香港土地發展應走何方?

原帖由 cla981024 於 2012-10-17 23:01 發表
如果政府可以代表到市民，呢個政府個公信力都會高好多
可惜只係好多政策都係偏向權貴之人

好簡單
新界東北發展，邊個得益最多?
暫不討論港深融合的陰謀論
睇下而家新界東北的土地，大部份早被大地產商收購
再睇下發展的土 ...

其實地主, 從來都係最大實權, 歷史上不同國家都係了....
而大地產商又點收購土地? 都係要原來的居民肯賣...

事實上睇返, 新界東北發展出黎反對的都唔係地主多,
反而是租客多.....因為佢地得不到很多賠償, 而實際影響
亦較大....包括租地的農夫...

但其實無論市區定新界, 地主/屋主點都係大過租客...但不要
忘記, 所有地主/屋主, 無論係大地產商定一個市民, 佢地都係
真金白銀去買地買屋的...

所以我唔認為有咩唔公平/特別多得益的....

但我唔係話政府政策無問題, 而是我想講, 好多人反地產霸權人士
及政府的方向都係錯晒...

反地產霸權人士近年多了很多留意地政規劃事宜, 好多時都係建議點
樣加強限制, 加強管制, 唔要高樓, 唔要發水等, 而政府亦有做到的.....

結果係近10年, 無論地政及規劃, 政府都針對性向地產商不斷加入好多限制...
(絕對唔係偏袒地產商)如發水限制, 高度限制, 售樓限制, 好多人包括政府,
都認為呢D限制就係打擊地產霸權, 打擊地產商...

實際效果, 其實係相反, 正正係越來越發展限制, 結果只有幾間大發展商先
可以有資源對抗, 結果變相呢D限制只能打擊到較小地產商及商家, 令到
發展商好似得返幾間大, 變成更大霸權...大家見到投標用地, 來來去去都係
那幾間, 因為其他公司根本做唔到......最多幾間夾埋做....而呢D限制雖然令
幾間大發展商增加成本及減少收入, 但有關情況只會反映返係地價, 最終令
政府收少左錢.....(但樓價就繼續越來越高)

政府同呢D人士可以講係 好心做壞事....

所以要從政策處理的話, 要增加房屋供應, 令地產業增加競爭, 減少霸權, 政府正正
應該取消限制, 簡化審批程序, 先可以解決, 呢D方面表面上可能係更偏向地產商,
但其實係令市場更健康...

當然, 唔係咩限制都取消, 但其實近年來實在太多不必的限制了....

[ 本帖最後由 admin26 於 2012-10-17 23:56 編輯 ]

原帖由 3ASV196 於 2012-10-17 23:26 發表
但其實無論市區定新界, 地主/屋主點都係大過租客...但不要
忘記, 所有地主/屋主, 無論係大地產商定一個市民, 佢地都係
真金白銀去買地買屋的...

紅字似乎不適用於近來新界東北同埋禁區開放的焦點：原居民。
佢地的地同屋都只係inherit得來，丁屋政策至今只有40年歷史，
不是甚麼傳統權益，其實早應廢除。林鄭係咁打得就應該叫上面釋法拆呢個彈。

現在很多爭議都是原居民擁地自重的結果：
新界東北，非原居民要到原居民慶祝發展先知道自己間屋會被拆，這是何等侮辱？
龍尾灘，水質差到隨時游到周身痕，邊個得益最大？
禁區開放，有大量集體「丁屋」出現，其實係樓盤，唔係真正原居民住屋需求。

丁屋政策已造成嚴重的利益傾斜、城鄉矛盾，
城市人一間700呎都買唔起，原居民只要一出世係男仔，
就guarantee有2100呎住屋or賣地賣屋收入，這已足以使社會動盪。

