運輸署計劃於10月8日修改692和692P服務

原帖由 S3BL100 於 2012-10-11 22:51 發表


既然係為將荃的話，更加應該係斬692，而唔係拖埋690落水。
山上客點睇都唔會受惠於將荃，但係在有其他選擇的情況下拎呢班無鐵路既居民祭旗，又係咪合乎道義？ ...

其實最好既解決方法係,拎條將荃線去交換條件殺692,咁既可以保住690維持原狀,又可以開到將荃.

原帖由 天空之神 於 2012-10-11 00:46 發表
如果為左條某君條 948 全日而要攪著 692

不如簡單D , 九新交條數出黎
整條 992 啦 (即 911 既 948+692 版)
長安  坑口 , 經港島
[首相 Mode] 呢條線破左 2 個紀錄
1. 最大 no. 992 ,
2. 第一條由新界 ...

係咪應該去F1版討論？

本身我就唔係好想回應, 因為意見與之前的人不一致,
不過見咁多人講野偏離現實, 我覺得需要回應.

根據本年度rdp http://www.districtcouncils.gov. ... ttc_2012_023_TC.pdf
第21頁有列出690及692非繁忙時段的載客量, 原來690非繁忙時段的載客量只是比692高1%.
我又想問如果今年霸王硬上弓取消692非繁忙時段服務, 下年是否同樣可以霸王硬上弓取消690非繁忙時段服務呢?
客量差1%, 為何不能. 區議員都清楚這個問題, 所以大致上都不會反對非繁忙時間更改690走線.

另外在rdp第22頁都睇到, 山上坐690乘客比寶林坐690的乘客小,
當然啦, 文中沒有明確顯示非繁忙時段的比率是否一樣,
所以話690非繁忙時段主要依靠山上客已經可以話唔岩.
另外亦提及690有14%乘客是藍田客, 如果扣除這批乘客, 非繁時690客量比692更差.

再講延線, 巴士公司最大目標都係以唔加車為大前提, 又唔可以加車, 又唔可以減班,
試問又點會做到增加行車時間而導致趕客呢?

有人提及上山, 但上得山又點會夠時間跑, 而家N691半夜三更冇客飛車都經常過鐘,
日頭比多20分鐘你, 塞軒尼詩道都唔夠.

最後就只有690出隧道前經尚德+港島區跟692走線是比較可行.
原690乘客睇落就好似蝕底, 不過如果佢地有腦的話, 大可以用692回程變成690P回程,
最後賺蝕都係睇區議員功力.

原帖由 fleetline 於 2012-10-14 01:13 發表
最後就只有690出隧道前經尚德+港島區跟692走線是比較可行.
原690乘客睇落就好似蝕底, 不過如果佢地有腦的話, 大可以用692回程變成690P回程,
最後賺蝕都係睇區議員功力.

新690港島區路線跟692的話
咪連中環都唔使做?
(交易廣場真係拎嚟放總站而已...)

原帖由 fleetline 於 2012-10-14 01:13 發表
本身我就唔係好想回應, 因為意見與之前的人不一致,
不過見咁多人講野偏離現實, 我覺得需要回應.

根據本年度rdp http://www.districtcouncils.gov.hk/sk/doc/en/committee_meetings_doc/SK_ttc_2012_023_TC.pdf
第2 ...

講回690,佢兩繁既客量遠比692高,690/690P早繁可以爆瀉,692頂多企幾個,692P直情有位剩.下繁方面,690北角可以頂閘,但692唔駛企.
至於夜晚飯後時間,692回程客量一般比690高.

非繁時方面,平日690和692都係一樣差到無倫.至於星期六和假日,690客量會比692稍高.

說回690,其實地鐵通車前,山上客量一向都係差,最主要既糧倉係新都城和佳景路,就算現時俾地鐵打到殘晒,早繁仍然係靠新都城保住.
地鐵通車後,將軍澳既巴士真係傷得好緊要,以前691,693有超過95%既客去晒港鐵,而690本身客量不算高,所以跌幅較少,但跌7成半走唔甩.

