分階段重組青衣對外線

"繁時可以行大涌橋路唔停站
其他時間行大學一定快
仲可以好似其他新界東路線一樣比司機自行選擇點入城隧"
其實呢...
可以原40x走線至耀安邨耀謙樓,上大老山公路(或亞公角街),沙瀝公路,停沙田圍新村,田園閣(可不停,但影響唔大)後上城隧
[加轉乘:加設40x<->43x,可再減$0.9(城隧轉)(即Free)]
源禾路嗰D請係城隧轉轉轉
(利申:有時會係瀝源搭40x返MOS轉299,但係40x實在需要speed up)

"43X加長到科學園"
有43P啦wor~
同埋好兜lor~(但係$5.7@MOS->科學園唔錯)

下...... 43P 到時無架la(如果43X加長)
又點兜 都係跟43P行
除非你覺得43P兜
但係  現家43X非繁真係得1_分鐘一班/40X都係做緊1_分一班車係唔夠
長遠43X食大學客就有望加車

你既意思係
43x(耀安)往跟原線行過耀安後去大學?
係咁我就覺得兜lor
同埋嗰邊而家需求唔大,KMB淨食272k(同而家D大學科學園線)都ok
最好停一停大學站,食D MTR轉乘客

原帖由 dippy 於 2012-11-30 01:54 發表 http://www.hkitalk.net/HKiTalk2/images/common/back.gif

唔代表佢哋有合理理由反對
反正佢哋反對只係hold起左旺角佐敦既41A/42A特快化
呢點我相信居民會識揀囉
到底係死守總站車定係要特快
根本唔關尖咀/土瓜灣一組事
無必要將簡單問題複雜化

總之一日唔拉就一日都無特快, 依家只係成車客陪碌
巴士公司無話唔得, 反正車錢已經袋袋平安
仲未計區議員係民選, 阻住人有特快線而下屆仲選到
咪即係啲人根本唔care囉

何以見得青衣碼頭唔接受44P全日呢?
依家44P有自己車, 其實全日再陰44都仲得
唔好忘記, 調整班次係唔駛咨詢既
全日44P再屈到44 60分一班都仲得
你唔會認為有人會反對44P無條件全日吧

新城又唔係第一次搞過橋抽板建議
近年既E22B/E22P/E22X已經係一例

無錯，但係事實係44以而家個情況，拉去青衣碼頭係過唔到。

紅字highlight呢句已經唔岩，因為我個建議已經係一個唔使拉44/43C都做到特快的方法，係你紅字果句的反例。
你由一開始已經用左一D flawed assumptions，結果當然都會得出一D錯誤的結論。

碼頭年年提出44延長過去/44P全日就俾青衣村年年反對，
搞到人地而家都唔敢再提，只夠膽話要求44P加強服務。
不過一件事還一件事，佢地要求44P全日/44拉過去
唔代表佢地一定支持用慢線全日取代41A尾站直出西九的功能。

而減班的確唔使諮詢，但只係當減班唔涉及改線的情況下先成立。
如果你話44P全日，甚至44某D時間停開既話，已經涉及改動路線服務時間，
換言之算係正式重組，一定要問過區議會，所以一樣唔work。
道理就正如如果而家彈個建議話219P全日，219X中段減到30分一班的話一定ban硬，
反而用第二D線慢慢加班的同時，由219X偷偷抽車減班，就無事。

回程呢?回程無論41/45都係5.7, E21A更加係4.8
來回程坐45既平均車費係唔過6蚊既

仲有, 依家45分別係15-25同17-23
繁忙時間唔係全部15嫁
相反, 根據番RDP建議
45加一車就真係13/14分一班, 但原plan係剩左一車
可以加落45, 砌到繁時12分班, 另一邊都有15
41用8部車做甶九龍城碼頭-青衣都keep到全日20分一班
繁忙時間行西九龍走廊由旺角到美孚係比行長沙灣道快20分鐘囉

