消失的「荃灣西站」& 荃灣側線全面睇

原帖由 kei_hk 於 2012-9-17 15:02 發表


上環站﹐在未改建隧道之前﹐夠停2抽車(連同掉頭中的一抽車)。

你講既係港島西既工程?
同埋中環站(荃灣線月台)之後係咪"內有乾坤"?
因為好似特別光猛咁

我就比較好奇，當年地鐵荃灣線規劃的荃灣西站，是怎樣的月台佈局？現時兩條調頭路軌之間似乎沒有預留空間建造島式月台。

原帖由 3350 於 2012-9-17 09:47 PM 發表

你講既係港島西既工程?
同埋中環站(荃灣線月台)之後係咪"內有乾坤"?
因為好似特別光猛咁

係

http://news.sina.com.hk/news/2/1/1/2092414/1.html
入面提及 「受工程影響，由今年八月起一年半內，港島綫列車一旦於中環或上環站發生故障，處理時間會較現時長。」便是因為少了一抽車的停泊位置﹐所以一有壞車便不能放在上環站掉頭位後面的空間﹐而要想辦法移車去金鐘則線。


而中環站荃灣線未段﹐據以前我在網上看到的資料 (已忘記邊到看到﹐我亦無法查証真假)﹐入面唔係好長位﹐約1卡車長度﹐入面好似話係電制房/設備房﹐有人工作的﹐相通2邊路軌。

原帖由 K仔 於 2012-9-17 10:06 PM 發表
我就比較好奇，當年地鐵荃灣線規劃的荃灣西站，是怎樣的月台佈局？現時兩條調頭路軌之間似乎沒有預留空間建造島式月台。

聽過一個版本﹐話原本有這個荃灣西站的。但係差不多到動工的時間﹐這個位又未發展﹐亦預計唔到今天會有不同的屋苑在此處﹐所以便永久放棄這個車站。

亦因為放棄永久這個車站﹐所以便沒有再預留月台位置﹐所以只保留長長的掉頭/入廠路軌供停車/等訊號之用。


相信當年未想過用到寶琳站這個方式去做總站的﹐總站唔會只得1個月台﹐亦無打算用2邊分開的月台做總站(即今天東鐵紅磡站方式)。

其實如果要在這裡起車站的話，就真係要學港鐵康城站咁樣。

小弟十多年前第一部坐架因在工廠區工作就經常泊在路軌盡頭既爛地,
貪過處違泊都無人抄牌

回正題:相信要MTR肯建站,
除非盡頭位一帶及荃錦工路山側土地俾佢建上蓋物業佢就一定肯加站(MTR mode)

睇返舊相, 康樂中心現位置是泊城巴的, 咁當年城巴點入廠內?

原帖由 89B 於 2012-9-19 02:34 AM 發表
小弟十多年前第一部坐架因在工廠區工作就經常泊在路軌盡頭既爛地,
貪過處違泊都無人抄牌

回正題:相信要MTR肯建站,
除非盡頭位一帶及荃錦工路山側土地俾佢建上蓋物業佢就一定肯加站(MTR mode) ...

問題係﹐這個盡頭位仲有沒有空間去建車站月台及車站本身的設施(即大堂﹐出入口等)


其次﹐路軌最少一條要搬位﹐以便符合建島式月台﹐以保持班次。
盡位一帶未必有空間去擴展現時mtr佔用的空間。

原帖由 bbtong 於 2012-9-19 10:18 AM 發表
睇返舊相, 康樂中心現位置是泊城巴的, 咁當年城巴點入廠內?

雖然此地已經面目全非﹐但google map 的衛星圖反映了後而是有車路的
(附圖紅圈位置﹐接駁去車廠入口)