28A/224M建議合併，彩福<->啟業

原帖由 Snoopy@FB8617 於 2012-9-25 11:54 發表
28A係唔係一定做唔到15分鐘內彩福觀塘?
而其實行牛頭角道要用幾耐?
google map就話一個9分鐘,一個10分鐘
除非行協和街會大上大落,不斷塞車
如果唔係大家應該乘一個差唔多既factor
咁係唔係會差好遠?

協和街正常一定比牛頭角道塞。

14B特車行法，同埋直行牛頭角道，時間差唔多；行成條協和街一定最慢。

我諗你一定無經歷過協和街到底可以有幾塞，我試過坐晌架11C落山，過左聯合醫院之後塞到唔郁得。

協和街其中一個最大問題係燈密，我自己試過搭唔少次13D落山，
間唔中都要用足10分鐘先至由協和街頂落到去裕民坊交界。

無論係14B特車，或者是但一條經牛頭角道去觀塘的線，由振華道/牛頭角道交界起計，
好多時係5-6分鐘已經行到康寧道口。

原帖由 FBI2 於 2012-9-25 12:16 發表

一半路段爆,一半路段吉車,但係我整體冇加過車,或者只係加一部車,而且牛頭角道有2A.
總好過而家全段路吉車!

不過,如果要彩福直接去旺角,拉13D上山仲好,真係做到"用最少車達到最佳載客效果",仲好過拉24上山.

如果係全段路吉車的話，反而仲可以透過削減班次去善用載客率。

但係一半路段爆，一半路段吉車，就無法子透過調整班次一類手段去控制，
吉車果段點都係吉，浪費緊資源，但係你又縮唔到，又減唔到班。

情況就好似條流水線40，爆都只係爆中間果一段，兩邊少客。結果點？咪蝕錢囉。

又或者好似隧巴106、113呢類，得一小段多人，其他路段運凳，結果大家有眼睇。
咁係咪叫做善用資源？

原帖由 dippy 於 2012-9-25 12:03 發表

唔做總站點做彩福同彩俊?
兜入去就連原本山下僅有既客都兜走埋

兜入去又有咩問題？即係好似四順<->彩雲<->三彩<->牛頭角道<->觀塘<->四順咁，
彩雲而家夠冇巴士落牛頭角道，26M又慢，
就算兜入去亦唔見得會慢過26M落觀塘，或者慢過而家23M四順來往淘大啦，又唔影響原有乘客。

新28A死症就係三彩客源個pool太窄，最多只到聯合醫院同和樂村，
如果同其他屋邨的客綁埋一齊，就會多左班三彩上其他區返學（in this case四順）的客，
巴士途經三彩之時，車上乘客又唔會個個以三彩做起點或目的地，risk已經細好多好多。

[ 本帖最後由 S3BL100 於 2012-9-25 12:44 編輯 ]

原帖由 dippy 於 2012-9-25 11:46 發表
當然係觀塘-九龍灣好做過觀塘-三彩啦
至少彩盈有紅小, 彩霞有綠小
新線吸到幾多客仲係未知之數
但裕民坊去Megabox就一定獨市
(606價錢貴, 未必反映實際需求)

而家唔係好唔好做的問題，而係你根本無視緊一班無全日巴士線的居民的需要，點都講唔通。

606價錢貴，但係唔係好似你果D咩「三彩無咩人俾$9.8俾606A，所以三彩出觀塘欠缺需求」的荒謬論調。
分段收$5.7貴過區內線，但係我俾你15A改行觀塘巿中心，都要$5.2。
當然你可以唔滿意收得貴，但係本來係無呢個服務，
你為左想平D就可以由觀塘巿中心去megabox，就可以為三彩人施加不便的話，點講得通？

你唔知道三彩有幾多客去觀塘，又點知道裕民坊有幾多客去megabox？
兩類客而家根本都係無一條正常的區內線服務佢地，根本無分別，你係咪自相矛盾？

原帖由 Snoopy@FB8617 於 2012-9-25 11:54 發表
28A係唔係一定做唔到15分鐘內彩福觀塘?
而其實行牛頭角道要用幾耐?
google map就話一個9分鐘,一個10分鐘
除非行協和街會大上大落,不斷塞車
如果唔係大家應該乘一個差唔多既factor
咁係唔係會差好遠?

而家老九賺緊錢 ...

15A沿途有幾塞相信你都知
更何況28a依家都未正式改..

咁我倒返轉問你
聯合唔理,彩福開車，剩係兜上樂華呢下,你又點合理化?

同埋以我所知
運吉一路都有同九巴講要搞四彩
奈何九巴推極唔郁

有好多民間方案,好過28a,運吉都覺得可行,幫到九巴,仲幫九巴度埋
九巴就唔理,態度消極,連運吉都摸不著頭腦

有d野唔試都唔知得定唔得
但你唔試就永遠都係蝕咁多

原帖由 Snoopy@FB8617 於 2012-9-25 11:10 發表
由頭到尾28A係一條流水線
基本上條線一過左牛頭角道就預左係三彩得一批唔介意兜既客先會搭

你一樣可以將成件事拆骨
三彩觀塘一段,啟業觀塘一段
而既然觀塘根本就冇位,做循環線既情況下
將兩者拉龍服務到更多乘客都 ...

如果真係流水線, 份文件就唔好講到十分偉大, 係方便雙彩區人去九龍灣
雙彩區去九龍灣? 我行落淘大有小巴, 唔想俾錢有九龍灣穿梭巴
點解要兜大圈食個咁o既價, 之後仲要俾人話係方便自己搞條咁o既線但其實冇方便過?

說實話, 我唔係住山上, 呢條線我無幾可用到, 佢點改唔關我事
只係咁樣做可以講到咁鬼偉大去服務市民, 仲取消2條蝕錢線, 我就唔多受喇
係唔係服務山上客, 真係明眼人都睇到

原帖由 cong 於 2012-9-25 14:52 發表


加唔加係老九話事, 16KM 既 87B 都係收緊 $6.1

咁又係,如果要"做樣"服務三彩街坊,兜13D上去係最佳選擇,唔加價都肯啦,仲可以塞晒班議員把口,好過拉幾十八條線上去,或者搵D大蝕線搞.