28A/224M建議合併，彩福<->啟業

原帖由 straysheep123 於 2012-9-22 10:33 發表
彩福冇路過啟麗
一係要返淘大上橋

一係唔入去但肯定會嘈


不如拉10 號過去

反正彩福新移民多, 唔怕坐慢車出旺角

我有幾個研究方案:
1/ 拉24上彩福,來回程改行啟東道,做埋日後啟東村,暫時加一部車,我預計路線有起死回生的機會,行車里數17.2公里.
2/ 拉9上彩福,但有街坊指路線經黃大仙太繞路,不過我覺得可以接受,一部車都唔駛加,反正而家9都冇客,又唔係太疏,拉去彩福最多咪20分架.
3/ 拉14B上彩福,加一部車,方便D人去觀塘.

不過,由於彩福有天橋去九龍灣站,所以巴士線最好唔係同港鐵重疊,可是真係想不到有什麼方法不和港鐵重疊,唯有搵頹線拉上去.

冇理由拉111上去啦,你肯,新巴都唔肯.

原帖由 S3BL100 於 2012-9-22 00:58 發表


我覺得因果關係反而係因為28A擺啟業，借機拉走15A，
而唔係以拉走15A做出發點，俾28A做補償。

擺到明, 所以話28A啟業至觀塘同15A重疊係完全荒謬

離開九龍灣之後, 15A做觀塘商貿區>觀塘站+藍田,
28A做牛頭角站+觀塘市中心>四彩, 各有各做, 有重疊位?

以行車時間同大部分乘客利益出發, 15A唔再兜啟麗絕對係好事,
慈雲山去九龍灣商貿區返工唔駛無無謂謂入啟麗兜圈, 燈位又等得耐,
不過就苦了去慈雲山<>啟麗<>觀塘/藍田o既乘客.

慳到行車時間, 慳到油, 減少班次失準(15A), 加到班(14D)就係真o既.

原帖由 FBI2 於 2012-9-22 10:41 發表


我有幾個研究方案:
1/ 拉24上彩福,來回程改行啟東道,做埋日後啟東村,暫時加一部車,我預計路線有起死回生的機會,行車里數17.2公里.
2/ 拉9上彩福,但有街坊指路線經黃大仙太繞路,不過我覺得可以接受,一部車都唔駛加, ...

就算條條俾你拉到上去, 彩福都冇可能有位俾你泊,
如果真係延長到, 9泊彩德已經夠.

原帖由 EX-TL 於 2012-9-22 10:44 發表

就算條條俾你拉到上去, 彩福都冇可能有位俾你泊,
如果真係延長到, 9泊彩德已經夠.

當然唔可能條條拉上去,因為個總站最多擺到2部車.
頂多拉2條疏車既線上去.

原帖由 FBI2 於 2012-9-22 10:23 發表

我計過條數,其實唔駛搞咁多野,拉條24上彩福,加1架去做24已經夠,完全唔駛加價,呢1架車係224M度抽.
拉完上去來回加埋都係17.2公里,仲可以收4.6.

224M已經俾28A食左，仲邊度抽車？

如果真係想打224M主意的話，倒不如就24拉入九龍灣，兼配合不經先達後
客量減少，而減一架車，連224M果三架開條直出旺角的循環線仲好過。

彩福地理位置奇特，同數碼港、麗港城呢D山頭差唔多，
對外線只適宜一村一線直出，疏少少唔緊要，最緊要唔可以兜。
24兜埋啟業都係太慢。

原帖由 FBI2 於 2012-9-22 10:41 發表
不過,由於彩福有天橋去九龍灣站,所以巴士線最好唔係同港鐵重疊,可是真係想不到有什麼方法不和港鐵重疊,唯有搵頹線拉上去.

正正係你呢D搵頹線拉上去，而唔理條線係咪岩路的心態，往往令到新區居民無合理交通服務，要兜路。

凡親去油尖旺、深水步、過海都一定同港鐵重疊架，咁係咪唔使開線？

原帖由 EX-TL 於 2012-9-21 13:49 發表
唔好等喇, 聽朝打電話上RTHK1同該區顏議員反映下啦.

今朝我網上收聽直播，結果得三個人打去，仲要一個住何文田，騎劫左五分鐘有多，
話何文田都係座山，交通唔方便之類……

另外兩個都係住秀茂坪，大概記得其中一個嘈1A太慢、13D太疏之類。

於是無人打上去反映彩福的問題

或者應該咁講，我相信眾板友之間實有人打上去，但係畢竟烽煙節目時間有限，於是無輪到佢地。

大家既然普遍都覺得呢條線設計差，而條線又經觀塘咁多個選區，
咁麻煩大家呢幾日向區議員反映下，反對28A+224M合併，實行將重組拉倒

原帖由 FBI2 於 2012-9-22 10:41 發表

不過,由於彩福有天橋去九龍灣站,所以巴士線最好唔係同港鐵重疊,可是真係想不到有什麼方法不和港鐵重疊,唯有搵頹線拉上去.

由四彩去到九龍灣站 / 山下巴士站，普遍都要10至15分鐘步程
即使巴士線同港鐵重疊
但只要確保條線唔會趕客，同埋15分鐘內一定有車開（即係最疏15分鐘一班）
咁已經足夠令居民放棄落山搭車
總之就係做到「等巴士仲好過行路落山 / 等小巴落山轉車」既效果，就係四彩巴士線既生存之道

況且，想唔同龜龜重疊好簡單，拉5D上去便可，條線仲有五六年時間唔會同鐵路重疊

原帖由 ~誰@359~ 於 2012-9-22 12:32 發表

由四彩去到九龍灣站 / 山下巴士站，普遍都要10至15分鐘步程
即使巴士線同港鐵重疊
但只要確保條線唔會趕客，同埋15分鐘內一定有車開（即係最疏15分鐘一班）
咁已經足夠令居民放棄落山搭車
總之就係做到「等巴士仲好過行路落 ...

或者咁講，該板友的agenda可能係想D巴士線疏或者兜到居民唔搭，
製造一個又一個的客量欠佳數據，整個self-fulfilling prophecy，
成全當日係都要居民行上行落三個字搭地鐵的規劃願景。

原帖由 Snoopy@FB8617 於 2012-9-22 01:09 發表
聯合醫院好明顯係重點之一

唔知係咪巧合, 從區內醫療角度諗, 新28A似係一條覆診路線,
途經九龍灣健康中心, 未來啟德兒科醫院, 牛頭角賽馬會診所,
未來觀塘賽馬會診所, 和樂社區健康中心, 基督教聯合醫院等地方.