運輸署計劃於10月8日修改692和692P服務

根本成個方案以議員意願為前設就係荒謬，
因為陸平才、陳繼偉、方國珊接受到既方案，正常譚領律、鍾錦麟、范國威係唔應該接受。
最重要既係 FBI2 你首先要問自己覺得 692 係咪必需存在，
或者係咪值得搞客量高近一倍既 690 去成就一條絕大部份坑口尚德居民連港鐵死左都唔會考慮上車既隧巴，
只為了應酬部份霸道議員。

先數佢地臭屎，
方國珊已不止一次要求 798 開日出康城特車，只經日出康城、清水灣半島、寶盈花園（只經佢選區範圍）後直上隧道去沙田荃灣；
亦無視自己樓下有個港鐵尊站，爭取 n 條巴士小巴入自己區做總站，同時誤導康盛翠林居民爭取興建扶手電梯（實為 lift 塔），叫翠林居民行上康盛搭 lift 落寶林轉港鐵，仲要在會上講明「咁有 lift 之後當然巴士就要 cut d 啦」，咁你樓下咁大個尊站又何需同山上班島民爭巴士搭？
陳繼偉亦不止一次在會上怒片 796B 本身只服務將南，但取消後開既 798 要經埋坑口同寶林，
此人亦因為開 A29 後 E22A 被調整班次而將南被 A29 飛起，因而反對 A29 入國泰城。
我想強調即使係開 798，將南都唔係拍手讚好既，因為佢地唔可以容許自己區有一架車服務埋人地區，
咁山頭主義既議員，點解要服侍得佢地咁妥貼，當佢地廢 UP 係聖經？

我想講綠小 18 取消時全個西貢區會都一樣嘈到拆晒天，
依家取消左又咪一樣好鬼和諧，點解？
因為寶林坑口班居民學識搭港鐵後，個腦入面早就 delete 左 18 呢條線，根本有無佢就 no big deal，
692 亦將會係一樣。
我曾經在港島返工，有個同事住坑口，當時仲要係正值康城站通車將線頻頻出事，
佢都從來無當過 692 係一個 option，港鐵出事就早o的出門口搭港鐵，
佢仲會好奇怪我點解會唔搭車落寶林轉港鐵返工，要搭 690P 咁慢咁貴。
實情係：普遍坑口將南居民都係咁樣既諗法，佢地覺得港鐵是皇道，根本就連點解山上班客仲肯搭巴士都理解唔到，
班議員根本就同現實脫節，有需要咁 care 佢地講乜咩？

原帖由 3ASV174 於 2012-10-9 01:34 發表
根本成個方案以議員意願為前設就係荒謬，
因為陸平才、陳繼偉、方國珊接受到既方案，正常譚領律、鍾錦麟、范國威係唔應該接受。
最重要既係 FBI2 你首先要問自己覺得 692 係咪必需存在，
或者係咪值得搞客量高近一倍既 690 ...

經過一番討論後,回歸理性,其實690,692最佳的出路是行政指令,因為大家都明白部分議員極不理性,既然綠小18可以無聲無息地取消,692也可以,千錯萬錯,
都是那位運吉靚女爆響口既錯,又唔見綠小18走去爆響口.講真,班議員要遊行,訓馬路,係事後既反應,於是無補. 可是,現時692的營運狀況,以及中環的配額
爭奪,已經令TD有足夠原因採取行政指令.

講真,地鐵故障機率有多少,大家心中有數,冇可能為左5%的機會,而要巴士公司95%的時間陪蝕,而且係嚴重虧蝕. 地鐵瓜左,98A/296A唔會瓜,將軍澳線瓜左,
唔代表觀塘線會一齊瓜,觀塘線入到調景嶺某程度上係俾將軍澳街坊萬一將軍澳線瓜左都仲有替補. 游水過海? 油塘仲有條603特快,藍田有601/619,仲有
大量免費老冠招呼班街坊,我都唔明佢地死保住條廢線692做乜. 再者,我有幾位尚德和將中好友,一聽到692話要取消,佢地不知幾開心(但係佢地晚晚坐
692放工),話根本地鐵都夠做.

班尚德議員話因為有2蚊機,地鐵收10.5,所以冇人搭巴士,叫巴士減價. 我只能夠講,巴士一減價,死得將會更慘,蝕得會更勁,又唔見地鐵回程冇2蚊機,D人會改番搭
巴士?

總結: 叫運吉強硬D好過,無謂招呼班冇POINT既議員.當然,要合併,行山好過落山走,可是,當安達臣道入伙,山上一樣係輸家.

原帖由 FBI2 於 2012-10-9 12:07 發表
經過一番討論後,回歸理性,其實690,692最佳的出路是行政指令,因為大家都明白部分議員極不理性,既然綠小18可以無聲無息地取消,692也可以,千錯萬錯,
都是那位運吉靚女爆響口既錯,又唔見綠小18走去爆響口.講真,班議員 ...

之前小弟都講過安達臣+秀茂坪+興田來往中環應該自立一線做
而唔係拉條690上去兜

原帖由 JX9097 於 2012-10-9 12:19 發表

之前小弟都講過安達臣+秀茂坪+興田來往中環應該自立一線做
而唔係拉條690上去兜

我睇死運吉唔會有新過海線俾安達臣道,有機會整幾條m線公開招標,最多整多條去旺角算數.

原帖由 FBI2 於 2012-10-9 12:07 發表

經過一番討論後,回歸理性,其實690,692最佳的出路是行政指令,因為大家都明白部分議員極不理性,既然綠小18可以無聲無息地取消,692也可以,千錯萬錯,
都是那位運吉靚女爆響口既錯,又唔見綠小18走去爆響口.講真,班議員 ...

你既然識得「回歸理性」，知道最佳出路係行政指令，
點解當初又「意氣用事」地走去建議兩條線合併？
出於討好議員而唔係為居民著想，閣下到底有何居心？

原帖由 S3BL100 於 2012-10-9 23:03 發表


你既然識得「回歸理性」，知道最佳出路係行政指令，
點解當初又「意氣用事」地走去建議兩條線合併？
出於討好議員而唔係為居民著想，閣下到底有何居心？ ...

居心? 梗係想佢地快D搞掂單野,唔好兩條累鬥累,同時又霸住晒中環QUOTA,我條948,仲有北區既373A好需要呢批QUOTA架.

因為坑口同將南居民擔心將軍澳線會繼續出事,所以先要求保留692,不過運吉好快會再有進一步行動

原帖由 FBI2 於 2012-10-9 23:38 發表


居心? 梗係想佢地快D搞掂單野,唔好兩條累鬥累,同時又霸住晒中環QUOTA,我條948,仲有北區既373A好需要呢批QUOTA架.

373A之前都叫做加左班喇
948反而我想知衰乜野，就黎到年尾都加唔到班

而新巴之前已經陰乾66，當然d車去左邊就無人知