今日下午K51發生咩事？

今日下午6點52分從康麗花園走出來，過左一組交通燈時間仍未有K51，心還想「幸好冇走車」，但排到條隊後，N咁耐都冇車(但我已經幸運了……我個「N咁耐」只不過對比於平時)
最後黎左一架全空既K51往大欖在雅都花園開出。

錢箱上掛了一張通告，但人人都在排隊上車，哪有空停下看清通告內容？(有空停下，後面D人都唔容許你咁做啦！)
我只看見幾個重點︰
往港鐵屯門站
道路工程關係
0700至翌日1900(呢部份可能有睇錯)
將會暫停服務

咁究竟係咩事？？會唔會影響我聽朝返工？？


再問…點解MTR Traffic News冇得設定巴士？？
我覺得巴士乘客更比港鐵乘客難通知啦！港鐵有港鐵車站做廣播，巴士站乘客？只能得個等字。或者等多陣時間都可以派職員去既……但不能「即時」通報。
早幾日506因蝴蝶站對出爆水管，改行湖景路及湖山路，更拖到我第二日返工，仍有司機跟對講機問︰「我見有車入，係咪可以改番行美樂？」，咁長既事故，如果真係要通知，咩野方法都出到啦！(網頁、電台新聞、app)，點解唔照顧d港鐵巴士既乘客？都係俾港鐵賺ga wo……

昨晚搭k51,貼左張通告話因道路工程,往富泰方向唔停西鐵站,要去呂明才上車!
PS錢箱個張睇唔到,但小弟搭個部連落車門都貼左張喎!唔係原本要係西鐵站落個D便以為佢飛站囉!

我昨日搭K53黃金海岸等車入掃管笏，962停燈的數分鐘都沒走車，所以去到個站見到對面有車就心諗好快有車
(因入掃管笏兜一圈需時約12-15分鐘，剛好是一班車的時間)
之後等極都冇車，最後等左20分鐘先來全空的K53
等車期間對面一架K53都冇，所以這車距離前車32-35分鐘，比時間表上12-15分鐘一班疏

佢D車遲到識私出去起載已經算好好,好似屯公成日塞搞到鐵巴呢排無啦啦會遲左.最近係對講機聽得最多係.....506應該返唔切黎

青山灣至黃金海岸下繁長期塞車, 隨時四架k53都响呢d路入面走唔到, 咁可以點? 下繁私去掃管笏為的只係追番北行班次.

原帖由 chiukit2001 於 2012-10-13 15:02 發表
佢D車遲到識私出去起載已經算好好,好似屯公成日塞搞到鐵巴呢排無啦啦會遲左.最近係對講機聽得最多係.....506應該返唔切黎

今日下午k51好多2拖
506 3拖, 等左差唔多半個鐘先一齊黎, 市中心站條隊同b3鬥長

原帖由 DC3938 於 2012-10-13 10:31 發表
昨晚搭k51,貼左張通告話因道路工程,往富泰方向唔停西鐵站,要去呂明才上車!
PS錢箱個張睇唔到,但小弟搭個部連落車門都貼左張喎!唔係原本要係西鐵站落個D便以為佢飛站囉! ...

明顯見到成條左線重舖過, 有時突然間要做野又補唔番個站都無辦法.