談城巴9頭豪性能

現實中 tunning / tune / setting 幾隻字有時都幾混淆下
好多時都講慣左口


其實都無乜話"學九巴咁 tune"
唔同公司/廠都總有 d 較重視既車型
當然波箱調較/尾牙比例係同款車之間有時仍然有少許差別，只不過車房可以成日 "tune" 既地方應該唔係太多


例如 ZF 車，好早期既 ZF Ecomat 車連 1、2 波波牙都唔同，行起上黎 1、2 波個長度有少少似 Ecolife 車，不過香港無咁舊既 ZF 車 (80 年代初-中既事)
之後 D-E 牌 ZF 車、F-早期G牌、G牌中後、H 牌開始其實亦有明顯唔同
比較明顯既有 olym (由利蘭-富豪-超豪橫跨多年)
波箱都係個幾款，但預設調較方式唔同年份都有唔同
LA1-5、圓窗蘭、鬼蘭、鐵蘭行走多年個波箱模式都同 LA6-25、2xx 3xx、老虎蘭有明顯唔同


Voith 波箱
由 .3 年代開始似乎無太大變化，只要係同款波箱變黎變去都只係波段拖得長唔長之類既
正如上面師兄所講係引擎/波箱狀態問題
1、2、3波如果只係其中一兩個波比較無力或者轉/拖得唔順
比較關事既其實係波箱機械狀況出左問題，而唔係逐架車 tune 得好唔好
(逆向思維諗，其實的確可以透明調較波箱唔同部分而達至逐架車 "tune" 好多波段既效果
只不過應該無人會咁得閒當打機/賽車咁仔細執，相信現實中只會係因為波箱某部分
氣壓 bar 數太緊之類而令架車某波段特別唔去/唔識轉，於是技工去調較某幾個部分而令該波段運作正常翻)
一般黎講都係得三幾款調較架架車都倒模咁 tune，只係行耐左自然架架車都有小分別


不過成個倒模/標準調較的確可以有少少唔同
上面 ZF 車已經係例子，唔同年代 ZF Ecomat 既"標準"行車模式都有分別，但都只係有三幾款"標準"係度
Voith 車都係咁既道理，例如 TD 豪已經算明顯例子
九巴 TD 豪 1波極速特別短，令架車起步轉數扯得較快，營造較佳 1波加速力/推背感
2、3 波其實同城巴版差唔多，無咩特別 (只不過城記近年調較晒旗下車隊早少少轉波
細看九 vs 城記 TD 2、3 波轉數/車速比例都係得幾種，應該只係尾牙比例有別或者儀錶問題)


城巴 TD 豪其實都有好多車已經以接近九巴 TD 既標準方式調較 (9xx 較多、4xx 較少)
只不過一黎所謂"城記版"普遍比較早轉波，二黎只係整體引擎/波箱狀態未必夠九巴咁健康
所以造成咁大錯覺
(其實好簡單，根本就係大家重視既車型唔同，正如九巴歐一龍唔係太多人提起有邊部特別標青，反之城巴未有 81xx 前 8xx 好多都執得好 fit，
其實咪又係同款動力配搭，只不過其中一間公司特別保養得好少少，令批車可以最佳狀態行乍嘛)
D10A 豪個 "tune" (即係 setting/調較) 應該直情同九巴無大分別，純粹係城巴擺得太少資源/時間落批車度，行到慢晒廢晒
即使叫九巴調幾架 TD/D10A 豪過黎港島，相信呢 d "九巴 tunning"車操勞幾個月性能都會變得一樣咁廢

要講九頭豪
我跟其他版友意見有點不同

只係覺得
無得揀時唯有坐佢
頭十部揀一部好的
只能揀904
跑東廊算係幾爽

至於最有印象的
一定係9023同9037
曾經有一次坐9023
速度錶顯示係90KM/H
仲要係上五波(定四波)
無行車高轉 0既聲音

9037都坐過一次有85KM/H

以上全為平路上發生
唔係落斜後行平路

原帖由 1005 於 2012-10-30 22:11 發表
要講九頭豪
我跟其他版友意見有點不同

只係覺得
無得揀時唯有坐佢
頭十部揀一部好的
只能揀904
跑東廊算係幾爽

至於最有印象的
一定係9023同9037
曾經有一次坐9023
速度錶顯示係90KM/H
仲要係上五波(定四波)
...