好多人話690改行山,先保得住條線,如果兜尚德,連山上客都保唔住. 這一點我要說,點樣改法,條690都係保唔住.如果行山,山下客一定會冇晒,
至於山上,也唔見得好好,寶達可以上唔少客,日後仲有安達臣道,看似救番生條線,實際係送左將軍澳既資源俾觀塘用,到時山上客又會嫌慢.再者,
寶達呢批客,原本已經坐601,而家只係將601既客轉過去690,簡單地說是自己打自己.再者,對山下客來說,他們用多至少20分鐘,現時班議員一直
講緊"將軍澳人口增長,地鐵一出事,冇巴士就大鑊",很難游說山下那班街坊.

如果690非繁經尚德,就要考慮現時690非繁時山上有幾多人坐啦. 寶林客真係可以唔駛理,因為地鐵係頭站,點搭都有位坐,班次又密,除非好似我咁
要去禮頓道唔想行先坐690外,其他大部分都會走去搭地鐵. 因此,非繁時真係可以IGNORE晒寶林班690客. 說回山上,現時要考慮的是非繁每班
有多少山上客,而呢批山上客為什麼會坐690. 本人留意到的是,690現時以游離客為主,即是來往將軍澳和北角/炮台山既客為主,原因係咁岩有巴士,
同埋巴士有位坐,加上車程又唔係耐,但呢班客,每班車都係得十個八個. 至於假日690客量較多,主要係因為乘客認為港島交通暢順,費事落山轉地鐵
而已.

如果非繁山上客多,當然唔應該改690啦.不過,如果非繁山上客少呢? 如果山上客真係咁重要,咁點解690非繁會冇客? 如果690咁多山上支持者,就唔
會年年上榜啦. 本人承認,690早繁客量很高,所以早繁一定不可以有任何修改. 可是早繁以後,又是否應該維持原狀呢?

點都好,點樣改,改唔改,應該由地區議員去決定. 簡單地說,改又死,唔改一樣係死,地鐵打殘巴士,找數係全區一齊找,唔係個別分區去找,所以山上永遠係
輸家,而且係大輸家,咁多年來,減班減得最勁既,係山上既線,有幾多條山下線俾地鐵打到死晒? 98A,98C,98D,297,296A,296C,296D仲保得住客量和
班次,點解93A,93K,95M,690減到不似人形?

唔好話將軍澳,我講埋西鐵,元朗有2個西鐵站係正市中心,點解68M,68X,968可以保得住?反觀天水圍和洪水橋,點解69M,69X,63X,265M,269M不斷減班?

再講遠D,東涌線通車,打得最應係41A,44,948.事實上,41A和44有減過班,44客量也下跌不少,但未至於大不如前,下繁仍然爆到七彩,只係上繁客量真係跌得幾緊要.
可是,41M,43C,43M,43B呢D同東涌線無關既巴士線,減班減得仲勁,呢D咪就係找數囉.事實上,呢4條線客量跌得比41A,44,948更勁.

簡單地說,這就是供求問題.因此,690既去向,要說回供求情況,而不是公平情況.因為,區內資源從來沒有公平過.

不過,690改唔改,692都係該死,呢條數點都要找,問題只係找左呢條數,調去邊度,能否交換條將荃線?

原帖由 FBI2 於 2012-10-14 10:05 發表


講回690,佢兩繁既客量遠比692高,690/690P早繁可以爆瀉,692頂多企幾個,692P直情有位剩.下繁方面,690北角可以頂閘,但692唔駛企.
至於夜晚飯後時間,692回程客量一般比690高.

非繁時方面,平日690和692都係一樣差到無 ...

山上客要出觀塘，巴士點都係首選，
就算要搭地鐵去觀塘以西既地鐵站，搭出觀塘轉點都順路過去寶琳轉，
仲要兩線本身有一定客量係遠離地鐵站，
單純需求改變係解釋唔到點解93A同95M比人大減班，
唯一解釋係，根本係九巴特登陰乾去93A同95M迫人搭貴價98A。

而將軍澳資源比觀塘用，條條行山線都係架啦，尤其95，唔見得有咩問題。

而家690藍田分段收緊$11.8，回程仲要收夠$13.4，601收$9.8，
601客過檔690既話去程位位收多兩蚊，回程位位收多3個幾，
仲可以清番啲位去做曉光街打後既客，除笨有精。