你估佢地肯唔肯將45加到10架車丫拿？

我係一路針對你話何文田坐貴線、九巴上何文田至少要作你七蚊的問題，
乜你而家先知道45原來係收全程$6.2喇咩？

我夠知45繁忙時間唔係全部15，但係就算跟RDP亦唔會係全部13/14，
一單行75分鐘亦無可能做到10架車全部12分一班，一定係某D時段密過第二D時段。
你先前只係話要15/20預到時間，咁45根本派八架車但係執靚班次已經做到，又有咩問題？

而你改41做20分一班，但原來44/44P繁忙時間開緊5-6分一班，42A開緊4-8分，
之但係行西九龍走廊根本快唔到20分鐘咁多，41改快就山上山下是但一邊無快過，
你估乘客會點揀？41改特快做廿分一班有冇意思？吸唔吸到客？

根據番RDP
要轉用其他線既有64%
要用41-45BBI既有10%
即係坐得新41既有26%
如果新41做九龍城-何文田-旺角-青衣
最少有36%客可以坐番新41
呢度已經講緊成千幾人
點會只得幾百人呢?
即使只係26%都過千啦, 大話怕計數呀

現時流水每小時只係約6-7個班次(41+45)
將來每小時可以有5個班次(45), 服務水平其實無明顯差到, 尤其係平均開車

兜少三幾分鐘令長安咁多座樓無車去何文田, 你認為合埋嗎?有機會過到嗎?
佢哋依家係由有變無, 而新線係過門而不入喎
唔係話做唔住定惡性搶客
而係乘客會等44時見到42B過而無得上(相反亦然)呢樣喺設計上係唔理想既
尤其係根旦山下-深水埗旺角從來都係有兩條線, 根本唔存在要加多條
即使係碼頭, 都係坐44P出去多, 如果41A真係咁有吸引力, 根本唔駛開咁多班44P

你估成個青衣去何文田土瓜灣的人數多D，定係去油麻地至尖沙咀的人數多D？

而家地區人士都有共識41係廢線，知道41唔重組就只會繼續廢落去，
因此只要唔取消的話，點重組都無問題，
前提係佢地條命根44唔郁得，而唔係唔郁得去何文田的服務。

簡單來講，你根本唔知人地議員點諗。

如果你真係想知人地點諗既，B2板大把文章多次講過青衣的問題，
再唔係可以上去搵下歷年區議會會議紀錄，你晌度評估人地會/唔會過到前，
做下功課先啦。

重組前長安有41/41A/44三條全日線，重組後有41A/44/243X，當中兩條係特快，
有咩問題？仲有42B邊度有過門不入的問題？
條線根本係長亨經青衣西路直接右轉楓樹窩路，連担杆山迴旋處都唔經喎。
長安用一條廢線同41A重組後換到兩條真特快，點都抵到爛啦。

基於條條村都重視往返長沙灣而唔係何文田的服務的前提下，
42B兜埋長安取代42A，過到的機會係比起42B唔兜明顯更低。

而我想講44P對碼頭唯一吸引力係平，但係出青衣島落西九比41A明顯慢，
41A上繁班次根本拍得住44P。
44P主要作用根本係用來清長安客，做碼頭係其次，
不過關鍵都係44拉過去/44P由44抽車轉全日，至少暫時係無可能過到。

於是又返到一個問題，41何文田客得果咁少，
係咪值得為左果5%半個青衣往返何文田的乘客，而要hold住成個重組？
況且你不嬲都無合理替代的概念，點解其他區由有變無就OK，
青衣重組後等價交換完仲要去何文田平左又唔OK呢？
我得閒可以慢慢數返你F1板咁多個建議，你幾乎次次影響的人數都比41果5%更多喎。

而如果真係唔想影響咁多人的話，41跟RDP方案改特快對何文田土瓜灣的影響
比起我用42B代部分41帶來的影響更多，
你係咪唔記得左41改特快方案初次出爐係因咩而衰？
將41改特快，點計都會搞到何文田<->深水步大幅減班，更多人受影響喎。