好聽 d, 就係城記 5 波豪好飛得
實情呢, 唔係訊號問題的話, 邊有得你飛咁快, 再引伸落去 ...
調轉頭諗, 起碼冇咩人提老九 d 富豪會過 70 先啦

我剩係知道以前批9頭豪薄扶林上斜成日被雞車爬頭

9036 9037都fit
最怕搭到9033
慢到冇朋友

--推下舊post--
今日遊完康豪喺小西彎搭架906@788
燥底Carlo
東廊極速<85 平均~80 過彎>70
過左幾架車 好爽
本身見9頭豪 驚驚地 但點知原來咁好力

原帖由 bnr34 於 2012-10-30 22:40 發表


好聽 d, 就係城記 5 波豪好飛得
實情呢, 唔係訊號問題的話, 邊有得你飛咁快, 再引伸落去 ...
調轉頭諗, 起碼冇咩人提老九 d 富豪會過 70 先啦

講飛唔飛得係睇鎖成點姐..
5波豪要跑上90都唔係問題
即使鎖4波 扯盡都應該60尾70頭

見咁多人講37 反而想知40而家點?
記得曾經何時9040由一架大虧車變到好力過9037(印像中37幾年前有排"回落")
唔知而家40打回完形定重KEEP到?

[ 本帖最後由 Lawliet 於 2012-11-5 23:04 編輯 ]

搭單問,
小弟住東九龍,唔熟路
去邊道比較方便影到901-950呢批TD豪

有時唔係唔鎖車就一定快得到，9.6 公升 2百幾匹馬力引擎配落一架三軸冷氣城市巴士
過 80 望 90 一定唔係三幾秒間就完成到既事，更莫講係新城保養既巴士

以前成日搭到 5波 90xx 5 波飛渣華道，通常咁橋有平路水箱聲唔嘈、冷氣涼、性能中至下等三個特徵最少兩個

9022 (由 1022 時都已經有些少暗病；佢唔係壞波箱，不過聲大大無貨賣，表現飄忽，最靚最差通常從無佢份)

9028
9029 (岩岩轉叫 9029 個年行東隧線撞死人，出黎後每次轉波都好生硬，
唔係 chok 但每次都大大力好似撞車咁，似搭九巴 AN 平路水箱聲好獨特，好似好憂怨咁 )

9030
9032
9035 (三巴大撞過或燒過既巴士，通常復出後一段時間表現都會差到變成公認廢車
唯獨大撞過既 CityFlyer 同係東廊輕輕燒過下引擎既 9035 例外，出完事竟然執靚左
同一般 5波 90xx 唔同，性能為中上至上級，但冷氣非常一般，
水箱聲一如燒車前咁嘈咁似九巴 3AV，亦似似地 3AV / 6xx 每個波拖得比較高轉)

9040

529 線渣華道一段通常都可以順燈 (以前配合適當車速同運氣可以順燈順到太古坊以東)
搭著架廢車，去到渣華道飛一飛條氣都順翻些少
但市區路面爛撻撻，要上 70 一路爆上去比較難，通常次次都係 70 止步


08 年初搭過一次 9034 @ 8X 東行
頗記得以前此車水箱聲同 tunning 似九記 3AV 或者 6頭，每個波拖得比較高轉
但 06 年開始新城旗下數得出既型號都改早轉波，08 年咁上下 9034 已同其他 90xx 睇齊
當年係毫無心理準備下 (明明搭左 5年都係 4波) 架車去到 5波而且無鎖速
不過似乎司機都唔係太慣係個度可以去得咁快，所以就算周圍無車兼有排未到快相位都只係風琴腳踩踩下大約 5波中轉，85kph 左右

同年搭過 5波 90xx (及幾架 3xx 蘭) 企滿行 8x 東行，雖然望唔到錶板，
但大約感覺到只係過到 70 少少 (車速明顯唔係太落後於成條東廊其他車輛，不過亦遠遠未算可以從後追著其他巴士然後爬埋頭)


