373, 373A 9 月 3 日起改道及加班

原帖由 64K 於 2012-9-6 02:07 發表

笑料一則︰
星期三晚六點半係呢個站等車去上水
到18:45有架373A到站後
跟住有十幾人排隊
排極都未有373
我之後有一男一女話想投訴九巴安排混亂
仲話如果搭港鐵返上水平過搭巴士
係搭373一程過有位坐先肯等落去喎
...

24分鐘一班車就唔好行D咁塞既路啦
好地地兜入銅鑼灣就乜，又唔索性怡和街開

原帖由 icecone 於 2012-9-6 02:15 發表
24分鐘一班車就唔好行D咁塞既路啦
好地地兜入銅鑼灣就乜，又唔索性怡和街開

係囉, 一係好似以前城巴930A咁, 頭站係內告士打道六國酒店, 一來減少浪費燃油, 二來少左塞告士打道銅鑼灣調頭果段路, 令其後車站乘客更易掌握巴士到站時間; 銅鑼灣站位到喉唔到肺, 真係唔明兜黎為乜?

原帖由 perfectman2222 於 2012-9-5 20:47 發表

貼貼紙應該係港島臨時站既做法... 方便遲d有可能改站...
就今日所見, 上水鐵路站東行站已換上新站牌, 373A並非貼紙..

係嗰張貼紙嘅大細啱啱Fit哂個格。如果佢係換波板糖，
係會有工程車一車車住去換成條線。

原帖由 天瑞總站 於 2012-9-6 00:24 發表
嘩咩叫你咁叻你去做?倉卒就可以做到咁乸西?
咁大間公司夠膽話比人知太倉卒所以錯哂?對多一兩次係難事?
定係九巴d人唔識同人溝通
接收信息有問題架? ...

如果唔係接收信息出事，大機構做野又係架床疊屋，
運輸署俾兩三日時間你做野，你根本未齊哂料去做，
連師傅都未操好哂線就上馬，一間公司仲有好多其他野做，淨係服事一條線麼？
話要人就有成隊兵幫手？你質疑你快應徵去做囉，九巴以後靠哂你。

原帖由 阿Dee 於 2012-9-6 00:25 發表
呢條線希望佢快d執返好d港島正常站位...

佢繼續咁會展開出尼..
只會繼續趕客..

因為港灣道夾口位..
塞都塞足十幾分..
再加埋銅鑼灣無一個正常o既站..
兜呢個十幾分鐘o既路程...
形同白兜..

如果繼續咁行內告..
景 ...

我諗站位係唔會改住，只係波板糖都未做，臨時放支，
等做好支波板糖咪拎走臨時站囉。
運輸署定哂站位，唔係九巴求其話呢個就呢個。
又係要運輸署決定。

原帖由 KT8144 於 2012-9-6 00:42 發表
以前373係上環又未係街邊站, D司機都係擺係港澳碼頭或者西消防街休息

邁向全日化的計劃，方便路線管理。

原帖由 KC3555 於 2012-9-6 09:35 發表

如果唔係接收信息出事，大機構做野又係架床疊屋，
運輸署俾兩三日時間你做野，你根本未齊哂料去做，
連師傅都未操好哂線就上馬，一間公司仲有好多其他野做，淨係服事一條線麼？
話要人就有成隊兵幫手？你質疑你快應徵去做囉，九巴以後 ...

師兄,我也明白九巴收到運輸署通知是十分倉卒,星期一改線,兩日前仍然什麼都沒動靜,一時間是做唔晒咁多野.
不過,這也不代表九巴沒有責任. 作為一個大的公營機構,有一個那麼大型的巴士改動,影響數千乘客,為什麼可以到
改線當天仍然未完全準備好所有站牌,操車,站位安排等,還要一改再改,亂了乘客. 這是乘客應該體諒嗎? 市民眼白白
睇住車長行錯路開走架車,呢個係要體諒嗎? 對原本的乘客公平嗎?
講真,如果真的那麼倉卒,車長,站長,市場部人士等,OT加班都要係改動前處理得妥妥當當.

不過,自從九巴急凍潮開始時,九巴更新的進度很慢,甚至有些路線,全冷了超過一個月,豬紙也未換. 是否代表九巴應增加兼職人手嗎?

我不是不體諒員工,而是我覺得在影響大的情況下,一間公司做事,不應該將亂子影響到乘客身上.

原帖由 KC3555 於 2012-9-6 09:40 發表

邁向全日化的計劃，方便路線管理。

方便路線管理,大可以擺天后,踢走25,25C,因為佢地銀幕街都有個站,仲擺天后做乜? 再者,天后都有綠小上寶馬山,25/25C個天后站真係多餘.
再唔係,不如拉上勵德村,反正23A下星期都取消囉.

再者,而家會展都逼到喊.或者索性用埋城巴灣碼條930A坑囉.

原帖由 FBI2 於 2012-9-6 09:41 發表


師兄,我也明白九巴收到運輸署通知是十分倉卒,星期一改線,兩日前仍然什麼都沒動靜,一時間是做唔晒咁多野.
不過,這也不代表九巴沒有責任. 作為一個大的公營機構,有一個那麼大型的巴士改動,影響數千乘客,為什麼可以到 ...

問題係運輸署係咪有需要要巴士公司去到9月3日先做，
可以定下9月10日或更後的目標，呢樣野係唔到巴士公司決定。
尤其是在開學日危機日子攪壇屎出黎，更加大問題。

我係覺得運輸署係應該負最終責任。

仲有話臨時增加人手，對一間大公司唔係三言兩語可以做，
要向財務總監做計劃申請撥款，俾你過左然後做請人程序，
況且九巴係乜野財政狀況，係枯井掘水真係咁容易？
九巴近日講車長無人黎見工，何況呢Ｄ錢同福利都唔多嘅工作？
就算搵到暑期工，都正值散水時候。

[ 本帖最後由 KC3555 於 2012-9-6 09:59 編輯 ]