觀塘部份區內巴士線重組 (2012 年版)

原帖由 LAK2 於 2012-10-9 12:15 發表 http://www.hkitalk.net/HKiTalk2/images/common/back.gif
雙循環何不用彩虹做總站?
一. 不影響現26M乘客
二. 不用擔心總站有無位問題
三. 三彩可直落龍翔道轉新界線, 極具戰略意義

雖然咁樣四順三彩之間就無左最直接的走法(新清),
但以三彩全日需求計, 轉新界線既需要會比 ...

雙循環用彩虹做總站係可以接受。

三彩四順的最大競爭對手，相信係綠小48，
只要有條四順線上三彩，基本上已經贏硬，起碼唔駛行三幾個字落安基苑排長龍。

雖則四順三彩之間兜大圈，感覺始終麻麻。

至於轉新界線，其實順時針線落山停坪石已經可以接受，
始終坪石行過去彩虹邨的距離唔係太遠，而且唔使大上大落。
而逆時針線亦可以早繁之後落一落坪石，之後停啟業，彩石里轉返上去，
咁就做到大部分新界線轉乘，飛龍翔道天橋的38/80/89等線除外。

當然我認同擺彩虹更方便新界線轉乘。

而雙循環擺順天的另一戰略意義係縮短順利邨往返淘大、同埋彩雲往返觀塘的行車時間。

只可以話，擺順天 vs 擺彩虹，各有優劣。

而14D其實一早就應該擺/經三彩，不過我覺得擺彩福會好D，
因為行彩霞道天橋落、回程彩石里上，都可以做到啟業，
唔使上山再落山兜圈，係差麗晶要行出去坐車。

[ 本帖最後由 S3BL100 於 2012-10-9 12:35 編輯 ]

只答13M延長減班一項,
假如13M再進一步減至最密只係足3個字一班,
保證現有客會因為更難等車而流失, 九龍灣新客又唔會搭,
即係俾位叫九巴取消條線, 秀茂坪人真係多謝晒你.

突然今日多左咁多回覆

原帖由 transbus 於 2012-10-9 22:33 發表 http://www.hkitalk.net/HKiTalk2/images/common/back.gif
只答13M延長減班一項,
假如13M再進一步減至最密只係足3個字一班,
保證現有客會因為更難等車而流失, 九龍灣新客又唔會搭,
即係俾位叫九巴取消條線, 秀茂坪人真係多謝晒你. ...

我明，13M 真係繁時先好睇少少...
再計過條數，而家行車時間50分鐘，當延長之後要70分鐘，繁忙時間用6架車可以行到12分一班，非繁忙時間5架車就15分一班
問多樣，入寶達真係咁重要？以我所見，出入總站個下真係小貓幾隻...秀暉樓個站之後直行秀茂坪道返原線如何？

原帖由 vilo 於 2012-10-10 00:28 發表 http://www.hkitalk.net/HKiTalk2/images/common/back.gif
以我所見，出入總站個下真係小貓幾隻...秀暉樓個站之後直行秀茂坪道返原線如何？

呢個建議其實好多人都提過，好正路。

不過講開又講，我上幾個月試過一次寶達搭13M走（weekday點零鐘）
竟然寶達總站上左廿幾個，之後每個站最多得兩至三個，有唔少仲飛站。
寶達上車果班，好多都係和樂村同裕民坊落車。

我唔知平時係咪都係咁，可能係果日天氣熱，好多人索性行入商場個總站算數。
不過安達臣過多幾年入伙，13M呢條線定位係點，可以再諗。

原帖由 LAK2 於 2012-10-9 12:15 發表 http://www.hkitalk.net/HKiTalk2/images/common/back.gif
雙循環何不用彩虹做總站?
一. 不影響現26M乘客
二. 不用擔心總站有無位問題
三. 三彩可直落龍翔道轉新界線, 極具戰略意義

雖然咁樣四順三彩之間就無左最直接的走法(新清),
但以三彩全日需求計, 轉新界線既需要會比 ...

用彩虹做總站，都係唔錯諗法，同埋同我自己幾年前個方案比，四順至彩虹站之間無咁重疊，已經少左一條線，只係行車時間長左，自然要抽多一兩車，咁唯有係29M度抽...

