28A/224M建議合併，彩福<->啟業

原帖由 S3BL100 於 2012-9-26 01:01 發表


同意11C上寶達比13D意義更大……不過問題係，要加價。

如果真係想用13D做三彩的話，我覺得比較合理的方法係呢兩個：

1. 來回改經樂華，不入觀塘巿中心，咁樣對秀茂坪又唔會太慢；長遠可以考慮
直情唔入秀明道，同安達臣果邊的 ...

13D客量雖然唔好,但未至於差.每個站都有客上車.
再者,13D根本冇空間去拉直條線,我剛才都計過數,就算拉直大角咀那邊,都唔夠縮每方向800米.唔入秀明道和聯合醫院一定有議員反對,咁即係冇得改.
至於拉上三彩加唔加價,就等九巴自己考慮啦. 不過,如果九巴真係想兜上去,佢會唔加價.

原帖由 FBI2 於 2012-9-26 09:51 發表


我於年半前曾建議過9,14B,24,224X延長至彩福,但九巴和運輸署冇理我,結果整條垃圾線拉上去,仲要救唔起條垃圾線而且仲用多左車,損人仲要不利己.
我真係想用一個數字去形容九巴今次個PLAN(唔會係1-5),大大條23M改一改 ...

寄E-mail去區議會會幫倒你,而且24、224X拉上去會載空氣多

原帖由 3avbwu 於 2012-9-26 10:05 發表


寄E-mail去區議會會幫倒你,而且24、224X拉上去會載空氣多

所以我最終唔建議拉224X上去,寧願維持於啟業總站,並取消下繁服務.
至於24,只係幫佢執多幾個客,蝕少D而已,斷估三彩一班車可以幫佢執到5-8個客.

原帖由 FBI2 於 2012-9-26 11:01 發表


所以我最終唔建議拉224X上去,寧願維持於啟業總站,並取消下繁服務.
至於24,只係幫佢執多幾個客,蝕少D而已,斷估三彩一班車可以幫佢執到5-8個客.

你自己都識講5-8個客，之但係成條線一轉比起而家長左20分鐘，
呢5-8個客的收入都係介乎$23至$36.8之間，夠唔夠抵銷行車時間長左、用多一部車的支出？

點計都係開條獨立線俾佢地實際好多。
我開條獨立線，15分鐘一班；你拉條24上去，又係15分一班，但係兜多起碼10分鐘，
已經兜走唔少客，即係連呢d收入都無埋。呢d損失左既收入又唔使計？

定係你根本同九巴一樣，唔想做三彩的生意，有錢都唔搵？
27開個位數字班次，一班車淨係計彩雲白虹樓，有冇5-8個客上車出旺角咁少？
或者，淨計順天村一個選區，個總站又有冇得5-8個客上車出旺角咁少？
唔會既話，三彩點講都等如1.5個選區，
如果唔係用d扭曲左既工具俾佢地，實際客量有冇咁少？

原帖由 FBI2 於 2012-9-26 09:58 發表

13D客量雖然唔好,但未至於差.每個站都有客上車.
再者,13D根本冇空間去拉直條線,我剛才都計過數,就算拉直大角咀那邊,都唔夠縮每方向800米.唔入秀明道和聯合醫院一定有議員反對,咁即係冇得改.
至於拉上三彩加唔加價,就等九巴自己考慮啦. 不過,如果九巴真係想兜上去,佢會唔加價

聯合醫院應該無事，因為13D途經觀塘區咁多地方，沿路都有替代品可以去聯合醫院。

但係點都好，13D兜上三彩，牛頭角至寶達之間原本班跨區客應該趕走晒，
好大機會趕晒去紅小，機會成本唔細，失左幾多客唔通又唔使考慮？
既然都係會趕客落紅小，何不索性改行振華道上落，起碼留返住一D秀茂坪客？

原帖由 S3BL100 於 2012-9-26 11:52 發表


你自己都識講5-8個客，之但係成條線一轉比起而家長左20分鐘，
呢5-8個客的收入都係介乎$23至$36.8之間，夠唔夠抵銷行車時間長左、用多一部車的支出？

點計都係開條獨立線俾佢地實際好多。
我開條獨立線，15分鐘一班；你拉條24 ...

講真,我係九巴,明明有個地鐵站係旁邊,我真係唔想做三彩搶地鐵客,因為搶客而開一村一線既後果就係新巴46X翻版.
要做三彩,就不如拉條74A上去,至少我冇競爭,各有各做. 再者,拉24上去,用多一部車,呢部車只係蛇車,朝早當班街坊
預到班次搭佢返工,一班上20人,做埋啟業啟晴,我班車有機會用雙層都頂閘.過左返工時間,我呢部車可以調去做其他線,或者
索性擺廠,我損失既只係24而家4部車用多左油,但係吸多幾個客.