如果你真係雞蛋裏挑骨頭，咁執著果幾%的乘客的話，
咁41應該唔好重組，由得佢繼續同其他線重疊，繼續廢落去。

而41如果夾硬改特快而維持做晒何文田同土瓜灣，
油尖旺區唔過需求更大的亞皆老街以南的話，
條線相信會比而家更廢，
因為何文田土瓜灣往返青衣的需求根本遠少過油麻地至尖沙咀，
又無左班流水客，剩返既客加埋半個旺角的特快客夠唔夠養得起條線都成問題。

但全個青衣都無得特快去旺角呢
仲有, 得南行先可以食到特快出旺角始創一帶
所以順逆時針loop會比兩條逆時針loop快
同埋你都未答到彌敦道北行塞車呢個問題
你知唔佑由渡華路碌到美孚要幾耐?
但同時間由美孚落渡華路既時間可以差好遠

當然要食始創果頭就一定要行西九龍走廊落橋，但係
淨係青衣南橋/葵青交匯處果個塞車位，加埋西九龍走廊落橋例塞，
已經足夠抵銷返行三幹佐敦屈返上旺角，
兩種行法上繁/非繁去到銀行中心/信和的時間應該相差無幾。

行西九龍走廊落旺角無可能快20分鐘，快10分鐘就差唔多

你之前咪又係信誓旦旦咁話新28A設計有問題, 如何如何怎樣怎樣唔work
但結果一樣過到骨, 唔見得閣下意見=區議會立場囉

我幾時有講過我意見等於區議會立場？定係你只係將opinion同facts混為一談？
我可以有自己立場，但係呢樣野同我有冇（或者有幾多）內幕料係兩回事喎。

實情係28A/224M出台前四個月我已經聽聞過，不過我係咪唔可以用個人身份鬧條定線有問題先？

之前既建議, 佢哋一樣有車去沙中, 一樣有車去城河東, 只係馬鞍山要轉車
受影響人數係咪好似閣下吹到咁多呢?
你自己去坐下86系, 睇下一部頂閘既86系有幾多個石硤尾客先講啦

不過, 你都好難數到實際情況, 但你都不妨FF下

套用返你既邏輯，41/41A重組後，何文田一樣維持到往返長沙灣的服務水平，
繼續有車去青衣工業中心，只係幾條村仔往返何文田要轉車，
受影響人數同程度係咪好似閣下吹到咁多呢？

去旺角深水埗長沙灣有小巴, 依家30A繁時係坐唔滿
之前亦都數過繁忙時間巴士客由旺角/深東去澤安轉用小巴, 根本連半個鐘一班小巴都唔會滿
佢哋有乜嘢理由反對?如果咁既客量都有話語權, 咁692唔駛比人追殺, 因為692比澤安更多客, 仲未計南行既87A/B係唔佔配額既

幾時有平一截呢?
一樣係6.1既復辦版87, 再加原本就6.1既82M
只係可以加多條88M做大圍, 同時提供一條平線比人喺獅隧轉

都係你個方案俾人鬧完再修訂再俾人鬧再修訂n次之後先至整到條復刻版87，再加其他依然有問題既野姐……

同埋而家30A轉左兩味，87B會成為澤安邨非繁往返旺角的唯一交通，
你呢D太過份既野應該未去到區議會已經俾運吉反對，唔信你不妨自己試下send你個建議俾運吉。

你從來唔明白應該點平衡「受影響人數」同「受影響程度」兩樣野，
我改青衣線，原來得青衣幾條村無車去何文田，但係受影響人數得5%，
佢地可以用其他線轉乘，行車時間無慢過，已經好合理。
但係你好多時係搞到D本身唔方便的地區有人由有變無，
而且係無左一D用來滿足基本需求（例如往返旺角/其他主要鄰近商貿區/區內社區設施）既野，
之後連轉乘都唔俾返個俾佢地，
替代服務就算有都要人行一大段，由得佢地自生自滅，邊樣嚴重D？

