港鐵大除夕即日第二程九折優惠

如果用 月票 由屯門至旺角東
一次比哂就 $3.4
咁如果我係 紅磡出一出閘再去..會唔會有得平 ??

原帖由 053h4 於 2012/12/7 11:38 發表
你打咁多字, 係唔係100%回贈, 咁港鐵就要交盤數出來比大家睇啦
當然, 港鐵自己估計, 頭五月, 以每張贈票值$13計, 十送一就回左兩億
按理第二程九折, 由於單次車程乘客零回贈,要洗的錢都係低於車費收入的5%,都會低車費收入增長

另外
http://the-sun.on.cc/cnt/news/20120814/00407_016.html
"香港鐵路有限公司今年上半年賺逾五十八億元，雖然較去年同期下跌三成三，但本地總車費收入卻增加百分之七點一至六十八億多元，總乘客量同樣增加百分之四點五至八億五千萬人次，創合併以來半年業績新高。"

唔計今年加價啦, 2011年中起, 據資料港鐵資料, 加價就係2.2%
2012年上半年, 收入增長就係7.1%, 乘客量增加4.5%(單計本地線增長4%), 單位乘客收入, 本地線大約增長2.67%, 咁你話係唔係多左客, 推出市場推廣吸客為實, 係唔係真心回饋乘客啦

我一直針對 2012 年的優惠計劃, 所以你引用 2011 年的數字難以有效比較, 因為 2012 年優惠計劃規模大得多。

當然, 我唔會天真認為優惠可以完全或大幅抵銷加價的收入, 只不過睇下個百分比幾多啫。

===

另外, 按以下本年六月政府/港鐵提交立法會文件 (第二十頁), 第二程九折優惠係包括輕鐵及巴士。

http://www.legco.gov.hk/yr11-12/chinese/panels/tp/papers/tpcb1-1995-1-c.pdf

而按港鐵本年 5 月 25 日的新聞稿 036/12, 第二程九折優惠不包括機場快線及「港鐵接駁巴士」。

[ 本帖最後由 syp 於 2012-12-7 13:37 編輯 ]

原帖由 053h4 於 2012/12/7 14:22 發表
我已經引用左數據, 早前NOW TV新聞睇到
優惠頭五個月, 以每張單程值$13元計算, 咁優惠金額只係兩億左右, 全期送飛估計最多用3億
預期連同九折, 根本無可能用得晒港鐵公佈的6.7億

呢個「預期」係你本人預期定 NOW 新聞提及的預期? 你不如再用啲數字解釋下你預期有幾多?

其實你呢個計算都好有用呀, 下年佢再加價俾優惠話抵銷加價, 咪「大大聲」過佢話抵銷唔到, 夾佢俾多啲個優惠囉, 至少即日第二程八折七折六折都好, 我第一個出來多謝成功爭取嘅人呀。

"天唔天真"就一件事啦, 不過只怕有公司講全數回贈6.7億就大大聲
實際就唔達標咁解

而按運輸署數字, 今年九用港鐵乘客量, 同比增加7%, 高於全港4%, 或專利巴6%的增幅
http://www.td.gov.hk/filemanager/en/content_4539/table22.pdf

同埋呢, 港鐵公司最終係「小財唔出大財唔入」還是相反, 固然係一回事吖, 你作為一個個別乘客, 你自己著數咗定蝕底咗定打和呢。

講完你自己, 或者又講下你認為市民普遍因為佢加價然後俾優惠, 相對於不加價冇優惠, 係著數咗定蝕底咗定打和呢。

如我自己個 case, 去年一程地鐵 5.6 今年加到 5.9, 全日 11.2 變成 11.8, 即日第二程九折減返 6 毫, 剛好打和。之前十送一梗係著數啲啦, 拎到張免費飛唔會用來坐返 5.9 的車程咁蠢嘛。以整個加價年度而言, 我係著數咗, 我係以整個年度計算, 所以我先至唔會叫佢優惠「縮水」。當然人係會貪得無厭, 再多啲著數邊個唔想, 係咪。

假如好大部份市民又著數咗, 佢又著數咗, 不是皆大歡喜的事嘛。定係抱住就算我冇著數都唔想你有著數嘅心態呢。當然佢如果係搶咗其他交通工具嘅客源, 我絕對唔會唔俾你替巴士小巴抱不平嘅。至於下年, 下年嘅事下年至鬧啦 (嗱, 我話我咋, 唔係唔俾你今年鬧下年的事呀, 你鬧下個世紀的事都得o架)。

原帖由 053h4 於 2012-12-7 02:22 PM 發表


我已經引用左數據, 早前新聞睇到
優惠頭五個月, 以每張單程值$13元計算, 咁優惠金額只係兩億左右, 全期送飛估計最多都係用3億
預期連同九折, 根本無可能用得晒港鐵公佈的6.7億

"天唔天真"就一件事啦, 不過只怕有 ...