原帖由 FBI2 於 2012-10-14 10:05 發表
如果690非繁經尚德,就要考慮現時690非繁時山上有幾多人坐啦. 寶林客真係可以唔駛理,因為地鐵係頭站,點搭都有位坐,班次又密,除非好似我咁
要去禮頓道唔想行先坐690外,其他大部分都會走去搭地鐵. 因此,非繁時真係可以IGNORE晒寶林班690客. 說回山上,現時要考慮的是非繁每班
有多少山上客,而呢批山上客為什麼會坐690. 本人留意到的是,690現時以游離客為主,即是來往將軍澳和北角/炮台山既客為主,原因係咁岩有巴士,
同埋巴士有位坐,加上車程又唔係耐,但呢班客,每班車都係得十個八個. 至於假日690客量較多,主要係因為乘客認為港島交通暢順,費事落山轉地鐵
而已.

如果非繁山上客多,當然唔應該改690啦.不過,如果非繁山上客少呢? 如果山上客真係咁重要,咁點解690非繁會冇客? 如果690咁多山上支持者,就唔
會年年上榜啦. 本人承認,690早繁客量很高,所以早繁一定不可以有任何修改. 可是早繁以後,又是否應該維持原狀呢?

sheer nonsense

690變定點後，山上根本多左人搭，起碼每班車十幾個，
絕對唔係好似之前無客仲開13分一班果陣，D人真係見到有車先會上囉。

上面板友quote的應該係690未減班之前的數據，根本反映唔到現況。

點都好,點樣改,改唔改,應該由地區議員去決定. 簡單地說,改又死,唔改一樣係死,地鐵打殘巴士,找數係全區一齊找,唔係個別分區去找,所以山上永遠係
輸家,而且係大輸家,咁多年來,減班減得最勁既,係山上既線,有幾多條山下線俾地鐵打到死晒? 98A,98C,98D,297,296A,296C,296D仲保得住客量和
班次,點解93A,93K,95M,690減到不似人形?

簡單地說,這就是供求問題.因此,690既去向,要說回供求情況,而不是公平情況.因為,區內資源從來沒有公平過.

不過,690改唔改,692都係該死,呢條數點都要找,問題只係找左呢條數,調去邊度,能否交換條將荃線?

我只係覺得你呢種以大欺小的價值觀好有問題。

而家個現況係山下條692根本無人搭，點解要搵山上人找數？
點解係由山下決定山上的690有無得維持既有服務？
「山上永遠係輸家」，係咪即係可以任由你去宰割，唔俾返野俾人等價交換？係咪即係咁做無問題？
好，你話換將荃線，咁點解係要山上人找數，換條山上人應該無機會用到的將荃線？

你話「供求情況」，咁690山上非繁一班車起碼都有十幾個客，692入東隧都未必有呢個數。
咁點解係要690/692非繁合併行隧道，要大多數乘客犧牲，去成全少數人？

真係世風日下。

原帖由 2076 於 11/10/2012 18:14 發表
[gag mode]傳說中的992定線往青衣: http://goo.gl/maps/WjuC7
往康城: http://goo.gl/maps/d19yf
692, 948同將荃都一起兼顧
收費:
全程$16.0
荃灣來往康城: $10.0
港島來往康城: $13.4
港島/青荃穿梭: $5.7
...

其實小弟係收費上咁諗

青衣開出 $16.0
過西隧後往將軍澳 $13.4
將軍澳開 $13.4
過東隧後往青衣 $16.0

將荃線又有 , 948 全日又 KO 左
692又唔需要取消

問題係巴士公司非繁要派多左車落中環至青衣一段
比起就咁 948 全日慳左中環至銅鑼灣一段

原帖由 S3BL100 於 2012-10-14 12:25 發表
你話「供求情況」，咁690山上非繁一班車起碼都有十幾個客，692入東隧都未必有呢個數。
咁點解係要690/692非繁合併行隧道，要大多數乘客犧牲，去成全少數人？

你又咁肯定692非繁十幾個客過海都冇?
我呢兩年經常係非繁搭692坑口去灣仔
(通常係九點後, 十一點同兩點左右)

絕大部份都有約二十客搭, 尤其改左非繁定點廿分一班後,
試過幾次14:20新巴單層過海坐滿加企幾個

[ 本帖最後由 Kevin 於 2012-10-15 18:41 編輯 ]

692而家多左唔少2蚊客