當然，我相信再討論落去，結果都只會係不停回帶回帶再回帶，唔會有新points，
因為你依然會繼續FF落去，依然會繼續捉住何文田往返長安/長康/長青果幾%客，
依然會繼續無視實際情況同埋我個建議的前提，而繼續FF條44可以好容易延長去青衣碼頭。

我個建議的前提係唔拉44同43C，你係都要拉埋呢兩條線落水既話，
無論前設、目的同效果已經同我個建議好唔同，無得比較，講落去都無意思。
你而家係用緊方法B的標準去批評人地方法A的結果有問題，呢D叫做九唔搭八。

而如果前設係44同43C都分別可以延長去青衣碼頭同長亨的話，
咁點解唔係簡簡單單，直接將41A同42A來回改行西九龍走廊，來回旺角上落公路，
再視乎情況將42A延長去尖咀，而要搞咁多麻煩野，整條不倫不類
而受惠人數少、到喉唔到肺的41，又要41A不倫不類地做順時針循環，
回程只係做到人數比旺角同尖沙咀分別都要少的油麻地加佐敦？

[ 本帖最後由 S3BL100 於 2012-11-30 08:05 編輯 ]

上面已經講左既野唔再repeat

原帖由 dippy 於 2012-12-1 17:57 發表 http://www.hkitalk.net/HKiTalk2/images/common/back.gif

即使之前E22B既例子, 都係先比車山上去通過重組, 再調番啲車走
呢啲嘢係番到轉頭既, 但重組搞到半個青衣去何文田要轉車就明顯無得執
42B亦破壞左山上同山下既平衡, 第時再搞42B就麻煩好多
尤其依家山上同山下基本係兩個獨立既系統

青衣既政治環境同觀塘同唔同？

原文係講緊何文田-青衣值7蚊, 而非何文田-深水埗
你又唔睇文就亂咁回?

我一直講緊係45做美孚-旺角-何文田-土瓜灣一段流水收費合理
但41做唔到相同效果
41放棄何文田搞到何文田-青衣受影響, 方向並唔可取

前題係根本無必要去削減長安-何文田
閣下定線: http://goo.gl/maps/KblMG
3.5公里, 8分鐘
原42A定線: http://goo.gl/maps/CQPe0
3.0公里, 8分鐘
經長安, 碼頭: http://goo.gl/maps/1pqBh
4.0公里, 10分鐘
做埋長安只係多兩分鐘車程, 仲可以收番7蚊以上
同時亦都多左個碧提半島同半個宏福花園受惠

碧提半島係深井喎，九唔搭八，關咩事？

你係咪唔記得左呢條42B存在的其中一個主要目的
係為左俾長亨有一個速度拍得住42A，而收費亦同42A相同的選擇，出美孚至太子沿途，
方便第二階段俾42A改特快？
你咁玩，收七蚊之後，條線點取代42A長亨往返長沙灣？42A改唔改到快？

你估下巴士公司會唔會做呢D為左向某一小撮客搶錢
而最後搞到條線無得取代第二D線既功能，無得同第二D線再重組的舉動？

41已經有辦俾你睇，條線收九龍城價$7.6，有冇人會專登搭佢出深水步？
想用九龍城/何文田價搶錢，點知就搞到食唔到人數多唔知幾多倍的深水步客，連正業都唔做，
於是非繁咪青衣-長沙灣段吉車遊街囉，咁樣係咪善用資源？
想收貴一小撮人一個幾毫，結果倒頭來燒油載空氣，值唔值得？
巴士公司有無賺到？呢D算唔算係貪字得個貧？

即係而家個情況係咁：
1. 如果青衣<->何文田/土瓜灣線收貴價，
條線做埋長沙灣流水的話，就唔會有人專登搭佢出長沙道沿線，
結果係浪費資源；
2. 如果條線好似41咁做特快既話，只係半個旺角加埋何文田/土瓜灣，
又唔會夠客，但係連中間堆九龍內陸流水客都無埋，
更加浪費資源。
即係你想青衣<->何文田段搶錢的話，點都會搞到浪費資源、蝕錢，
咁點解要搶錢？你呢D咪係本末倒置囉。
重組本身就係要提高每一路段載客率，
唔知你呢D係為巴士公司著想，定係想人地繼續倒錢落海，為粒糖輸間廠？

