將會有8隻至尊噴射船?

原帖由 914 於 2012-10-5 16:32 發表
咁VIP 放樓上船尾好似Tricat咁得唔得？

擺中間就對住面牆,
擺窗邊......船尾艙門想點處置?封左佢呀?

尊豪位用1+3+1，尊貴人客就係要多啲個人空間。Tricat 都有單丁位啦，只係豪華位價錢添。尊豪位比豪華位收多50%，要多啲個人空間好過份嗎？飛機頭等而家好多都係單丁位添。

你有冇睇過tricat 豪華位?
一大條在中間,擺得落個位都唔"I"得後.....
唔單丁位都唔得......

Jetfoil 設計概念來自飛機，跟747或A380，頭等係樓下較前位置，商務放樓上，econ 係機下機尾有何不妥？

又係你話樓上擺豪華位未必有咁多客，咁攞走中間幾行四人位做水吧有乜問題？

Jetfoil 設計概念來自飛機.
咁樣我想問O下你....點解JETFOIL 的引擎唔係擺O係隻翼度?

咁我想問問........點解你的至尊位係在樓下?
你講的思想同設計就已經係自相茅盾啦...

你一路都用飛機的商務/頭等黎支持你的論點...
請問飛機的經濟位同商務位/頭等位相差幾多$?
船的普通位同豪華位又相差幾多$?

船只係講緊貴幾成, 飛機就講緊貴幾陪....
完全係兩回事....

各個大航空公司都靠商務位/頭等位賺錢.
船? 我睇唔到豪華位/尊豪位係主要收入來源.

[ 本帖最後由 barca_399 於 2012-10-5 16:56 編輯 ]

原帖由 914 於 2012/10/5 16:18 發表
我坐飛機唔多，相比之下機尾係嘈過機中央，有冇航空公司將商務位放機尾，econ 放中間呢？

真係「神又係你鬼又係你」, 之前你問有咩交通工具近 engine 放豪華位, 答到你之後, 而家又自己走去「搬龍門」。咁你坐飛機唔多, 又分得出機尾嘈過中央, 咁唔知分別係幾多分貝呢, 有無咩證明呢, 定係只為自己度身訂造替自己自圓其說呢。商務位放機尾, 佢哋點樣優先落飛機呢? 嘈嗰少少真係咁大影響, 非要其他因素通通讓路不可? 另外假如有巴士有設頭等二等, 咁係咪頭等放車頭呢, 如果巴士係前置引擎, 頭等會唔會因此改放車尾? 其實點解你講到高級位要遠離引擎嘈音係座位分佈的唯一原因咁呢, 座位分佈不可以取決其他多種因素嗎?

[ 本帖最後由 syp 於 2012-10-5 16:55 編輯 ]

自從jetfoil 分等級以來，樓下船尾都未做過豪華位。一直只係樓上同樓下船頭。係唔知邊個鐘情全程要聽engine 聲嘅人話至尊船豪華位要擺樓下，原本好地地係佢話要改。

返回標題，可見將來所有jetfoil 會變至尊。其實Barca 兄可否提供非至尊jetfoil 時間表，咁我比豪華位錢仲可以坐船頭。

其他船種我自己冇所謂，但同家人就咪搞。有次坐Tricat返港，未出澳門水域已經拋，但服務員堅持派餐。再出公海仲拋到佢哋躲埋一邊唔敢收餐。唯有我收埋家人嗰幾份餐掉返去水吧。咪一陣倒到成身都係。隻船後來行北大嶼至定番啲，去到上環見到遲過我開嘅jetfoil 已到。

另一次傍晚坐Tricat 返港，去到西環突然慢駛，船長話因呢隻船冇夜航設備。結果睇住後兩班jetfoil 扒頭。

原帖由 914 於 2012/10/5 16:32 發表
Jetfoil 設計概念來自飛機，跟747或A380，頭等係樓下較前位置，商務放樓上，econ 係機下機尾有何不妥？

設計概念還設計概念, 況且還是只是你覺得設計概念要跟飛機而已, barca_399  已經講咗一大堆可能的因素出來啦, 你一句「設計概念要跟飛機」就當將佢的理據推翻晒? 因為「設計概念要跟飛機」不論九曲十三彎通道、面壁包廂、胡亂封艙門、過剩高級座位等等, 通通可以不理麼? 「設計概念要跟飛機」, 那 Jetfoil 為何兩側不加對翼, 把引擎裝在那裡, 而要令你耳仔受罪? 你要高級座位有飛機高級座位的質素, 人哋跟足飛機收費結構收多你幾倍船費, 你願唔願意多付幾倍船費吖?