好啦,如果開獨立線,繁時15分鐘一班吸晒班三彩街坊坐? 非繁呢? 半個鐘一班? 如果照開15,或者20,即係成本比而家拉24上去
用得仲多,但同時收入也不高於成本的增加. 如果非繁一轉得廿幾個客,我寧願唔開,因為用單層既成本,並不是用雙層成本既一半,而係
超出一半,單是油費也不是慳一半,車長工資也不是少一半.

當然,拉24上去都唔係最好,最好既係拎13D上去兜,連車都唔駛加.

原帖由 S3BL100 於 2012-9-26 11:58 發表


聯合醫院應該無事，因為13D途經觀塘區咁多地方，沿路都有替代品可以去聯合醫院。

但係點都好，13D兜上三彩，牛頭角至寶達之間原本班跨區客應該趕走晒，
好大機會趕晒去紅小，機會成本唔細，失左幾多客唔通又唔使考慮？
既然都係會 ...

而家13D面對紅小競爭,我點做都做唔住架啦. 不過,三彩紅小上唔到去,我13D可以做獨市.
正因為有紅小,九巴已經預左改路也好,不改路也好,寶達至牛頭角道班客早已趕走晒,與其同紅小爭客,不如做獨市.
可是,牛頭角道,協和街一帶仍然有乘客需要用13D,有紅小競爭,我最多係HEA做,但唔可以索性唔做,這一點不能不考慮.

[ 本帖最後由 FBI2 於 2012-9-26 12:09 編輯 ]

原帖由 FBI2 於 2012-9-26 12:06 發表

講真,我係九巴,明明有個地鐵站係旁邊,我真係唔想做三彩搶地鐵客,因為搶客而開一村一線既後果就係新巴46X翻版.
要做三彩,就不如拉條74A上去,至少我冇競爭,各有各做. 再者,拉24上去,用多一部車,呢部車只係蛇車,朝早當班街坊
預到班次搭佢返工,一班上20人,做埋啟業啟晴,我班車有機會用雙層都頂閘.過左返工時間,我呢部車可以調去做其他線,或者
索性擺廠,我損失既只係24而家4部車用多左油,但係吸多幾個客.

我覺得你真係打橫來講……

首先，46X點解係廢線？俾人改線前都仲好地地，改左之後條線變相只做灣北，
非繁忙時間有幾多人去灣北？46X南區做果條村又有冇三彩咁多人口？根本無可比性。
如果46X去到修頓、去到銅鑼灣，唔知你又係咪覺得一樣？

你想拉74A上去，但係74A根本唔係一D佢地需要既野，
唔知你拉上去有咩居心？係咪之後又話74A無客，所以證明三彩無客，
所以唔需要提昇巴士服務？照你呢個邏輯，74A而家的確唔掂喎，
係咪啟業麗晶以至成個東九龍都無搭巴士的需求？

而家麗晶條綠小46，有競爭的情形之下依然班班爆，
當佢真係3分鐘一班，15分鐘都載到20人出去；
仲未計24衰極繁忙時間都唔會一班車得20人咁少，
而且啟業有唔少座數都會行出大馬路等1A/2A/13D/16等線。

咁你估三彩去旺角的需求，有冇可能15分鐘一班車先執得20個客？

你本身只係諗住執20個客，兜路趕其他客搭地鐵既話，
即係有錢都唔去賺，有生意都唔做，呢D咩心態？
24而家一粒鐘一轉，繁忙時間一轉假假地都60個客（計埋流水），
你兜上去拉長多20分鐘，但係只係執多20個客既話，每小時收入有冇增加過？

但係唔好意思，你用呢D扭曲左既工具，真係隨時一班車20個三彩客都冇，
你擺明想整self-fulfilling prophecy，唔想做生意。

好啦,如果開獨立線,繁時15分鐘一班吸晒班三彩街坊坐? 非繁呢? 半個鐘一班? 如果照開15,或者20,即係成本比而家拉24上去
用得仲多,但同時收入也不高於成本的增加. 如果非繁一轉得廿幾個客,我寧願唔開,因為用單層既成本,並不是用雙層成本既一半,而係
超出一半,單是油費也不是慳一半,車長工資也不是少一半.

拿，你大可以話27做六十幾座樓，2A又做五十幾座樓之類。

但係事實係，非繁忙時間的2A，開9-13分一班，落到牛頭角總站起碼已坐七八成，
甚至未必有位坐。樂華有2.5個選區（你可以話樂華北無得搭2A，計兩個），
三彩1.5個選區，你估彩福旺角專線有冇可能一轉得廿幾個客？
24衰到貼地，大把替代品，一轉廿個客都唔難。

原帖由 FBI2 於 2012-9-26 12:08 發表

而家13D面對紅小競爭,我點做都做唔住架啦. 不過,三彩紅小上唔到去,我13D可以做獨市.
正因為有紅小,九巴已經預左改路也好,不改路也好,寶達至牛頭角道班客早已趕走晒,與其同紅小爭客,不如做獨市.
可是,牛頭角道,協和 ...

而家九巴就係好驚條線兜路會趕走原有班客。