土瓜灣另計，因為可以用三幹經尖沙咀直去，反正土瓜灣計里數一定收至少七個幾。

一係你proof一下紅字果兩句, 一係你就收番佢
唔係我唯有禁報告制話你放流料
記住, 你依家係proof緊快唔到, 所以exception is not allowed
當然, 如果你計到佢average再大過兩個SD既, 都可以當係proof到

我自己就做過實驗喇

你個實驗係旺角往新界方向，我夠知下繁旺角碌長沙灣道比起行西廊慢15-20分鐘，
衰起出來慢半粒鐘都有可能（聽過住良景既朋友話，58X旺角東站->美孚所花時間
係慢過美孚->良景）

但係我係講緊上繁南行喎

同埋你唔係之前先嘈過話彌敦道北行左轉亞皆老街塞車，
轉得黎直去都已經去到楓樹街，
暗示彌敦道北行直去長沙灣道未必慢既咩？

呢度已經有人講左
經西廊出旺角實際可能只係快一兩班車，
當然如果人地用242X vs 42A之類，242X要停埋美孚，又會慢多成個字，
但係就算唔停美孚，行西廊落旺角都係快得10分鐘左右囉。

如果以青衣南橋（記住，係青衣南橋）往旺角彌敦道/山東街交界計（因為呢個位附近兩邊都有分站），
以下係google map的結果：

1. 經三幹、佐敦道、彌敦道北行，跟我建議的41A/42A行
http://goo.gl/maps/amhRn
10.0公里，15分鐘，畫圖時根據路況推算17分

2. 經葵青交匯處、荃灣路、葵涌道、西九龍走廊、太子道西、荔枝角道、彌敦道
http://goo.gl/maps/HSiBb
8.4公里，19分鐘，畫圖時根據路況推算19分

3. 經三幹、連翔道、東京街、西九龍走廊，類似今年RDP建議41行法
http://goo.gl/maps/RcjlB
7.9公里，17分鐘，畫圖時並無路況推算實際時間

當然google map時間只供參考，但係計到出來係行三幹經佐敦再屈返上去仲快喎。

原因不外乎係青衣南橋無一條唔使停燈的路直上西九龍走廊，三種行法去到旺角山東街
實際只係差一兩支燈囉。

當然如果你由北橋起計就另計，但係41A/42A都係行南橋的。

而上繁佐敦道可能塞車的同時，西廊落橋、彌敦道南行係例塞喎，
唔知你有冇試過上繁八點幾（仲要係暑假）彌敦道旺角鐵路站等970/970X，
見住條路塞到唔郁得，見到彌敦道/旺角道交界盞燈前面有兩架970/970X，
都要塞多五分鐘先埋到站？之後上左車要20分鐘先到佐敦？
我試過好多次囉，同時間彌敦道北行係暢通無阻的。

點都好，個key point都係，你用一條20分一班的所謂特快41，係吸唔到客的。

講完一大輪, 你都無證明過
1. 有人反對41做青衣-旺角-何文田-土瓜灣
2. 44P無條件提昇至全日後, 逐步調整44班次甚至縮減44為繁忙時間服務
如果44P全日, 即重組44與否, 山下-深水埗已經完滿解決覆蓋問題
3. 如果有得揀削減何文田服務與唔削減何文田服務, 佢哋寧願削減何文田服務
去換一條比我建議更疏既尖咀特快