09 年-10 年歐三豬行 18P、紅柱 6xx 入大西北，6xx 鎖 5波中低轉 73kph
本黎一路以此車速行到葵涌，就俾架 60kph 都無既私家車阻著，最後 6xx 司機 k/d 作短暫解鎖爬頭
當時架 6xx 係全車坐滿既情況 k/d 解鎖呢下可以即刻有翻推背感，三兩下手勢已經有 80 多少少
只不過相信若司機一路踩落去，都未必輕易做到 80 85 90 95 直飆

架歐三豬就直頭無鎖，但以 18P 坐滿加企幾個人下西行個一段仔 4幹，雖然快過 70 但快唔得幾多
只要靠衝翻落地面個下踩多幾啖油去到最高一刻先係 5波中高轉接近 90

cc 較大、發力較早既康偈豪，保養唔好都唔見得快得起
11 年搭 415 行 962X 無人企下之下行全程都唔係快過 70 幾多，司機唔踩盡係一回事
但架車又無力又早轉波，50 已經轉埋 5波，平路一鬆油已經要落翻 3 4 波，

cc 細少少既新款富豪，即使馬力比 D10A 大，架車又比 6xx/90xx 輕，都未必做到上 90 濕濕碎
12 年係英國搭過 ZF Ecolife 兩軸熱狗 B9TL，佢副 D9B260 係市區簡直足夠得濟，
低轉到就黎無聲感覺上都好輕盈，不過上到公路 50mph (80 kph) 已經好難去
就算搭兩軸/最重 18 噸 380匹馬力既 B9R 客車，去到 80以上加速已明顯慢落黎
到 12波中低轉 100kph (即係英國客車最高限速 62mph) 直頭無晒推背感咁濟

-------------------------------------------------------------------------------------------------------

02 年初只有課外活動時先搭 529 返放學，但由 03 年初開始轉為日日搭，
不如講下歷年 529 富豪巴士山上沿線表現做參考，歡迎講下再早期師兄或者近幾年表現對比下

炮台山道：
(炮台山道第一個巴士站成日有康豪擺街，反而 D10A 豪多年黎雖然慢，但唔係咁常話水滾或者故障上唔到斜)

02-03 年尾
32x 6xx 98x-1000 10xx 行  529 表現都無大分別，只係攪牌 ZF D10A 豪水箱聲特別沙聲特別難聽
朝早頂閘時如果鎖 1掣轉入炮台山道，即使當年路口較窄 (03-04 年做工程拖左好耐先擴闊到現時咁) 個堆車都已夠助跑衝一次 1波直結出黎，
未鎖既話只靠 2波油壓提速上斜當然就差 d，但即刻鎖 1掣架車由 1波谷起都為時未晚
轉個微右彎就正式開始 1:8 大斜，當然就 1油 1直跳著上，即使康豪、短豪、短蘭、22xx頂閘都係咁上下表現
到後半段無咁斜，加上有一堆金文泰/BPS 同學落車，之後起步都係 1油 1直跳著上，但 1直可以保持較耐甚至差唔多捱到頂

不過以前呢段路好似無鋪防滑鋼砂，批車原裝尾牙可能亦比而家細一級，當年早繁 529 癲到全英皇道最密，所以抽中壞車既機率又有翻咁上下
記得 02 年重陽搭左架慢到無得再慢既 1012 行 M47，第二朝返學竟然就見翻 1012 擺正係山腳幾間車房/住宅入口阻著成村人，好彩該學期自己坐校車

天氣唔太熱時，103x 空車停完金文泰個站後起步，普遍可以轉 1波直結後 keep 到路口先停，冬天時慢慢加著速都唔係難事

03 年有司機提到最靚係 1036，到 03 年秋天終於體驗到，鎖 1掣踩大油未正式上斜已經過 1波直結中轉
頭半段路可以推晒背 keep 著速 2字頭上，後半段就直情 1波直結一路加著速 25 以上咁去

當年普遍 529 司機無論輕重載都會留位助跑熄冷氣上最頂個急斜 u-turn，雖然以前無防滑
但批車性能正常得多，唔熄都唔見得有問題；只有 1040 性能比而家既車更差，搭一兩次返學已經寧舍認得佢，
慢到開車後行左幾條街連北碼都未到自己已經留意到架車似乎比起本黎都唔快既富豪巴士再慢好多
當年"巴士上山無力要學生落車"報導就係以 1040 做封面，不過講句公道說話，多年黎又無乜親眼見 1040 頂閘擺街......