個隻怪獸28A真係好核突，唔整好過整...費事俾個藉口九巴再減服務慳皮

原帖由 S3BL100 於 2012-10-9 05:35 發表 http://www.hkitalk.net/HKiTalk2/images/common/back.gif


雙循環車費點解會貴過23M/26M本身？

順天根本仲有一條後備車坑，如果佢地有心想搵位既話，無可能無辦法重新安排26食飯車點擺，
反正雙循環線兩條都唔會好密，最壞情況共用一坑都得。

跟住仲有兩條坑做分站，呢兩條坑既線又係 ...

順天何來有後備車坑, 26用緊兩條都係短坑, 最外果條放三架車已經block埋另外一條,
有時唔夠仲要擺對面馬路, 根本26就要用晒果兩條坑

619已經係同23/23M同坑, 如果你話出中環都放埋過去, 朝早繁忙時間逐架上客要幾耐至出到站?
真係多得你唔小

依家唔係站位唔同左咁簡單, 係就係兩條落觀塘, 不過唔同路, 實際只係得一條, 另一條見到車來都上唔到
咁仲唔係削減服務? 唔知頭唔知路仲係度死撐, 如果係改成咁不倫不類, 我相信唔駛我講, 我尐街坊都會反
對, 話對唔住三彩居民就更加係老屈, 真係畀你屈到喊






P.S. 前幾日聽到段幾有趣既古, 睇完就算
是咁的, 話說廣西有個廚師原本有飯有麵畀村民食, 不過佢越來越懶, 出餐慢, 其實村民都餓得好慘, 不過都
叫做有得食, 唔好理飯定麵, 總之廚師煮咩出來就食咩
但係村民發現, 個廚師唔肯經常煮野食畀山另一邊新來既村民, 佢地都同情呢班新村民, 要走兩座山出鄉鎮
至有野食, 但伙食因為係廚師話事, 出聲都冇用
後來有村民代表嘈個廚師, 要佢一定要煮埋畀山另一邊村民, 廚師見群情洶湧, 今次冇得避, 就用頭頭尾尾
抄埋一大碟畀呢班新村民食
呢個時候隔離高地日日豪門宴餐餐山珍海錯既養騾中產, 見到廚師整埋尐頭頭尾尾, 就覺得個廚師有冇攪錯,
竟然抄屎畀人食, 就走過來叫原村民不如分尐飯麵畀山另一邊村民食, 仲哄佢地話都保證佢地仍然係有飯有
麵食架
幸好村民都蠢唔晒, 有村民睇清楚, 原來要先選定既, 發覺如果選左一樣, 唔好彩廚師出另外一樣, 對唔住, 冇
你份, 再等下啦, 班村民就怕等到有得食來都餓死左
但條中產又點會理班村民, 佢一直覺得佢自己果套就係真理, 人地果尐就係唔駛理, 仲要令自己係所有村民面
前做個道貌岸呀呀呀呀呀呀呀呀呀然既中產, 如果唔係點配合住係道德高地既身份
村民知道呢個其實係個搵佢地笨既騙局, 就去同條中產理論, 條中產就長篇大論似是而非東拉西扯咁同班村民
講, 咁依家係唔係有飯有麵呀, 係呀嘛, 話佢地蠢過隻騾, 咩叫道理都唔識, 叫班村民唔好因為改變少少, 要分飯
隊同麵隊而嘈嘈閉, 如果再攪事, 就係山頭主義, 累到人冇野食, 罪大惡極, 要受天打雷劈, 班村民當堂嚇到宿,
真係可以宿既地方都宿晒, 原來真係有我不殺幾萬人, 幾萬人因我而餓死, 條中產又哄下班村民, 最多叫廚師搭
多粒豆畀佢地, 唔好再攪攪震
其實成個過程, 廚師都睇到晒, 覺得超攪笑, 條中產講既野都好信, 成班都真係蠢過隻騾, 笨過隻豬, 如果佢要煮,
十大簋都煮到出來, 係佢唔想煮畀另一邊山之麻, 又發覺班村民其實豬騾不如, 實情係羊, 佢既代罪羔羊, 之後就
仿似巨狼般發出幾分奸狡又帶半分陰沈既恥笑返番廚房繼續發揮佢既煮意...完...有關人等...不必要回...長篇大論
...可以慳返...純粹分享...發下噏瘋...