呢個pre assumption本身就有問題
因為根本無人試過將41A/44/44P捆綁重組過
所以根本無辦法證實

咁你又證唔證明到相反結論先？

事實係41A/44/44P係試過捆綁重組，大概係01-03年之間既事，結果係點大家心照。

而你呢三個points都有hidden assumptions

1. 當然而家無人反對41做青衣<->何文田/土瓜灣，但係咁唔代表無人支持41做青衣<->尖沙咀/土瓜灣特快

2. 你presume左44P可以提昇至全日，但係44P邊度來條件做全日？
even你話開40/60分一班，都要由44抽車囉。可以試下，但係無人敢保證囉。

3. 你assume左你個方案可以同時上到枱，俾人可以作比較，
但係你又同時assume左你尖咀線果部份無同其他野捆綁，
而實情係無論係我定你的方案，尖咀線都唔係獨立處理，都要同其他線捆綁重組。

所以你既邏輯實在好有問題。

紅字呢句算唔算無理指控呢? 你無proof 過就話人無合理替代概念, 但你根本證明唔到我諗緊乜
而事實係你個方案受影響人數比我多
何文田->山上: 41 沒有
受益人數比我方案少
情況  本人方案  閣下方案
佐敦尾站->山下: 41A  243X
佐敦尾站->山上: 241X  沒有
旺角尾站->山下: 41  41A
旺角尾站->山上: 42A  42A
長安尾站->旺角特快: 41 沒有
青衣碼頭尾迠->旺角特快: 41A 沒有

我係講緊你一路咁多年以來的重組方案喎。

仲有上面紅字的地方有誤導。

有咁容易就好囉
如果咁簡單, 成個北區唔駛爭取咁多年, 270A先去到尖麼, 仲要去程行廣東道
你認為42A既成功機會有幾多呢?

都話左視乎情況，你係咪無睇我全文？

事實上，42A就算運吉俾佢拉入尖沙咀，區議會都可能有保留，因為一定加兩蚊。

之但係42A係咪入尖咀，唔影響我之前批評你將41/41A搞到不輪不類的points囉，唔好轉移視線喎。

[ 本帖最後由 S3BL100 於 2012-12-2 13:31 編輯 ]

原帖由 dippy 於 2012-12-3 00:52 發表 http://www.hkitalk.net/HKiTalk2/images/common/back.gif

又一次比人串到出唔到聲囉.

你自己鍾意FF的話，適隨尊便。

但係我想講，你拎住長安<->何文田呢個point死撐，係咪諗多左？
根據今年佢地傾RDP的會議紀錄，41縮去愛民仲要青衣逆走，
葵青區議會根本上係通過左的，會上的確有人「希望」41保留原本的總站同尾站，
亦有人覺得轉乘安排欠妥，希望做好D，例如加6C轉乘，但都只係「希望」而已，無反對過。

根本佢地只係care油尖旺特快，連條線唔做土瓜灣，影響土瓜灣/紅磡返工客都無人反對之時，
你估佢地會唔會捉住何文田個point反對？

thats why你條42B存在本身就有問題, 根本唔可能開到囉
依家42B比41平左兩成
用42B取代41A來往深水埗又平左一成半
咁叫做一小撮人嗎?你係收少左一大班人錢, 巴士公司唔係開善堂, 根本唔會無端白事收平人
尤其係根本無兢爭既時候

例如長亨/青衣碼頭-長沙灣深水埗, 佢唔坐新43C/44P根本無其他選擇
所以新線根本無需要特別快, 只要服務不過不失, 已經可以了
根本無必要收平佢哋
即使真係另組新線比青衣去何文田, 最平都起碼會收7.1

42B收人$6.1，但係你拉44P全日係收緊人$5.7喎

而長亨/青衣碼頭唔坐43C/44P唔係無其他選擇，另一個選擇就係反對成個重組囉，
尤其是青衣碼頭出長沙灣變慢，而長康/青衣村又唔見得想俾人拉長條線。

當然唔會喇, 例如40改特快行美孚, 搶一堆觀美客番嚟, 但荃葵青一樣得唔到觀荃特快
甚至你講既28A, 為左屈里數收到4.6而定畸形走線

梗係無人咁坐喇, 你諗下, 今年RDP話41改路有64%既客要轉用其他路線
即係現時流水客佔左六成客量
又例如今年40, 改線倒左一半客出嚟
你話貴價流水有無客呢?