最得人驚係，原居民對於政府依法反僭建都已經劍拔弩張、
記者採訪甚至只係普通市民影相都惡言甚至惡人相向，
我相信大部分原居民都是想過安樂日子的普通人，
但部分害群之馬那不可一世的嘴臉、
自私自利甚至劃地為王的行為真係極之討厭。

－－－－－
當然土地發展亦非全然係原居民的問題。

政府是否應帶頭做urban renewal？
香港有好多舊樓日久失修隨時冧，市區重建是否可積極一點？
重建項目可視乎地段及需求而決定係商業定住宅。
若果部分舊樓舊街係要保育，就唔該做好維修管理。

至於開發新土地，的確好多山地都係郊野公園唔開發得，
而非郊野公園山區亦多數交通不便，很難大規模發展，適度填海難以避免。

我諗以下地點都適合填海：
．吐露港，工業邨東端至「小白鷺」，中間留返林村河露天，
　反正吐露港水質唔好得去邊，冇乜魚產。
．填了青山灣，重劃避風塘。
．將鴨脷洲同火藥洲連接。

規劃中發展區，如新界東北三區，亦可提高公營房屋數量及建築密度。
為消除疑慮，政府應解釋打鼓嶺的「特殊工業」到底是甚麼。
據聞馬屎埔想維持農業，但天平山想納入發展，可否從善如流？

政府唔可以再欺善怕惡，係，政府並非民選產生，
但做得呢個位，唔該你有返多少擔戴，
胡溫夠唔係民選，唔通佢地就可以大條道理本peah？

原帖由 DIH 於 2012-10-18 09:56 發表

紅字似乎不適用於近來新界東北同埋禁區開放的焦點：原居民。
佢地的地同屋都只係inherit得來，丁屋政策至今只有40年歷史，
不是甚麼傳統權益，其實早應廢除。林鄭係咁打得就應該叫上面釋法拆呢個彈。

現在很多爭議都是原居 ...

其實我真係好懷疑基本法中既「原居民傳統權益」包唔包括丁屋政策…
丁屋政策係七十年代先出現既野，
又算唔算傳統呢？

其實而家個政府有好多個炸彈。
諗下選特首既係果ｄ大商家，
政府又敢唔敢郁佢地？

除左土地供應，
仲有係人口問題。
而家大陸不斷放蝗蟲落黎，
咁樣香港一定頂唔順

原帖由 SSBT 於 2012-10-18 19:24 發表
其實我真係好懷疑基本法中既「原居民傳統權益」包唔包括丁屋政策…
丁屋政策係七十年代先出現既野，
又算唔算傳統呢？

其實而家個政府有好多個炸彈。
諗下選特首既係果ｄ大商家，
政府又敢唔敢郁佢地？

除左土地供應，
仲有係 ...

講真, 之前同個前輩傾開, 講開原居民, 佢都話呢班人惹唔過...

佢地由清朝(甚至更早)住到依家, 英國佬打到黎, 死唔去, 撑到底,
到日本仔打到黎, 又打唔死, 撑到底, 到依家中共接管, 同樣都係咁...

基本佢地面對過不同政權管治甚至侵略, 佢地都可以繼續"安居樂業",
穩守家園, 不但沒有被打壓倒, 反而仲一直越拎越多權, 越來越惡...
真係當正自己土皇帝....基本上今時今日情況, 非一日形成....

我都敢講依家個政府都唔會敢郁佢地....(講真, 就算面對真係有危險的
僭建, 佢地都惡成咁, 政府都只是慢慢試下...要講影響丁權, 一定無可能)

自菜園村後, 好多意見都變成原居民/非原居民之爭議.....即使大家都知
呢個制度係不公平, 但不得不承認, 呢個制度確實存在及難以取消...
除非用更多"著數"去令佢地放棄...

