28A/224M建議合併，彩福<->啟業

原帖由 dippy 於 2012-9-24 23:50 發表

啟業有得用, 咁麗晶呢?
啟晴有得用, 咁德朗又係咪行咁多
你個邏輯同我調轉講.

我無講過彩福直出旺角既線，同埋經啟東道的24，唔可以並存。

原帖由 dippy 於 2012-9-24 23:54 發表

你日以繼夜, 夜以繼日咁鬧個plan都無用, 你唔去揾下樓下個議員傾下?
搞到三彩繼續無全日車咪得lol
反正觀塘至九龍灣一定要經"牛頭角"既
你收貴左屈我比多啲錢特快入九龍灣當然唔可取啦

理得行協和街係比行康寧道慢幾多咩
總之收貴我去九龍灣就唔啱
反正過唔到我都仲有83M上山去三彩

你又知道呢度一定無板友走去搵議員嘈呢條新28A？

你呢D叫做打橫來講，而家觀塘->九龍灣嚴格來講唔係無服務，
有606，如果裕民中心都計觀塘巿中心的話，仲有條三個幾的106綠小。

而15A改得成的話，亦係由無變有，仲要九龍灣上車往平田分段
根本同28A全程收費一樣（定平兩毫子？），從來都唔存在話觀塘<->九龍灣客被加價的問題。

你呢d論調好自私，九龍灣<->觀塘客的利益幾時壓倒三彩客全日巴士的訴求？

原帖由 Snoopy@FB8617 於 2012-9-24 20:37 發表
每單行多2.2公里冇得加價
成條14B差唔多要兩成客先至做返原本條數

兄台，請問〝兩成客〞係點計出嚟的？

行多2.2公里，要用多幾多油錢呢？咪大約用多一升油左右…
我當今日柴油價格係$12.51，即係話只要每轉車多4個三彩客，就可以有賺啦…

如果按照閣下講要多〝兩成客〞，咁即係話14B一個單只有廿位乘客
的客量，咁咪可以媲美我樓下條224M…

[ 本帖最後由 telford5d 於 2012-9-25 03:09 編輯 ]

原帖由 Snoopy@FB8617 於 2012-9-24 21:32 發表
單係走線已經有麻煩既地方
做晒三彩定係用最快既走線已經有排講

俾到盡你行協和街落慢五分鐘
又係唔係真係冇吸引力?

剩係直落觀塘變成落完山再上樂華山呢下已經死罪啦

區內線根本就適宜搞15分鐘生活圈

點解三彩小巴咁多人搭去彩虹轉車/鐵，因為車程15分鐘內完成

28A由彩褔開車，15分鐘一定落唔到觀塘，咁好肯定無人搭

都係個句，有野好過28A，點解唔爭取好野?

可能大家平時FF慣，唔知咩野叫做以人為本

如果巴士公司只係一間需要賺錢既公司，咁根本唔駛運吉去管
運吉去管，係要巴士公司賺錢時，都不能忽略小眾/新需求

香港交通資源得咁多，資源一向都係由需求細既地方流向需求大既地方
何況觀塘區通勤人口多左，住又住多左人，資源卻原地踏步，剩係呢點運吉都要負上責任

有D野係等號黎

開一條能夠做最多三彩居民既線，根本就注定有賺

講咁多藉口，想說服自己，28A能配合三彩需求，拉其他線會倒蝕
咁我真係認真建議你考慮下搬去三彩住返三個月，去切身體會下有幾唔方便

我自己都走過上去行過幾次，唔好話老人家，後生仔行都好辛苦

時間就是金錢，呢個道理睇黎你都唔明

你要我兜5分鐘，你賠返20蚊比我，我絕對肯兜架

但個度四萬居民，就當2000人每日要賠20蚊，一年已經14600000
但你一味就只係講5分鐘，想縮減佢影響

但有時5分鐘已經可以做到好多野
或者用少5分鐘，返工可能唔駛遲到
用少5分鐘，訓多5分鐘
用少5分鐘，遲出門口5分鐘
用少5分鐘，早5分鐘到達目的地去辦公

呢5分鐘與其坐係架巴士上兜，不如做其他人生上更有意義的事

當然，都係個句，時間就是金錢

[ 本帖最後由 kay 於 2012-9-25 08:02 編輯 ]

原帖由 S3BL100 於 2012-9-24 23:11 發表


咁點解當年條24K又變相係一村一線，仲要最密開過7分鐘一班？

淨計雙彩區，九龍跨區工作都有2236人，計埋彩福應該有三千人。
仲要未計雙彩九龍跨區返學都有1617。
我當開條線彩福經彩霞道天橋直出旺角，15分一班，全線落單，
一 ...

