運輸署計劃於10月8日修改692和692P服務

原帖由 FBI2 於 2012-10-18 23:50 發表

以山上來說,690點行都唔會快過小巴轉地鐵.

你自己認為你呢d謊言，講多幾十次會唔會變真理？你覺得你定係真係用開690的客講既野會比較可信？

原帖由 3ASV174 於 2012-10-17 20:42 發表
692 一直存在都只係一個 alternative，但 690 唔係，690 係山上唯一直接過海既選擇，
非繁時佢比小巴轉港鐵更平、更快、班次更穩定、時間更有預算（你根本唔知小巴幾時黎，但巴士一定呢個時間開），
但只要一改，佢呢堆優勢就無晒，但居民唔想捱貴車，都只可以硬食，但要用多時間既，何不搭港鐵就算？.

原帖由 S3BL100 於 2012-10-18 23:59 發表


你自己認為你呢d謊言，講多幾十次會唔會變真理？你覺得你定係真係用開690的客講既野會比較可信？

人家說"直接過海",不是說"690快過小巴轉地鐵",明白未?
即係咁,明明搭地鐵快D,我都唔會去選,因為690一程車過.

原帖由 FBI2 於 2012-10-19 00:09 發表


人家說"直接過海",不是說"690快過小巴轉地鐵",明白未?
即係咁,明明搭地鐵快D,我都唔會去選,因為690一程車過.

你不如睇埋人地第二段。

原帖由 3AV53 於 2012-10-19 00:11 發表
你不如睇埋人地第二段。

如果15M同17M都係車海唔駛等，佢就講得岩既
但係真正熟山上既會知道順亞既服務有幾好

原帖由 gn3509 於 2012-10-19 00:28 發表
如果15M同17M都係車海唔駛等，佢就講得岩既
但係真正熟山上既會知道順亞既服務有幾好

放工時間一出地鐵站就係小巴龍尾啦，幾方便呀

原帖由 FBI2 於 2012-10-18 23:32 發表


頭尾都一樣冇啦,平時去到坑口都冇幾多位剩,上埋坑口,其他站就要罰企.

非繁忙時間頭尾卡，寶琳上車訓晒成排都得，
就算去到將軍澳站無位，企 2 分鐘去到調景嶺都一定有位。

將來康城站劫走寶琳一半班次後，692 在尚德競爭力將會更低，
但將軍澳站上港鐵既尚德客非繁時仲肯定有位坐；
相反 690 在將軍澳沿線既競爭力卻越來越高，
特別係小巴又加價，港鐵加價卻又減班（寶琳、坑口）。

原帖由 FBI2 於 2012-10-18 23:05 發表
我已在另外一篇文發表部分數客報告,加上平時經常搭690,而觀察到一個現象,就係690出港島既客主要係去禮頓道,因為禮頓道距離地鐵站遠.以前我係禮頓道返工,
寶林寧願等690都唔搭地鐵,原因係由地鐵月台行去時代廣場再行出去禮頓道是非常不便,而690可以直去禮頓道. 有D人認為搭690係因為貪快,呢點我絕不同意,
山上客過海,最快係綠小轉地鐵,其次係搭車出觀塘轉其他車過海,反而最吸引乘客搭690係有位坐,同埋唔駛行,呢一點正正解釋到點解回程客量一般比去程多既
原因. 其實地鐵未開之前,690山上客本身都偏低,咁多年都係咁,只不過近幾年更低而已. 至於692,基本上呢條係尚德專線,雖然有2蚊機,但係行去將軍澳站絕不方便,
而回程也是靠返尚德既客保住客量,一個尚德可以落50人.

690 非繁忙時間往中環方向，康盛開出大約 40 分鐘已經到修頓球場，而且班次有預算，假日仲係定點班次，
而康盛搭綠小去到寶琳站月台，最快都要 15 分鐘，港鐵去灣仔車程約 30 分鐘，車程 45 分鐘，未計小巴係無定向班次，
衰起上黎企o係康盛 10 分鐘，仍然一架 93A/93K/296M/ GMB12/15M/106/111 都無，或者上唔到。

而車費方面，690 只收 $13.4，
康盛搭綠小落寶琳站最低消費 $3.3，轉埋港鐵就 $15.8，但係班次係鍾意開就開，如果唔死等 15M 既話，
大部份去落山去港鐵站既車都收 $4.6，兩程車費加埋 $17.1。
而尚德搭港鐵去中環，車費只係 $10.5，692 收緊 $13.4。

而將軍澳線通車後，其實我真係未聽過有山上人會因為想快而搭車出觀塘轉車過海，
因為落山叫七飛，正常係應該快過單吊 98A 有車，而且轉港鐵過海的話一定係寶琳快，要轉巴士做乜唔直接搭 690。我覺得唔了解人地交通模式既人其實係你，以前將軍澳人唔搭 690 都係去藍田轉車唔會去觀塘，翠林搭 17，康盛搭 93M，
依家 17 疏到嘔奶夾貴，93M 又俾人殺左，去觀塘轉港鐵最終都係要轉返將軍澳線，就算轉港鐵都去寶琳轉啦。
不過我知道回程的確會有人o係觀塘轉車，但佢地係搭 694 返觀塘警署轉 93K/98A 上山，出去無得咁轉。

另外尚德去將軍澳站只係行一個街口，而且條路有蓋，雖然不至於唔使日曬雨淋，但總算行得舒舒服服，仲平巴士 $3，
點都好景過人地唔知等幾耐小巴先落到黎轉車，仲要俾多 $4。
為了有港鐵直接過海既尚德有多一個巴士做選擇，要改慢山上唯一直接過海既交通工具點講都講唔通，
而且事實就是事實，690 客量的確比 692 高，唔止繁忙時間，係全日都係，並唔會因為你撞到幾班 692 偶然多客過隔離班 690 而改變。

[ 本帖最後由 3ASV174 於 2012-10-19 01:23 編輯 ]