為何輕鐵可以爭取到優先過路權，但電車卻不能？

原帖由 FZ5653xGB2444 於 2012-9-4 17:23 發表
由一個朋友閒聊時談到電車, 佢話其實成條電車路係比電車公司買起
that's mean 如果電車路有咩問題令到佢地做唔到生意等等
都可以向個一方索償

不是吧... 那麼電車公司大可弄專線~~

原帖由 hkaiw 於 2012-8-29 19:54 發表

有些右轉的路口正好在電車軌，例如：筲箕灣道西行右轉太康街（專利巴士線）、英皇道西行右轉糖廠街、英皇道西行右轉油街、德輔道西西行右轉禧利街等；其中筲箕灣道西行右轉太安街及英皇道西行右轉糖廠街是直去燈號轉為紅燈後， ...

想針對筲箕灣道西行右轉太康街 回應一下 ： 好多時候，巴士叔叔嬸嬸會主動讓電車行先，其實已經有優先過路權架喇。。。
有件值得回味既事，筲箕灣道近太安街未有過路線、東行電車站時候，有次架 城記85(唔記得係1041定42，當年仲未轉編號)，為左比電車過先，特地將部車駛往電車東行線(當然東行無電車啦)，比架電車過左先，算係咁啦。。。

整張十三年前舊相出黎。。。

當年英皇道西行仲未轉做電車轉線時候，曾經有過意外架。。。其後由 香港大酒店 起至近 炮台山道，都變左做電車專線咯。。。

原帖由 cyrcheung 於 2012-9-26 12:21 發表
整張十三年前舊相出黎。。。
當年英皇道西行仲未轉做電車轉線時候，曾經有過意外架。。。其後由 香港大酒店 起至近 炮台山道，都變左做電車專線咯。。。

印象中現在幾段分隔電車路軌及行車道的石碇是於2000年才加裝，在英皇道重鋪路面後是沒有的。

原帖由 hkaiw 於 2012-9-26 12:34 發表

印象中現在幾段分隔電車路軌及行車道的石碇是於2000年才加裝，在英皇道重鋪路面後是沒有的。

而家英皇道西行成日塞車
電車有專線往往快過巴士

有代價架......就係 莊士敦道 比其他車塞鬼死。。。

原帖由 cyrcheung 於 2012-9-26 12:15 發表

想針對筲箕灣道西行右轉太康街 回應一下 ： 好多時候，巴士叔叔嬸嬸會主動讓電車行先，其實已經有優先過路權架喇。。。
有件值得回味既事，筲箕灣道近太安街未有過路線、東行電車站時候，有次架 城記85(唔記得係1041定42，當年 ...

因為電車車長同巴士車長大家有晒默契，有電車就盡可能讓電車先行，上環港澳碼頭出站後果個夾口位都係，如果大塞車既就巴士一部電車一部輪流行

原帖由 HKMTR_A140 於 2012-10-10 08:45 發表
因為電車車長同巴士車長大家有晒默契，有電車就盡可能讓電車先行，上環港澳碼頭出站後果個夾口位都係，如果大塞車既就巴士一部電車一部輪流行

西灣河的例子有時所見會是巴士車長讓電車先行，不過多數卻是巴士與電車鬥快，尤其是行走新巴2X線那批車長。

其實巴士同電車司機都有默契的,
特別在西灣河太康街個路口,
因為在太安街西行起步無耐就見到下個燈口位咩燈,
電車有時見到下個燈係著緊綠燈知道有機會趕唔切就望下有無巴士要轉,
有就通常識做慢車讓巴士過.
而巴士亦會睇到燈見到係紅燈就識做, 俾電車行左先先, 等電車先過下唔駛等多個round.

不過, 有時唔係行慣呢個燈位的巴士司機就未必識做.

此外, 其實因為呢個燈位一般普通車輛無得用呢個右轉位,
所以巴士同電車先有咁讓的默契, 要是其他路口咩車都用得,
想有呢種默契都難

原帖由 Route_99 於 2012-10-10 11:47 發表
其實巴士同電車司機都有默契的,
特別在西灣河太康街個路口,
因為在太安街西行起步無耐就見到下個燈口位咩燈,
電車有時見到下個燈係著緊綠燈知道有機會趕唔切就望下有無巴士要轉,
有就通常識做慢車讓巴士過.
而巴士 ...

以前成安街、太安街那組及太康街那組是一起轉綠燈，所以西行車輛及電車便會「鬥快」趕去太康街的路口；不過去年便更改了交通燈的編排，結果成安街、太安街那組轉為綠燈，太康街那組仍是紅燈，直至太安街那組轉為紅燈後，太康街那組才轉為綠燈，反而亦然。

因此以前電車是可以有機會一口氣由成安街、太安街路口駛至近太康街的電車站，當然除非有巴士超前及等候右轉；不過更改了交通燈編排後，假如巴士超前了電車的話，電車便要被迫等多一轉燈，大約多花了2分鐘。