將軍澳最賺錢ge巴士線

原帖由 transbus 於 2012-10-15 23:20 發表


根本將軍澳規劃之初, 已經預o左第日要起地鐵延線,
所以將軍澳隧道要起正區中間, 而唔係油塘調景嶺入,
等巴士一係要兜勻全區, 一係放棄某市場.

嚴格o黎講, 地鐵今日o係將軍澳o既霸權,
可以話係港英政府卅幾年前計劃o既餘孽.

最錯係點解要規劃一個人口咁低既孤島出泥
即係分明想玩死果班人
仲要睇埋維基，當初因為沉降，寶林村有人係搬左上翠林，果班人先係最中伏

原帖由 ~誰@359~ 於 2012-10-15 23:30 發表
最錯係點解要規劃一個人口咁低既孤島出泥
即係分明想玩死果班人
仲要睇埋維基，當初因為沉降，寶林村有人係搬左上翠林，果班人先係最中伏

樓價已經反映晒啦,山下有沉降有臭味,可以炒到升天,連與垃圾做朋友既日出康城,一樣貴到傻,反觀山上康盛花園,點炒都炒唔起.

呢個情況,十足十青衣.地鐵站旁既山下居屋和私樓,全部比沙士時升左2倍有多.反觀美景花園,樓價仍然沒有什麼動力.

原帖由 FBI2 於 2012-10-16 09:14 發表


樓價已經反映晒啦,山下有沉降有臭味,可以炒到升天,連與垃圾做朋友既日出康城,一樣貴到傻,反觀山上康盛花園,點炒都炒唔起.

呢個情況,十足十青衣.地鐵站旁既山下居屋和私樓,全部比沙士時升左2倍有多.反觀美景花園, ...

係咩？而家十幾年樓既新都城賣緊六千幾蚊一呎，
尚算半新盤既日出康城先得五千幾蚊呎，
康盛廿幾年樓賣緊四千幾蚊呎，原來咁樣叫炒唔起。

原帖由 3AV53 於 2012-10-16 09:36 發表
係咩？而家十幾年樓既新都城賣緊六千幾蚊一呎，
尚算半新盤既日出康城先得五千幾蚊呎，
康盛廿幾年樓賣緊四千幾蚊呎，原來咁樣叫炒唔起。

新都城邊止六千幾一呎呵?
另外,日出康城呢D垃圾堆填區都貴過康盛,有冇搞錯? 日出康城真係3000蚊呎都嫌貴.
反而,康盛4000蚊呎係合理價,我地青衣青盛苑青華苑都係差唔多.

98C始終有山上照顧、還有寶達、秀暉樓兩個大站，如果要全日行隧道嘅就要吸納更多山下客補番呢條數，
但將軍澳出旺角始終營造唔到種特快感覺，過左九龍城迴旋處後就要沿亞皆老街慢慢碌+塞車，
(除非你真係玩到13P咁，中途不停站啦)，所以其實旺角特新快好難做下，98C還是食番老本行啦

離題，覺唔覺近來98C疏車左好度，一到星期日/公眾假期，差唔多等三個字先有車
仲要去到寶林已經差唔多坐滿

P.S. 想起98c岩岩全日時，係用熱狗係用三門車，冷氣係用12米豪，星期日去到寶林已經要企，翠林仲會頂閘

[ 本帖最後由 tonytsang_hk 於 2012-10-16 12:11 編輯 ]

原帖由 tonytsang_hk 於 2012-10-16 12:10 發表
離題，覺唔覺近來98C疏車左好度，一到星期日/公眾假期，差唔多等三個字先有車
仲要去到寶林已經差唔多坐滿

都唔係近來啦, 自從全面實施收車制度之後, 一日疏過一日.
旺角, 中電交界處呢類長期塞車位唔好講,
近一兩年又加多個: 譽港灣對出,
因為啟德發展區掘爛晒D路, 又兩線縮一線,
九龍城來往繞道已經冇以前咁爽.
仲有可能係山下多左私樓多左揸車中產,
將軍澳道越來越多車, 又拖慢車程,
再加埋司機碌車博搞牌呢D老問題,
嚮只識加時而唔加車情況下,
唔疏有鬼.