04-05 年尾
經歷 02/03 兩次熱天兩次冬天、新城合併轉編號、巴士維修保養愈做愈差，902x 已經提都無謂
903x-42 都開始唔得，9030 32 33 開始明顯轉慢，當然亦唔少得已油黑色車門咁獨特既 9040
頂閘企車頭平路下下 1500轉已經轉波，人地 3波加速都快過你起步 1波個下，成 11 秒先上到 30kph 並由 2 轉 3波
05 年中輕輕執過，每個波段高轉少少，尤其 2波上到中高轉先轉，以此掩眼法總算架車去翻 902x 之上既水平

呢一年半內炮台山道表現最值得一提有 9036 37 38，9036 一如以往咁唔慢，04 年中起更調較到更易啟動 k/d 掣
雖然 9036 之前 9030 31 35 41 k/d 掣都係較易踩著 (另有 d 車例如 9034 應該係閂左) 不過一架勁車有此功能實在錦上添花
不過或者唔係 9036 快，只係其他 90xx 慢得過份，顯得夏天搭中 9036 由金文泰站起步 1波直結捱到斜路頂路口都係奇跡咁

9037 04 年夏天大執後個種癲喪級表現，簡直奠定上品 ZF D10A 性能指標咁
至今幾年夾埋對面 3AV 都未坐夠十次咁既車程
停車空轉特別高，足有 800轉，鬆手掣踩油一刻波箱由空波跳翻前波個下完全同步，起步下一秒已經轉左 2波油壓 1800-1900轉
當年簡直唔信自己對眼，鎖 1掣衝上炮台山道，去到左邊草叢時已經 1波極速 30kph
停晒炮台山道兩個站重新起步唔使十秒已經 1波 2100轉鎖晒轉數，到斜路頂鬆油轉完彎仍餘勢未盡要即刻大 brake 以免直衝出路口
直到 05年尾前，熱天無人企之下就算踏入 1:8 斜路部分先鎖 1掣，本身行緊 2波油壓都唔慢
落翻 1波谷起直情快上加快，肯踩之下唔熄冷氣加停晒兩個站再起步後仍然可以 1波直結捱晒

9038 同期大執，但只執偈，波箱調較無大改變，反之執得成批車最早轉波，比而家批 90xx 更早
最初鎖波下大熱天時 1波直結加著速衝完炮台山道唔難，但慢慢因為平路長期太低轉行笠晒，隔一個暑假已經打回原形，只有天冷先可以重現功力 (至少好過好多 90xx，混帳到冬天都勁唔翻)

06 年起
自 9037 年頭壞波箱後，1波油壓盡咁上斜始終有動力流失，慢慢架車開始差，慢慢去翻 04 年前水平 (時至近年無埋喇 )
入後後先後有 9042、9039 波箱/油門/偈執過黎，勉強做到 9037 個種鬆手掣踩油一刻架車已經同步入波搶閘衝前
不過前者得空轉同 1 2波油壓高轉，之後都係太早轉波；後者就平均少少，空轉/油壓波轉數爭少少
最初都有半年既天冷日子威下，停晒站及唔熄冷氣下，1波直結行完兩截炮台山道，之後隔個暑假當然一無所有

07 年後到燒過既 9035 上位，起步波箱入波同步呢下同埋低轉加速力同上一代靚車無得比
不過唔計佢已經無晒靚車，就算 9036 都差晒，甚至有機會稍差於 9035
去到 08 年某起碼 25℃ 日子，搭 9035 無熄冷氣下竟然都可以岩岩好捱著 1波直結行晒

08 年秋天終於風水輪流轉，由 9040 帶大家重拾翻 04-06 年 9036 既乘坐感
9040 執過後 k/d 掣變得易踩，再加波箱模式調較相似本黎都唔出奇，但令人驚訝既係 9040 冰涼又大風既冷氣無左 (勁既 90xx 通常無咁凍)
保持多年既 5 波無左，更連 5年黎差唔多聲既水箱都一下子變成當年 9036 咁