回復 50# 的帖子
最尾個句只表現到你的冇知。。。。
Jetfoil/foilcat如果過左日落時間。而向上又冇夜航員。。
一樣要慢駛。

原帖由 914 於 2012-10-5 15:27 發表
而比一般豪華位票價就要坐engine 隔離，仲要係3+6+3排列，上次坐連啲椅都唔較得，坐窗口位仲要同另外兩個人迫。又嘈，豪乜鬼華！？

3+6+3一排既豪華位設計的確唔好, 而最新至尊horta已經改為3+4+3一排, 可惜佢個裝潢就好一般.

原帖由 929jetfoil 於 2012-10-5 15:32 發表
其實一直想問,日星同祥星兩隻大噴射會唔會升級至尊??

佢話有8隻至尊噴射, 假設將全部6架929-115改為至尊, 全部929-100退役, 剩下仲有2架, 係邊兩隻, 係929定foilcat就拭目以待...

原帖由 barca_399 於 2012-10-5 16:33 發表
真係咁介意嘈......
仲有眾多非至尊船jetfoil 你選擇呀.....
再唔係可以選其他船種. ...

可惜日後非至尊jetfoil應該會越來越少.

原帖由 barca_399 於 2012-10-5 16:49 發表
船? 我睇唔到豪華位/尊豪位係主要收入來源.

雖然我都好同意呢點, 但TJ依家計劃推多d豪華位同尊豪位, 好似想蝕多d咁.

原帖由 914 於 2012-10-5 17:04 發表
自從jetfoil 分等級以來，樓下船尾都未做過豪華位。一直只係樓上同樓下船頭。係唔知邊個鐘情全程要聽engine 聲嘅人話至尊船豪華位要擺樓下，原本好地地係佢話要改。

返回標題，可見將來所有jetfoil 會變至尊。其實Barca 兄可否提供非至尊jetfoil 時間表，咁我比豪華位錢仲可以坐船頭。

其他船種我自己冇所謂，但同家人就咪搞。有次坐Tricat返港，未出澳門水域已經拋，但服務員堅持派餐。再出公海仲拋到佢哋躲埋一邊唔敢收餐。唯有我收埋家人嗰幾份餐掉返去水吧。咪一陣倒到成身都係。隻船後來行北大嶼至定番啲，去到上環見到遲過我開嘅jetfoil 已到。

另一次傍晚坐Tricat 返港，去到西環突然慢駛，船長話因呢隻船冇夜航設備。結果睇住後兩班jetfoil 扒頭。

唔知有無記錯, 以前jetfoil頭等位好似係上層船尾...(頭等位同豪華位唔相同)
哈哈, 我就可能係唯一一個中意全程聽jetfoil engine聲既人...我個人認為929-115, 即是依加既3隻至尊船已經比大部分929-100靜, 您坐下929-100船尾就明白.
非至尊jetfoil時間表, 個人留意到除了至尊噴射時間(0730,0900,1030,1200,1400,1530,1700,1830,2000,2230,2359)同foilcat時間之外, 其餘既00分同30分極大部份情況就係普通jetfoil. 或者可以問櫃檯係咪開噴射(唔好簡個至尊同foilcat時間問), 間唔中15分同45分都可以係普通jetfoil, 但15分同45分主力就係tricat.
船長真係話隻船冇夜航設備?

原帖由 914 於 2012-10-5 15:19 發表
乜jetfoil 現在樓下豪華位景觀好過樓上咩？

算小弟見識少，世上有邊種交通工具豪華位乘客要坐engine 隔離？

成程船其實有乜景觀?日頭白汒汒夜晚黑媽媽
船來講跟本應該係以穩定性為重點,越高級0既位應該係要越穩定,依家至尊船仲玩到有份高級餐可以俾客order,又有靚酒,如果抛到食唔到或者倒瀉晒都幾慘
唔好話jetfoil一定唔抛,就算唔抛,大浪果陣都會好震

噪音問題其實唔難搞,造返好D個隔音(例如VIP房牆身加厚牆身、裝隔音棉)已經好好多
坐一程船成個鐘,我相信絕大部份正常人都想全程唔抛/穩定,嘈唔嘈都係其次