自從出現左秀茂坪/寶達客dominate左成條98C,
我覺得將軍澳客, 山上山下都好, 已經冇say.

原帖由 FBI2 於 2012-10-16 10:07 發表


新都城邊止六千幾一呎呵?
另外,日出康城呢D垃圾堆填區都貴過康盛,有冇搞錯? 日出康城真係3000蚊呎都嫌貴.
反而,康盛4000蚊呎係合理價,我地青衣青盛苑青華苑都係差唔多. ...

日出康城係李生旗下長實豪宅盤, 當時人仲話入到去心曠神怡,
你唔係天真到以為康盛花園呢種居屋可以同日出康城呢種級數比呀 ?
你拎一大堆居屋去同私人樓比, 你會唔會有點那個 ?

你而家呢個比喻真係等同華富邨同貝沙灣,
講望海個邊, 大家真係差唔多,
但係兩者簡直差天拱地,
有得比架咩 ?

當然地理位置優越永遠都係冇得輸,
六十年代起 o既美孚新村而家已經去到六千三蚊尺,
你既想交通方面, 樓價又要平, 同時又要住豪宅,
同又要威又要帶頭盔真係冇咩分別 ~

我想講而家有層日出康城已經非常好 ~

所以成日話自己附近交通有幾唔方便,
一時又話對住個堆填區,
(自己個區有地鐵站, 望出去又係海, 仲要新樓, 係就係隔離有個堆填區, 呢個價你仲想點 ?)
既然政府又幫你唔到 o既時候,
倒不如索性靠自己, 搵多幾個錢,
有錢啦, 前者你一係就買架車仔渣下, 後者未換個層樓 ~

有時真係唔明 D 人, 堆填區永遠都係起正隔離,
咩你買樓個陣唔知架咩 ?

另一個例子珀麗灣又係,
你買樓個陣唔知有飛機升降架咩 ?
買左之後先起度嘈三嘈四, 我就真係唔知佢買樓個陣咩心態啦 ~

不過我諗 閣下咁精明, 相信絕對唔會踩左入個氹到 o既 ~

[ 本帖最後由 AVD1 於 2012-10-16 18:48 編輯 ]

原帖由 FBI2 於 2012-10-16 10:07 發表


新都城邊止六千幾一呎呵?
另外,日出康城呢D垃圾堆填區都貴過康盛,有冇搞錯? 日出康城真係3000蚊呎都嫌貴.
反而,康盛4000蚊
呎係合理價,我地青衣青盛苑青華苑都係差唔多. ...

係咁架啦
港鐵區同唔近港鐵差距只會越來越大
尤其係唔近港鐵地方交通隨住巴士減少而越來越差

原帖由 tonytsang_hk 於 2012-10-16 12:10 發表
離題，覺唔覺近來98C疏車左好度，一到星期日/公眾假期，差唔多等三個字先有車
仲要去到寶林已經差唔多坐滿

P.S. 想起98c岩岩全日時，係用熱狗係用三門車，冷氣係用12米豪，星期日去到寶林已經要企，翠林仲會頂閘 ...

平日非繁時企響寶琳北路三四個字餵蚊都唔見一架98C黎，
黎到連個窗口位都無得坐，未到寶達全車已經坐滿晒

另一方面，響旺角吸廢氣吸到花兒也謝了都未有98C黎到，
就算有車黎都係罰企企足大半粒鐘先返到將軍澳

所以我依家除左響美孚上車之外，我已經無視左98C存在，
就算身處旺角，我都一定行路去勞資審裁處等快靚正平密嘅98D，
分分鐘98D返到屋企，98C先去到秀茂坪落緊客

利申：寶林區居民