前有40幾部車??

其實小巴仲有其他出路架, 例如一d 紅小線都唔夠車, 亦可以諗多d 新嘅紅小線 (如九龍灣/ 鰂魚涌呢兩個寫字樓區嘅紅小服務都未飽和, 而一d 綠小線又無人肯做。 ...

紅van 現時來講已經無以前這般好前景﹐政府在上世紀80年代已經想取締﹐利用政策紅轉綠去處理﹐只是唔可以一刀切﹐所以今天仲有紅van存在。


現時紅van 線細心去看﹐可以分為2類。1 是 公海線﹐2 是 所謂的專線。

前者是n年前﹐大家都見某些區去區有一定的客源﹐所以各自各在無統籌的情況下﹐都去行這些路線。
例子 : 土瓜灣 <> 青山道

後者是不少司機發現公海線客量開始受其他交通打擊﹐於是合組成團隊﹐找出一些新路線﹐而這些路線都是很直接 & 特快的。團隊會自己管理班次﹐利用「入線費」去給其他司機加盟﹐控制用幾多車等﹐甚至引入八達通收費。運作差不多同綠van 無異。



前者公海線﹐其實真係無乜肉食﹐叫做搵到2餐。同埋﹐都開始引入管理制度﹐一些站頭會有站長管理車輛﹐叫後車幾時來補位。

後者﹐起線的時間一定會好旺場﹐因為有個人之處~~ 時間快。但係隨著其他交通的發展﹐都會有一天被擊到的。而政府的政策也唔會幫紅van﹐所以紅van 便要不停去搵一些有潛質的新線﹐但可開的新線也 7788 ﹐紅van的前景有如渡輪一樣﹐「夕陽行業」。
例子 : 美孚 <>紅磡土瓜灣 ﹐西鐵未通紅磡前﹐大有優勢﹐不是大西北的居民都會靠此線返工放工。但西鐵一通紅磡﹐即被打殘

原帖由 deep3@italk 於 2012-8-29 10:11 發表
根本政府就想取締紅小, 話晒紅小都係由白牌車演變而成既產物, 而且好多時d 紅小背後都係有社團操控, 如果政府打爛佢地飯碗, 又唔知會搞d 咩出黎...... ...

社團嘛？警察搞唔掂既話大不了找公安甚至解放軍出來幫手

原帖由 HE7921 於 2012-8-29 11:03 AM 發表

社團嘛？警察搞唔掂既話大不了找公安甚至解放軍出來幫手

有一個名詞 : 互相牽制

你話警察有無能力清除所有社團?

我可以講﹐係有的。
但有沒有此必要這樣做﹐同埋做完之後﹐新的一批社團又會幾快會出現。


表面看﹐社團係罪惡溫床。但細心看﹐他們也是地下警察﹐為一些政府唔方便出手的地方﹐作出一些適當的管理。

例如﹐小巴排位入線﹐如果暗地沒有這些睇場﹐恐怕一早已經因為爭位爭站而大打出手。
政府又真係唔方便直接出手﹐唔通在街邊有限地方劃出站位﹐無法再加的情況下﹐人人(紅van)可用﹐唔通政府加規舉限制使用咩﹐這同綠van 有什麼分別? 咪係靠社團幫手做下野囉。

所以﹐只要社團唔坐大﹐唔去做一些出位行為﹐唔好做出一些明目張膽的違法事﹐唔好有人作出投訴﹐不少地方的政府都會給他們存在的。

灣荃線無客點都唔關930事嘛....

據我睇灣荃線主要做灣仔及銅鑼灣客，930就只係去到灣仔碼頭
返荃灣仲要過晒修頓先有站，如果咁都畀人搶到客，咁紅小就要諗吓點解喇..

又或者咁講，如果灣荃線可以放棄水街、中上環的話，應該會快930起碼一半時間
唔好忘記荃灣開係直出荃灣路的，當然，佢唔行西隧行舊隊又可能會慢左一截啦

多一蚊，班客趕時間的話，多五蚊都會坐...