事實係
青衣-旺角-何文田-土瓜灣根本係有得做
但車程比巴士-西鐵-巴士慢太多先令市佔長期偏低
呢點唔止我一個講, 亦提出過好多次
所以41改線係食到新客

你錯喇，而家有冇一條班次頻密的平線同40九龍段
或者41美孚<->何文田<->土瓜灣段大幅重疊？無！

事實係40九龍段有條6D重疊，但係兩條線齊齊鬥疏，
觀塘方向40同6D只係差五毫子，先吸到客，
但係反方向由觀塘搭40返深水步的人數根本唔多。
而41同佢重疊只係得條45，大家鬥疏車，
但係如果係講土瓜灣<->深水步的話，仲有頻密6C/6F，
根本就唔會有咩人專登等41，除左少數好似你呢D俾過海價唔過海
或者俾屯門價新界方向去到美孚就落車既人之外。

但係41青衣<->深水步段，同佢平行有個位數班次44，長康/長青又有42A/43C仲快過佢，
根本41非繁忙時間青衣一段係相當慘淡，就算兩繁都係執雞為主。

仲有你話40做唔到觀荃客根本諗多左，
新40觀塘方向行車時間根本同42C平排，係相反方向會多五分鐘，
仲未計40根本有簡單方法同38/42C再重組，進一步幫觀荃提速，
你唔使日以繼夜夜以繼日話踩呢條新40唔掂喎。

但係41改特快之後，仲可以點同其他線重組，而又照顧到新41的客源？我諗唔到囉。

青衣-長沙灣, 根據我個plan, 根本所有人都可以6.1做到
青衣-何文田, 土瓜灣跟番RDP, 只係價錢同縮短既問題, 根本唔會出現長沙灣道既問題, 因為行左西廊

係你整條不倫不類既42B先會搞出咁多問題
所以亦如你所講, 因為assumption係人哋搞山頭主義, 呢個assumption本身有問題
所以啲建議一樣有問題
至少, 我就未見過因為山頭主義令一大舊路線改動要搞到咁無效率囉

依家碼頭-長沙灣, 無44P時段都係比緊7.1
所以根本唔存在貴價既問題
而長亨-何文田係由無變有, 所以亦無貴左既問題
問題只係你非繁時開多左好多班車, 但班班都會係超低載客率
而何文田-青衣, 一半要轉車, 影響到人, 一半收平左, 巴士公司唔會肯

你個重組過到先算

如果何文田<->青衣，「一半收平左，巴士公司唔會肯」的話，
點解其他線重組，大把客收平左，巴士公司又會肯制？
點解41改快後，何文田流水客其中一個方向全部俾平$1.4，巴士公司又會肯？
41何文田<->青衣客數目無可能多過何文田流水客喎。

42B的存在唔係問題，收$6.1根本亦唔係問題，唔係事必要拉長44/43C去青衣碼頭/長亨，
係你一直堅持何文田一定要收土瓜灣價七個幾，又假設44/43C係填補碼頭/長亨的唯一方法；
係你一直都視自己的一套係唯一正確答案，將所有同自己一套有分別的都視為錯誤，
先會被自己的偏見蒙蔽，先會將所有同你既假設同邏輯推論所得的結論唔同既野都當左係一個問題，
只看見別人眼中有刺，而不見自己眼中的樑木。

半個旺角當然唔夠做啦!!
你諗下, 半個旺角-觀塘有16, 13D兩條巴士, 仲有一大堆紅小
半個旺角-四順有27
半個旺角+大角咀-大埔有72X
半個旺角-海麗四小龍都有條701

半個旺角, 再加埋何文田呀, 土瓜灣呀
去咁大個青衣島, 梗係唔夠客啦
如果巴士公司唔係立定決心要倒自己米, 邊駛年年都搞41做青旺特快呀
佢哋成個R&D既團隊都蠢過你啦, 係咪, 人哋仲要無數據無內幕料齊吹喎