1/ 你估九巴好想落單層? 佢冇客線先會拎單層,除非條線係超短途線加超密班次,例如273,長少少既例如282,283,248M都冇單層行啦而家.
2/ 好啦,當開條彩福去落旺角既線,15分鐘一班,會有咩情況? 第一,彩盈彩霞冇站,根本唔會坐佢;第二,彩德8座樓行去新清水搭27只需5分鐘,
但班次係5分架,仲要開雙層,即係有一半街坊走左去27.換言之,得番彩福4座樓係真係大部分人會依賴巴士. 不過,專線小巴密密做密密載落
坪石,但都係單邊客為主. 因此,就算俾你說中彩福直落旺角開單層朝早頂閘,咁朝早以外呢?下繁呢?夜晚呢?你都知道旺角都幾塞車,如果班次
唔夠密,一塞車甩班就大鑊.除非本身係旺角返工,否則要出旺角等十幾二十分鐘或者脫班半個鐘既彩福專線,倒不如搭返彩虹轉綠小,或者返
九灣行返上去仲好,時間仲易預. 因此,我睇唔到彩福出旺角專線在早繁以外,還有什麼優勢? 非繁一班頂多得廿幾人坐,回程更少,賺D乜?
好啦,如果條線開左冇客,巴士公司點收科? 有客冇錢賺,巴士公司又點收科? 好似263M咁減到半個鐘一班,仲要收車,跟住過幾年搵條線合併算數?
如果係咪寫包單開單層班班頂閘要企人? 而家講緊係4部車,而旁邊既啟業有4部廢廢地既24,當你用7部車,彩福專線4部,24用3部,咁如果彩福專線
冇客蝕錢,咁咪7部車一齊蝕?我拎番3部去做224M唔好? 至少每個鐘可以做多兩轉吸客.
3/ 24講緊7分架既係80年代後期,一到90年代已經轉用舊車,同埋減到14-25分鐘一班,之後先轉24,然後過多5年以上先有46.咁24係咪俾46打殘,
還是自己冇客打殘? 唔駛講大家都知啦. 再者,九巴係80年代至90年代,根本太多觀塘巴士線班次過密. 當年23開4分架仲要用3N,26M開8分架仲要
全線S3BL,95M開8分架,佢地行緊既地方有冇拆樓? 頂多得個和樂村係要拆,三順有拆嗎?翠林有拆嗎?咁解而家三條線搞到咁疏? 就係因為一村一線
既後遺症. 得一個以低收入為主既屋村,邊養得起一條全日線,你睇新巴條4,4X,43X,46X,94,城巴7,37B,40M,48,71做到似咩樣? 條條攬炒蝕舖甘.
你可能話219X,238X,同埋新巴30X夠係一村一線,不過,30X收6.5,同埋早下繁有一大班數碼港地盤佬,219X得9公里一個單就收人6.8,238X又係收得比人貴.
你要一村一線,咁唔該三彩起番十幾二十幢私人樓俾中產住先,咁我可以整條24X,只停九龍城和旺角,位位收6.0,否則一村一線係死路一條.
4/ 如果拉24上去,到時三彩多人坐,搞到啟業啟晴上唔到車,咪轉雙層,加車囉,都唔掂先拆線囉,總好過一開就要分家累鬥累.再者,我建議係拉埋23M上去,
夠晒切合需求啦. 講真,三彩班客要去新界返工,晨早行晒落山啦,仲同你等彩福專線出旺角轉咩.
5/ 三彩有14幢樓3000人有需求咁又點? 而家27做緊61棟樓,2A做緊52棟樓,24都做31棟架! 一拍上來都輸左9條街啦.
6/ 83X都一村一線架,結果到而家都唔夠客轉全日囉.

[ 本帖最後由 FBI2 於 2012-9-25 08:26 編輯 ]

原帖由 6516 於 2012-9-24 22:06 發表
走線點麻煩都係3彩區o既問題, 佢地自己要拆掂條數點計都唔難
搵架快車直出旺角, 去到九龍城都大把車俾你轉去其他地方
到時BB!都唔俾, 都有大把人搭去轉啦

新28a去觀塘唔係唔好
但其實除左去聯合一帶之外, 有邊part ...

由頭到尾28A係一條流水線
基本上條線一過左牛頭角道就預左係三彩得一批唔介意兜既客先會搭

你一樣可以將成件事拆骨
三彩<>觀塘一段,啟業<>觀塘一段
而既然觀塘根本就冇位,做循環線既情況下
將兩者拉龍服務到更多乘客都十分之正常


而實際上點解開極都開唔出只係服務三彩既線呢?
原因會唔會太明顯?

原帖由 S3BL100 於 2012-9-24 22:36 發表


據知旺角線開唔開得成，係九巴的問題，唔係運吉的問題

咁如是者點解會冇其他巴士公司入標去做?
lee個炸彈運輸處點都要拆
咁老九唔做一樣可以由其他公司去做

原帖由 S3BL100 於 2012-9-24 22:44 發表


想老人家$2去聯合的話，13X都得……

再唔係，28A可以一車走天涯，樂華->聯合->裕民坊->樂華亦得，
及/或同其他線（唔係224M）合併，咁又搵到一架車做第二D野。 ...

將所有野拆開晒咁一定得
只不過既然大家都有重複既路段
就已經會出現樂華<>啟業一段咁既物體出現
而順手拉上三彩點計係老九角度來講都好過做其他野去搞點三彩<>觀塘

原帖由 S3BL100 於 2012-9-24 23:15 發表


按14B特車行車時間估計，彩福經樂華去觀塘巿中心應該係10分鐘多少少，
但係28A個行法，就算只係多五分鐘，都已經多左差唔多一半，爭好遠。

而九龍灣、牛頭角亦有唔少人返工，28A咁行，對呢班客又有幾大吸引力？ ...

1分鐘vs2分鐘都係差一半
咁抽返唔睇percentage既
實際相差既1分鐘真係杯麵都未有得食

牛頭角或者仲有人會搭
九龍灣就預左唔會有人搭
28A既定位點睇都係一條流水...
總係唔會預有人會搭流水線總站<>總站掛...

原帖由 telford5d 於 2012-9-25 00:57 發表

兄台，請問〝兩成客〞係點計出嚟的？

行多2.2公里，要用多幾多油錢呢？咪大約用多一升油左右…
我當今日柴油價格係$12.51，即係話只要每轉車多4個三彩客，就可以有賺啦…

如果按照閣下講要多〝兩成客〞，咁即係話14B一個單 ...

唔好忘記仲有其他一大堆既成本係到
如果只係計油錢就得既咁老九駛咩煩