點解荃灣西站起得咁偏僻?

原帖由 kei_hk 於 2012/11/8 16:05 發表
如果單單以某一個時間去評論是否「大白象」﹐有點不公平。應該看是否有發揮過它的功能﹐是否存在時間都係無人使用。

講起當年荃灣碼頭﹐到現在都仲可以找到當年的經典指示牌﹐絕對可以講係油麻地年代的代表指示牌。

油麻地年代幾十年, 如果單單以某十幾年的某一個指示牌就稱它為「絕對」的油麻地年代的代表指示牌, 有點不公平。

原帖由 EX-TL 於 2012-11-4 02:18 發表
鐵路除左服務現有區域, 仲要顧及未來發展的.

好似1979年通車的地鐵, 當時九龍灣站兩旁一邊係海, 一邊係牛頭角下邨,
牛頭角道果邊仲係淘大工業邨, 明顯唔係什麼中心地帶, 你睇依家......

鑽石山站當年仲係木屋區+農地, 試問有咩人搭得起地鐵, 但依然設站, 依家呢......

至於荃灣西站, 如果唔擺前荃灣碼頭, 楊屋道果邊應該唔會發展到依家呢種規模,
新發展的如心廣場, 市區重建的荃新天地及附近地方可視作荃灣市中心延伸,
擴大市中心範圍, 令市中心同時有兩線鐵路直達, 再在站附近起樓, 如市建的萬景峰,
荃灣西站城畔+灣畔項目, 仲有海灣花園地皮, 就算碼頭唔再填海, 楊屋道仲有排玩,
一定唔止依家樓主所見到o既咁少.

唔駛講咁遠，就以荃灣站為例：

當年荃灣的市中心係沙咀道、眾安街一帶。現時荃灣站的位置係荃灣邊皮。
宜家荃灣站一帶有幾旺？相信唔駛多講吧。

原帖由 busfunfun 於 2012-11-3 23:22 發表

再講...當年區域快綫同貨運真係大白象
一個變高鐵...另一個仲執埋

朋友，區域快線同貨運線都未起。頂多係起佐美孚同錦上路果一少段預留位（如果你話西鐵都係區快同貨運線一部份，咁我就無話可說）。
甚至連擱置果陣，可能連詳細少少的設計圖都未有，點會係“大白象”呢？
請先搞清楚大白象的意思吧。

再講，而家係覺得區域快線唔夠用，先至改為建獨立軌道的高鐵，可以話係升佐級添。

原帖由 s3n370 於 2012-11-10 12:09 發表


朋友，區域快線同貨運線都未起。頂多係起佐美孚同錦上路果一少段預留位（如果你話西鐵都係區快同貨運線一部份，咁我就無話可說）。
甚至連擱置果陣，可能連詳細少少的設計圖都未有，點會係“大白象”呢？
請先搞清楚大白象的意思 ...

同意，貨運線需要加建的基建其實好少
以東鐵方案而言，港口鐵路貨運站 + 葵涌至大圍一段短隧道 已經搞掂，其餘係直接沿用東鐵基建
唔好睇佢《鐵路發展策略2000》條粉紅色定線好長，其實整項工程可以理解成只係為東鐵起多一個貨場
即使以西鐵方案計（政府最終方案實際是東鐵方案），亦係 港口鐵路貨運站 + 北環線 搞掂，北環線更係本身已經要起
成本之低，好難稱得上係大白象

原帖由 JX9097 於 2012-11-6 19:18 發表


其實元朗天水圍屯門咁多原居民
只要佢哋反對,基本上其他居民點出聲都冇乜意思

當年天水圍站有3個方案,
1. 而家聚星樓方案
2.天水圍市中心(銀座-天瑞路公園)
3. 天北方案

果陣區議員諮詢0個陣只係得天耀同天瑞 同嘉湖之嘛, 居民揀係揀方案一啦

當年好似係話用方案 2

但因為要延長至屯門......