綜合講幾句

在選特首期間，梁振英一直係民望高企。不過大多數市民冇投票罷。依家求仁得仁，大家又覺得梁代表不了我？

香港人口老化，停止引入新移民會加速呢個程序。

原帖由 komodo 於 2012-10-18 21:57 發表
綜合講幾句

在選特首期間，梁振英一直係民望高企。不過大多數市民冇投票罷。依家求仁得仁，大家又覺得梁代表不了我？

香港人口老化，停止引入新移民會加速呢個程序。 ...

在此聲明，我一直不支持梁振英，「大家」唔好包括我。
支持梁振英的家父到現在仍然支持。

這次我慶幸特首沒有普選，否則大部分香港人將要為自己的決定付上代價。
以為佢可以打大老虎，原來佢得個講字打唔到，都已經係選擇錯誤睇錯人。

是次選舉我不支持梁振英，對唐英年有同情分但也不是支持，
網上普選我係投何俊仁，但現實暫時無可能證明我的選擇是對或錯。
－－－－－
人口老化係大問題，今年去完北海道見識到嚴重人口老化的結果。
輸入新移民唔係問題，據悉移入人數現已少於每日150個單程證名額，
香港對內地人的吸引力已逐漸降低，這個制度可自然繼續，暫時無須更改。

近來見到在城內與港人爭拗的，好多係自由行過客而唔係新移民，兩者不能混為一談。

我是支持香港政府採取措施增加住宅／商業樓面供應（不只是土地供應），
以我這個九龍人來看，天北屋邨係樓多但其實尚算通風，又有休憩場所，
所謂悲情城市係來自於交通不便及社區隔閡，與「樓多」本身無直接關係。
只要做好交通及社區配套，再來多次八萬五我冇所謂呀。

[ 本帖最後由 DIH 於 2012-10-18 23:03 編輯 ]

你提出建議的填海選址，我大多認為OK，但對填平青山灣計劃，則不能苟同，因為屯門區已難找位置起新避風塘。
另我建議在以下地點填海以增土地
1：南丫島東岸，將整個鹿洲灣填平，並將鹿洲與南丫島連接
2：南丫石礦場一帶海岸，並與上面1的地區一併開發為南丫新市鎮(陸地部份另加平整)
3：愉景灣至迪士尼間之海岸(另亦平整附近山坡)

原帖由 komodo 於 2012-10-18 21:57 發表
綜合講幾句

在選特首期間，梁振英一直係民望高企。不過大多數市民冇投票罷。依家求仁得仁，大家又覺得梁代表不了我？

香港人口老化，停止引入新移民會加速呢個程序。 ...

直d講, 其實"梁振英一直係民望高企"都未必係真.....第一, 民調未必準, 第二,
即使"振英當時民望較高", 都係表達左佢比唐唐好, 但未必d人真係好順佢...
當時一樣好多人反佢....(包括我)

再講, 佢選後先出咁多事, 又另一世界了....

不過我同意你講, 人口老化將會是大問題, 引入新移民是其中一有效方式,
不過點引入同引入咩新移民, 就是重點....

[ 本帖最後由 3ASV196 於 2012-10-18 23:11 編輯 ]

開發南丫島要考慮交通接駁，東博寮海峽係主要航道，最深處超過30米，
海床坡度大，用隧道不適合，造橋就要非常高以容許大貨輪經過，
但兩邊都未必有足夠地方建引橋；當然對索罟灣海鮮業的影響亦不容忽視。

若開發這個地方，應該要同時起埋四號幹線鋼線灣段及南港島線西段。

若填青山灣，我意念係沿住防波堤填平現有避風塘，
可以在新填海區以南、青龍路對開新建一條長型防波堤，
新避風塘在黃金海岸遊艇會以西，像喜靈洲都有一個「open sea型」避風塘。

[ 本帖最後由 DIH 於 2012-10-18 23:54 編輯 ]

與其填平青山灣, 不如考慮屯門東西兩面的山頭, 植被極少而無甚生態價值. 除開山難度及成本之外, 都冇乜理由唔可以考慮呢類地區