巴士上安裝三腳插座

與其求巴士公司幫你加插座，倒不如自己買舊私家差好過。

難道有錢買手機，無錢買私家差？(據我所知，黃X有好多經濟價嘅私家差…)

原帖由 timmylee 於 2012-11-12 09:37 發表
USB插座還可以, 起碼係低壓, 同埋可以規限用途
但三腳就唔好喇, 一來你好難控制佢會插咩電器, 二來高壓會危險啲

220vac叫高壓
* 係車頂裝太陽能板, 各出一個usb 頭, 當然如果想持續供電, 一定要落電池, 但此舉定必減少載客量.

我諗提供USB 插頭充電會比較可行....

始終提供3腳插頭會令某些"非常乘客"帶一些小型家電用品,例如風筒,水煲之類上巴士使用...

[ 本帖最後由 tkf_2005 於 2012-11-12 22:34 編輯 ]

以個喇稥港人的 "公德心", 再加上強國同志都識搭巴士
D 插位唔俾人插垃圾咪偷笑咯

咁快就忘記介櫈事件

綜合各位意見，認為USB插座較可行和安全，將去信運吉同九龍新城，希望初期喺堆烏英作試點，等小弟好消息

原帖由 paul2357paul 於 2012-11-12 09:41 發表


呢方面唔駛太擔心，因為各大專院校義務提供插座令學生有權免費使用既時候早已把相關既責任條款把握得胸有成竹。

請問閣下知道巴士和大專院校的電力來源，是來自哪裡的?

即使前者是有義務，但代不代表巴士也要提供相同的服務?

香港巴士打南磨唔同英國鬼啲車淨係比車籠電器同叉池,仲要比埋冷氣機
話就話新車啲打南磨輸出好過以前奧林比安,不過整幾個充電器招呼香港一眾超智能乘客,工程部各兄弟請緊記朝朝做足早操,比啲心機日日換電池喇

英國的確有巴士同火車裝三腳插座俾人叉電
但唔一定係每張凳凳背/車身傍板隔離都會有，一般係每排 2座位共用一個插座，
而且好似唔一定長開，好似係司機控制車廂照明時順便開埋的


最重要一點，係英國巴士/火車都只限較長途/較高檔服務先會提供插座，本身呢堆線
一係特快點對站火車 (相比同一路線站站停 cheap 版但車費較平)、
一係就特別包裝既豪華巴士線，本身所用既巴士都係高背豪華位，同一路程收費貴一截


就算香港跟，情理上都應該係機場快線/東鐵頭等/CityFlyer/龍運豪裝車/部分城記非專蘭裝先
本身而家已經係俾高檔價錢，但服務質素 (例如舒適度、車程) 未算大幅拋離其他廉價選擇
要試新野理應係高檔服務度試先
只不過裝係呢 d 車度，使用率又未必真係咁高 (相信只有東鐵頭等/龍運/非專蘭會有用少少)
若果好似新城巴士提供報站 / wi-fi 服務咁上下方式先由部分路線慢慢擴展開去，效果應該普普通通
好多賺錢路線正正就係一程車不斷有流水客上上落落，提供插座唔似提供 wifi / 報站呢 d 可以造褔全車大部分乘客
如果要試驗既可以考慮係高檔巴士路線上層試裝，坐上層都係預計坐得耐少少既人，下層應該可以慳翻
(考慮到香港巴士設計上供應全車冷氣之餘未必可以長期供應全車用既電力)


提供插座俾貪得意者濫用電力黎煮食 / 小朋友觸電 / 電器有爆炸或者短路危險呢樣又唔係太驚
香港巴士禁止生火/攜帶危險品多年，至今都未見太多本地/鄰近落後地區人士係巴士上用 gas 爐 (體積差唔多) 煮食，
連(相對輕便得多)車廂上食煙既事都唔算太多，似乎怕麻煩要搬野既人暫時仍比貪小便宜慳少少電費者多
不過體積同滋擾性較細既一人份量電飯煲仔同電熱水煲就難講
後者尚且可以透過限制電力輸出使太扯電既野 (例如快速電熱水煲) 不能運作，用親都會跳掣
但講到"善用"每日放工放學車程順便煲熟飯兼且蒸埋簡單餸菜 (控制得好分分鐘其他人聞唔到) 的話..........真係聽落都方便到喊


驚小朋友觸電都唔係太大問題，正如熱狗年代都無特別告示禁止小朋友坐窗口位，
以免頭部玩玩下搞到卡著係扶手欄杆中間甚至伸出窗時撞到其他野 (最近印度真係有單類似慘劇，而死者係成年人)
有時感覺上似係香港巴士公司太驚俾人告所以矯枉過正，例如低地台車上車門後既空間
香港公司可能驚死放行李上去會砸親人或者被盜咁白白浪費該地方，反之英國巴士同一位置係一向俾乘客擺野的，並有一句 "at your own risk" 之類既免責聲明
因家長唔管好小朋友最後係車上有人貪玩出事，明明唔係巴士公司責任
反而車身慘水可能有漏電問題，不過成日落雨既英國都夠膽係巴士上裝插頭，
相信只要車身防水做得好仍然可以安全使用


至於電器出事呢點，除非有人有心漏下插著電既殘破電器製造即使危險、或者巴士全日無熄過偈/電池總掣、
司機連續好多轉車都無機會檢查車廂，兼且無乘客發現有可疑電器，否則都唔見得太有問題
正如大家都唔係好驚而家巴士車廂全封，但又有冷氣、電視、報站器、廣播器、報站電視、閉路電視、wifi / 報站接收器、無間斷車廂照明、電子路線牌、電子化儀表板呢堆以前無既野會短路燒著