你搵13D/16/27/72X/701呢D例子邊有得比？
除左13D既秀茂坪仲有1A/95之外，16/27/72X/701服務地區有冇一條班次頻密
直插亞皆老街以南的半個旺角加油麻地的巴士線？無！
人地根本無得揀，但係41青衣沿線仲有41A/42A去到信和/油麻地，班次都密過條41，
42A仲要係車海，你估乘客會點揀？

至於點解最後搞到41改特快？咪就係因為佢地唔想郁44，
青衣村山頭主義反對44搬總站，令到41A/44無得直接重組，
無得俾41A改快，41A改快當年就咁俾人ban左
（所以我話佢地山頭主義的assumption無錯，你個建議已經唔work），
而大家又知道條41係廢線，所以咪想廢物利用，
又多得某D人推波助瀾，於是就炮製左41改特快的建議囉。
唔信既話，你走去B2板用search tag 41搵下舊文，或者搵下呢幾年葵青RDP的討論文章啦。

而你應該都好清楚，巴士公司搞廢線，唔一定係為左搏搵新客，
亦可以係搏陰乾條線，例如之前24改停水務署，或者74A縮短，
反正廢線想搵新客，搏衰左，一樣可以陰乾。

之但係最後41改特快個建議咪提一次ban一次囉，
最初係因為影響何文田流水客俾人地ban，
之後據聞有某d熱心人士迫何文田就範，但係就輪到青衣因為加價而ban
（咁去旺角又的確唔值收八個幾），
今年就縮短唔加價，輪到土瓜灣反對囉。

到底"繁忙時間"係咪單單得上繁呢???如果下繁快快到20分鐘
咁"根本快唔到"就已經唔成立, 因為已經有exception囉, 你唔會唔明掛

數據已寫得好清楚, 唔塞車既話, 由鼓油街去奧海要5分鐘, 去太子用左六分鐘, 黃竹街八分鐘
停多次燈真係可以一樣時間喎, 但我根本無講過話行長沙灣道快
套用番你既"術語", 呢個係咪叫乜嘢塞字落人個口度呢???

假定42A班次維持在最密既4分鐘班距
咁停美孚用多左5分鐘
即係經西廊唔停美孚都快到13分鐘
一樣同閣下講既10分鐘有30% error喎
仲有, 引用既資料有問題, 引用者一樣要負責既

我一路強調緊個問題係行西廊落旺角快唔到20分鐘咁多，
你使唔使避重就輕、迴避問題、帶人遊花園？

你有無證明過旺角方向快到20分鐘咁多？
學你既邏輯，個point既然係你提出，
咁應該係你證明，而唔係我去證明囉。

1既路程比3長左四分一, 仲要逆走
你認為會有媿多人buy呢?
仲有, 你明顯係篤數囉
分站喺信和同旺角中心, 山東街根本無站
如果拉到亞皆老街分站, 根本連google map既數據
1同3既用時係一樣既, 而停喺旺角站個標誌上面
點都比山東街對"旺角"更有代表性

山東街係無站，但係原來來回個站都係豉油街，
即係比山東街仲要南多一個街口，換言之由佐敦屈返上去仲少個街口，
而由西九龍走落仲多個街口囉，唔影響我結論喎。

事實上，青衣經三幹、佐敦屈返上旺角
同埋經西九龍走廊落旺角，大部份情況下應該係打和，
比起碌長沙灣道快10分鐘左右，係回程先可以快到四個字。

但係重點依然係，你想用一條四個字一班的41特快吸客，
而原來行公路比起原路，只係其中一個方向有機會快得四個字，另一個方向根本快唔到咁多，
班距已經抵銷左車程縮減，結果只會係失敗。

如果你做到三個字一班，情況或者會唔同，
不過上面都講左，青衣原來仲有其他車海選擇出旺角，
仲有其他選擇出到亞皆老街以南，而41做得果半個旺角，所以特快版41無咩可能夠客。

之後就由得你FF落去。

[ 本帖最後由 S3BL100 於 2012-12-3 13:28 編輯 ]