雲景道至怡景道：
(大約 04 定 05 年，雲景道後先由單線上山兩線去天后廟道、天后廟道靠右線停虛線位變成而家假迴旋處
對勁車黎講，要偷位偷到半個車頭過左路口再即刻拉直架車衝上雲景道，只要記得鎖 1掣拖波，已經夠助跑
對廢車黎講，歐二富豪唔識由 2波油壓落翻 1波油壓既後果係呢段路特別嚴重
因為係一段平路，然後轉彎前突然開始斜，轉完彎已經係 1:8-1:10 大斜路，遇上本身性能欠佳引擎大幅截油既車簡直係惡夢，相信呢個係怡景道水庫早年被選為寶馬山第二位原因)

02-03 年尾
鎖 1掣 1波盡衝上去劈著彎跟著一路直衝係好平常既事，想當年 103x 係 30℃ 天氣下非繁時如果唔可以係轉右彎正式上斜前助跑到 1波盡已經算係廢車，即使係 102x 只要天氣唔太熱都有半數車做到

04 後
載滿人下助跑後可以 1波直結無大幅跌速衝到張祝珊站，落咁大半車同學 1波直結加著速走慢慢變得苛求
唔知幾時開始，上面呢句既標準退化至要以冬天為前提，同埋 1波直結岩岩捱到停站已夠
又唔知幾時個標準再稍稍降低至空車若果唔停站可以 1波直結唔跌翻落 1波油壓......
不過正正睇到極端，04年起既 9036、37、38，之後既 42、39，再之後 35、40
只有最前兩者到夏天仍然維持最高標準，但其他幾架都仍有第二句既實力
反之一旦係呢堆車以外既 90xx 就差到連再低一級既最低標準都好難做到

最快紀錄無特別計過，有助跑下唔停站平均 25 kph 以上行晒唔係難，樓下斜多少少無助跑既炮台山道都有車唔只此速度...
最慢紀錄個幾年間睇到厭，只要無助跑、大熱天引擎截油截得特別勁 (每期只有幾架車"抗熱天"做得好)、
無鎖 1掣 (於是轉上至真正大斜前已好大機會係落左 2波油壓上唔翻去)，無論頂閘定未坐滿都會有奇境睇
其中有記錄既有 06 年中頂閘 9025 全車經過路面同一標記用上 15秒 97，時速不足 2.7 公里，隔離有大量行緊上斜返學既同學爬頭
本身行出走廊睇戲前正係隱約聽到一架 90xx 中轉引擎聲行左好耐咁，而個人見過此情境非繁時版本係一路保持此轉數同車速一路躝到怡景道口


雲景道一大段平路後兩段大斜：
(較近寶馬山道口個段無咁斜，但被選為第三死火點，原因可能正如第二死火點原理一樣係波箱問題
架車剛行完一截更斜既路兼落完客，但正因為之後行得輕鬆左，波箱上左 2波唔識落翻黎，司機又唔用人手鎖 1掣直接當壞車，或者終於玩到水滾)

02-03 年
冬天停完兩個站後鎖 2掣助跑然後 2波直結上完係平常事，103x 如果做唔到以上效果已經係廢
但夏天要做到就比較難，尤其係較斜既第一截，通常都要扯翻落 2波油壓，但扯還扯，
當年引擎係熱天下無跌 watt 跌得咁過分，扯落 2波油壓時引擎仍然輸出咁上下動力經油壓波倍大，慢極有個譜

04 年起
同樣地，勁同差既區別拉遠左，多得 08 年秋天 9040 重做 04年個陣 903x 鎖 2掣衝上去既表現
當年有時即使夏天，只要唔係企滿人，停完站助跑上第一條斜原來最少應該有 2波中高轉 40kph
05 年尾冬天搭 9037 無鎖波下停完站上第二段，當年架車一轉 2波直結已經好力到直落 3波低轉
當日 3 波 1100轉 30-33 kph 衝上去竟然可以 keep 著速差唔多到頂，連自己都未想象過豪偈低轉扭力咁驚人，可惜此後再未搭過第二架車 (哪怕無咁快轉 3波) 再做過