[ 本帖最後由 leeallen 於 2012-10-10 12:57 編輯 ]

我特登去左順天睇，現場有8架26,7架27，
26兩條坑泊左6架，另一架泊出站位燈位
前路邊，仲有架要泊對街邊即係小巴站巴士
總站對面馬路， 27就有架已經泊前晒，即係
泊係燈位前架26後面，留左少少位出車，其餘
27就沿坑泊到坑尾都仲有架要擺坑尾外未入坑
個位，走時又有兩架27返, 如果放多兩條線，
好明顯呢兩條條線食飯車都要放順天，起碼都
三四架車，26少條坑用，仲要唔阻正常班次出
車，又要留位畀中途站線出入，唔知某位講就天
下無敵既板友有乜高見？事實勝過狡辯

[ 本帖最後由 leeallen 於 2012-10-10 21:37 編輯 ]

原帖由 leeallen 於 2012-10-10 12:26 發表 http://www.hkitalk.net/HKiTalk2/images/common/back.gif

依家唔係站位唔同左咁簡單, 係就係兩條落觀塘, 不過唔同路, 實際只係得一條, 另一條見到車來都上唔到
咁仲唔係削減服務? 唔知頭唔知路仲係度死撐, 如果係改成咁不倫不類, 我相信唔駛我講, 我尐街坊都會反
對, 話對唔住三彩居民就更加係老屈, 真係畀你屈到喊

點解26M而家無人搭落觀塘？等車方向同23/23M相反當然係原因之一，
但更重要的係，條線相比起23/23M，觀塘方向根本offer唔到unique既野。

改左雙循環之後，又係咪一樣？

如果你係都要叫兩飛既話，得，順時針線順天開出後，
跟23行晒成個順利再落山走，到時你地四順落牛頭角觀塘可以叫三飛添啦……

回程都一樣，逆時針果條可以做多少少四順先至掉頭。

當然，我offer的方案係拉埋油塘一齊玩，食埋14C/16M資源，23M變成四順巿中心油塘，
咁你地繼續有齊咁多條線，應該唔會反對喇掛？

原帖由 leeallen 於 2012-10-10 20:47 發表 http://www.hkitalk.net/HKiTalk2/images/common/back.gif
好明顯呢兩條條線食飯車都要放順天，起碼都
三四架車，26少條坑用，仲要唔阻正常班次出
車，又要留位畀中途站線出入，唔知某位講就天
下無敵既板友有乜高見？事實勝過狡辯

總站既野事在人為既姐……

早半年74A縮去啟業，咪一樣有人話啟業唔夠位，要將24掟落九龍灣。
結果？而家咪好地地。
過多無耐，啟業仲會有多條全日總站線啦，而家其實幾條坑都用緊，又有冇人嘈過？

到時啟業總站繁忙時間係四條坑五條線（15P唔計，因為得一班車），
唔知佢會點分坑？有冇人嘈過會有問題？

至於食飯車好簡單，無人講過食飯一定要擺返同一個總站。
隔離唔係好遠就有中秀總站，多好多野食，又包有位，點解唔擺過去？
實情我見過26/27/42食飯車擺中秀啦（係咪常規就唔知）

原帖由 S3BL100 於 2012-10-10 23:09 發表 http://www.hkitalk.net/HKiTalk2/images/common/back.gif


點解26M而家無人搭落觀塘？等車方向同23/23M相反當然係原因之一，
但更重要的係，條線相比起23/23M，觀塘方向根本offer唔到unique既野。

改左雙循環之後，又係咪一樣？

如果你係都要叫兩飛既話，得，順時針線順天開出後，
跟23行晒 ...

呢個可以諗

23A順天開跟26/27落新清, 觀塘返跟23行四順一圈後順景街, 跟26/27返順天,
不過就要入兩次順天總站
23C順天開跟23落觀塘, 新清上山跟26/27返順天

但順天要解決泊車問題, 而14D/23/619來回係順天中途站可能要排得耐既問題,
可能23/619順利要放入站尾路邊, 14D/619中環放燈前路邊, 留一條坑做通道




又或者27放第二坑, 再多車就泊孖坑外線, 留孖坑內線做通道



而燈位出站時間最好可以再加長少少
不過呢兩個方案其實都放唔晒食飯車, 可能真係部份要去中秀食

想知你條14B點行? 會唔會唔夠客?

[ 本帖最後由 leeallen 於 2012-10-11 03:20 編輯 ]