未經證實九龍84,85

原帖由 paul2357paul 於 2012-11-10 08:27 發表


咁既路線反而有用d喎。

因為現時由譽港灣往九龍灣工業區既直車只能靠107既尾段（相反方向要蝕過海價），而且要刻意等一段時間先至有。

德福廣場公共運輸交匯處有4條往九龍灣工業區既免費穿梭巴士路線，要收費既224M是否等於作廢？

原帖由 cong 於 2012-11-11 19:12 發表

相反方向綠小 111 已經做緊, 我就覺得入工業區仲衰, 非繁更少人

講真有幾多新蒲崗人往返九龍灣工業區識得搵中長途車尾段既直車享用？

況且始終短途乘搭靠享用中長途車既分段唔係咁好，一來巴士公司提供分段收費並非必然，二來通常都會因為之前路段途經塞車黑點搞到尾段既班次走哂樣。

最唔抵就係好多時短途線既quota益咗俾好似宜家84果d咁既垃圾路線，反而真正有效幫人代步既短途線好難開得成。

原帖由 toyl 於 2012-11-11 19:18 發表

要駁鐵德福大廈擺個站就得，唔需要專登兜上去丫！

原帖由 cong 於 2012-11-11 19:31 發表

果個站俾人既感覺.....不如直接行去地鐵站　

我想批評往返九龍灣工業區果幾條免費穿梭巴士路線好耐。

就算俾你免費都好，都要蝕步行往返免費穿梭巴士站既時間同埋體力。去九展果條真係好少少，而去megabox果條就真係有d搵老襯。

尢其是去megabox果條，如果太多人排隊，不如步行往返megabox好過。

最唔抵就係淘大花園附近既牛頭角，向綠小48不斷捐錢。

點解果幾條免費穿梭巴士路線唔肯覆蓋埋九龍灣對面既牛頭角？咁驚得罪綠小48？

免費穿梭巴士的路線設立，如與本身服務營辦商的路線重疊，
營辦商會反對是合理吧。

原帖由 3bx 於 2012-11-12 10:02 發表
免費穿梭巴士的路線設立，如與本身服務營辦商的路線重疊，
營辦商會反對是合理吧。

即使未到營辦商出手，運吉都唔會批呢條線免得招麻煩。
去淘大/鑽石山唔係未開過，只係用盡個牌試辦過一段短時間，無申請為永久路線營運。

原帖由 paul2357paul 於 2012-11-12 05:35 發表
況而107呢個例子都唔係太好，由於行完土瓜灣之後冇再整多一個分段，因此都要蝕由紅隧口至土瓜灣既價錢。

有需要就算蝕都要搭咯, 九巴40美孚往麗港城$5.7分段,
唔通又認為九龍城上車蝕左, 所以搭冇蝕o既綠小69?!

原帖由 paul2357paul 於 2012-11-12 06:54 發表

我想批評往返九龍灣工業區果幾條免費穿梭巴士路線好耐。

就算俾你免費都好，都要蝕步行往返免費穿梭巴士站既時間同埋體力。去九展果條真係好少少，而去megabox果條就真係有d搵老襯。

尢其是去megabox果條，如果太 ...

咁工業區開免費車都係想帶人流來往最近嘅交通集中地轉車
(no matter係巴士定港鐵都好)
基本上喺德福一帶,差唔多全香港都去到

相反,去牛頭角/淘大一帶的話
交通選擇反而更少
行車時間,用車各方面投入資源都更多
咁又點會有條咁嘅線呢?

p.s.若果由工業區去淘大一帶仲可以揀綠小48