但唔計每期勁車，90xx 上呢兩段斜表現"一般"既標準就逐年降低，首先當然係將 2波衝完加上天氣條件
再退一步，即使 2波助跑無車阻下爭少少唔夠力捱埋要拖一次 2波油壓都可以，
然後係司機去到就黎斜路頂時熄冷氣等架車跌速減輕少少，再退而求其次就係轉 2波後鎖 1掣，衝上去後等架車跌速跌到 1波車速範圍時就會即刻自己谷 1波加速
最初批車都重可以去翻扯翻落 1波直結，但個別引擎已打柴既例如 04年 9025
空車 1波盡晒上第二段都完全無力落翻 1波油壓中轉

http://goo.gl/maps/vWx50
以 googlemap 睇翻兩段斜中既第二段，可能角度問題好平坦咁，但講到尾呢段斜咁短，可想而知 04年 9025 1波盡衝上去衝得半條已經落翻 1波油壓都再去唔翻咁有幾誇張...
而以前個巴士站位置係 5棵樹中間個棵咁上下，即係上第一段跌速跌到躝躝下要躝遠 d 先到站，埋完站助跑距離都無而家咁長 (另以前轉角位無咁大棵樹制造盲點)

寶馬山道、百褔道：
02-03 年
當年 103x 冬天由巴士站鎖 2掣起步，過左樹仁個路口後，最低要求係 2波 40kph 以上
靚車若到此處已谷盡 2波，就咁禁 D 掣由架車轉波既話 4波劈個大彎響晒軑入巴總都時有發生 (以前最頂個 u-turn 位路口係普通長虛線隔開出入兩個方向，但根本無幾可有車停係個邊)
2002 年 11月 21日就係搭 1037 個司機可以係呢個位劈到有乘客跌晒個人物品落地，之後落山既速度更咪提了 從此就對此車有著極深印象

落百褔道嘛......當年搭開 4波 60kph 落山，70kph 亦唔係未試過
當年路況好似同而家無大分別，印象中班人快得黎係好輕鬆咁避開百褔花園 / 交通安全城兩個搞到條路凸出黎既路口，
由寶馬台停完站個急彎，班車手可以唔使落 brake 甚至單手扭軑同對面線泥頭車並排轉彎，好運的話十零秒後可以一併感受埋富豪車劈彎既貼服感

04 年咁上下已經唔難搭到係寶馬山道要鎖 1掣先有合理加速力既車，甚至放學頂閘時份好多 903x 好多部都係其中一份子
唔鎖波的話，一路躝到巴總入口，一扭軑轉彎已經慢到拖落 2波油壓都無晒力
幸好寶馬山道呢段本身唔算太斜，多年後至今批車既表現變化尚算不大，百褔道就......咁耐無搭而家飛 55kph 可能都已經覺得太危險，加上近年加左斜度警告牌，竟然多左個警戒心，淨係幻想下車速數字已經覺得好恐怖

以前搭電車或者普通流水線係炮台山腳見到 529，都幾大機會架 529 兜完山快過你係英皇道停燈
有計過時既其中一次紀錄有 03-04 年由怡景道口後下一站上車，12分鐘後已經係則魚涌太古坊下一站落左車，比 googlemap 估算駕駛時間更快
當年入夜後甚至最期六 (唔記得 12 定 15 分鐘一班年代) 大約要四個字車程，但一山還有一山高
往往有人 (又唔多覺係踢車) 做到可以同前車係寶馬山道一帶相遇，有時前車未到山頂自己已追到
甚至明明自己落山望雲景道都未覺有車，但竟然係等轉入渣華道時相遇到，未出電車路已經被放甩埋


要見 9xx，華富應該一定有收獲，行幾步沿域多利道行翻過去薄扶林道已經再見多好多架
就算跳飛機都好可能係跳去都經過呢度既路線
去北角又可以見下有幾多行 85 或者拉左去 10，再行翻出去搭 8X 東行去小西灣，順便可以睇下有無 9xx 行緊東廊線，等埋佢回程

對上及再上次暑假搭過 9037 39 40 41 42，9041 今暑假執過，唔知換左大尾牙定個咪錶計少左
9040 已經慢翻，但車速過得麥，其餘幾架簡直唔搭佢上山都想象到慢成點；
反而諗落過檔 S 廠既 902x 有無機會重靚過而家堆 903x 呢......


[ 本帖最後由 HW8373 於 2012-11-6 00:42 編輯 ]