唔好忘記仲有周六周日假期小童免費連作用未如如期中大的東涌月票﹐都係今次"派錢"計劃的一部份。

至於一共用了幾多錢﹐夠唔夠6.7億﹐又真係只有mtr才確實知道。

而要真正的優惠﹐亦要事前有所準備才會知實際的"派錢額"。
方法係把所有有使用的免費車票﹐計算番相應的車程收費﹐再加假日小童的免費交易﹐計算番相應車費﹐接下來的9拆回贈﹐計算番個差額﹐幾個組合起來才知實際派唔派夠6.7億。



ref: http://orientaldaily.on.cc/cnt/news/20120526/00176_030.html

原帖由 053h4 於 2012/12/7 15:42 發表
http://news.now.com/home/local/player?newsId=51193

港鐵自己話的"以每張13元推算", "預計總回饋只有三億, 不及預期一半"

哇哈哈, 篇報道似乎在玩文字遊戲, 去到你度再在文字遊戲之上再斷章取義。

而家睇起來, 你說的是, 港鐵自己以 13 元計, 港鐵自己話只有三億, 港鐵自己話不及預期一半。

報紙原文:「截至十月底，港鐵表示平均每星期有約87萬名乘客享用到搭十送一優惠，以每張免費車票能節省13元推算，回饋金額大約是2.3億元，但優惠年底便結束，預計總回饋金額只有三億，不及當初承諾的一半。」

首先我質疑究竟港鐵係咪只係講 87 萬個數字, 餘下句子都是報紙寫的? 照計以港鐵咁「衰格」的性格, 佢會唔會自己走去推算一個數字出來俾你傳媒插? 佢會唔會自己走去認「不及一半」? 但 87 萬個數字係客觀實數。不過我都只係按我認為的常理推論, 你有更多證據歡迎反駁。

6.7 億係全年所有優惠總共的預計優惠額。2.3 億係 5 個月的推算數字,  3 億係一個半年優惠的推算數字。但即使係半年, 呢個都唔係半年裡唯一的優惠嘛 (雖然的確係最大的優惠)。

6.7 億的一半是 3.35 億。而一個半年的優惠推算有 3 億, 就算呢半年冇其他優惠, 都有預期的 89.55% (3 / 3.35)。點解會講成「不及一半」? (如果推算免費飛每程 10 蚊, 總數咪 1.8 億囉 (2.3 / 13 * 10), 1.8 億 5 個月, 6 個月即係 2 億,  除以 3.35 都有 60% 喎, 都唔係「不及一半」喎。)

咁餘下半年條數又係點呢, 其餘優惠又係點呢, 你又不妨推算一下, 有冇 3.7 億 (6.7 - 3) 呢。

另我, 我就唔可以代表人啦, 不過, 我過去立場都係話, 港鐵係完全可以把過去的加幅, 等額減番落每程車度
我就唔重覆啦

最後, 港鐵係以平均每張飛13蚊計, 生果報我睇過報導計十元TIM
就剛才我個POST的立諭, 我都已經無拎平均車程去計話講鐵諗縮數

事實就係今年港鐵自己大大聲話6.7億的回饋
好有可能係用唔完

市場推廣咁成功, 客就多左7%啦, 不過, 如果6.7億用唔完, 其實洗唔洗問責先?

你當然唔可以代表其他人, 不過我有問你本人係點, 當然我唔可以強迫你答, 你有自由唔答的。

至於「問責」, 我估都唔駛旨意喇。或者到時嘗試下夾佢下年優惠加碼, 睇下佢制唔制囉, 唔制都冇符o架, 唯有繼續喺度鬧爆囉。

[ 本帖最後由 syp 於 2012-12-7 16:37 編輯 ]

原帖由 053h4 於 2012/12/7 16:48 發表
我唔理佢用者有無心啦

我都唔理佢有冇心呀, 我理你有冇心多啲噃, 篇嘢係你轉過來的, 再 "斷章" 嗰個都係你, 係咪。

你轉篇文過來, 假如你對佢真實性或者有否誤導有懷疑, 你會唔會選擇唔轉, 或者加返註解補充呢。

不過事實係, 按13元一張單程推算, 頭半年十送一就只係大約用3億元
下半年回程9折, 回贈率絕對就低過超過 5%的加幅啦

呢兩樣嘢係唔同性質的東西。一係你話佢全年唔夠 6.7 億, 一係你話全年回贈率不夠 5% 加幅, 當然最好有數據支持講法啦。將蘋果同橙加起來代表什麼?

所謂第二程9折係咪叫皆大歡喜, 定係我過去所講等額回贈, 變相唔加叫皆大歡喜, 答案根本就出左離

兩樣都皆大歡喜, 假如搭車免費更皆大歡喜。

[ 本帖最後由 syp 於 2012-12-7 17:10 編輯 ]