(轉貼新聞) 忍尿工時長改更表 車長壓力爆錶

原帖由 kendrew6749 於 2012-12-8 20:17 發表

其實有樣野叫調更，佢可以搵人調字軌解決。況且，你既諗法未免有點簡單，你不如考慮下個廠可以擺幾多車、字軌點走、個案中西九廠取果架車之前既行程。唔通果架車尋晚俾個住海麗邨既車長用完，就泊黃廠，遷就海怡位車長？ ...

我又唔覺呢個係簡唔簡單既問題
佢有心想改善，實有辦法，只不過可能要付出成本咁解姐

呢段報道既片段中，個位唔願出鏡司機提及係有同事要坐"A170路線"
再轉車去西九拎車，早上3點幾，天未光就要由南區走過對面海

仲話剩係走去拎架車都已經要用個半鐘

長遠都唔係辦法

我自己覺得絕對有改善空間

原帖由 chiukit2001 於 2012-12-8 20:10 發表



呢D做法簡直痴線,我唔通就晒千幾個車長開車,排字軌時仲要對司機地址知唔知用多幾多時間?
一轉字軌又要輪過D地址?開NGO可以咁做GE或者

咁就唔洗做？一間公司的員工資料有無系統地存檔的價值....無既，緊係無得搞

如果命運能選擇，我都想一開屋企門口就係公司啦

如果大家都唔使跨區翻工嘅，你呢位巴士司機早就無工開啦，成件事根本本末倒置

原帖由 kay 於 2012-12-8 20:25 發表

我又唔覺呢個係簡唔簡單既問題
佢有心想改善，實有辦法，只不過可能要付出成本咁解姐

呢段報道既片段中，個位唔願出鏡司機提及係有同事要坐"A170路線"
再轉車去西九拎車，早上3點幾，天未光就要由南區走過對面海

仲話剩係走 ...

改善係有辦法，但個問題唔關公司有唔有心事
依樣野你有心想方便你自己，遷就自己喜好就應該自己搞
等如有d人鍾意長早夜，工時長短，可以搵人調字軌，轉組別。
我真係唔明有咩問題，一個字軌可能唔方便你但方便人地
你唔鍾意，你可以申請調掛第二個字軌
公司點知你心入面點諗？
同樣有大把人因為個人喜好專登揀ｄ離自己屋企遠既線黎做


更何況上面個例子，西九拎車係做 970 先再番南區做其他線，又唔係拎車過港島開工
只不過係開工期間番去你屋企附近
我相信大把人做野要落街既　番緊工都有機會經過你屋企附近

同埋住得離番放工地方遠既人點算？
你唔好話咁多車夜晚擺街，叫公司擺架車係你屋企摟下方便你？
公司有心，實有辦法！
其實唔止運輸，你番看更　護士　物流　或者所有工種，都唔會就曬你
如果講番巴士，住屯門編你出九龍，只可以話你唔好彩
你都要屯門果面有空缺先得架
有空缺都好自然會俾你調到

原帖由 kay 於 2012-12-8 20:25 發表

我又唔覺呢個係簡唔簡單既問題
佢有心想改善，實有辦法，只不過可能要付出成本咁解姐

呢段報道既片段中，個位唔願出鏡司機提及係有同事要坐"A170路線"
再轉車去西九拎車，早上3點幾，天未光就要由南區走過對面海

仲話剩係走 ...

咁佢可以同人調更，例如調晏d，或者調一d喺屋企附近簽到既字軌，公司有調更制度，又有冇利用先？

況且我當佢喺蘇屋開頭車，為左遷就你居住地點就改為黃廠簽到，咁咪又係三點幾起身去黃廠，私去蘇屋開頭車，途中仲要一路揸車冇得訓覺tim。

另一問題係，如果之後輪到此字軌既車長係住九龍，咁唔通又要改返去九龍簽到？一陣又話點解成日改字軌。

原帖由 Welsh 於 2012-12-8 21:35 發表


改善係有辦法，但個問題唔關公司有唔有心事
依樣野你有心想方便你自己，遷就自己喜好就應該自己搞
等如有d人鍾意長早夜，工時長短，可以搵人調字軌，轉組別。
我真係唔明有咩問題，一個字軌可能唔方便你但方便人地
你唔鍾意，你 ...

咁又老實
呢D已經唔係關乎工作性質，係待遇問題

事實上的確又令到個別司機唔方便喎

如果擺架車係南區，私去做西九開車，都唔駛無啦啦用多個半鐘
左轉右轉去西九廠拎車..

巴士公司只係蝕一程隧道費(當你強制行紅隧，都唔會貴得去邊)

就算調字軌、轉組，又有無得真係比你咁易轉?
我睇未必，人地有好野，點會無啦啦同你換先
亦都未必咁好彩好快有得轉

呢D野我唔覺得要搞到太僵化，真係要司機自己一個想辦法解決
巴士公司可以置身事外乜都唔駛做

渣架巴士，一日載咁多客，咁多條人命就押落個司機度，本身已經壓力夠晒大

要用個半鐘去拎架車，點解唔可以比司機訓多半個鐘呢?
你話日頭過海拎架車都仲可以講，但問題係，凌晨要拎車，凌晨交通服務又唔多

巴士公司比咩待遇，留得住幾多員工，最尾都係巴士公司負責姐
只不過請唔夠人，就唔好賴點解無人黎渣，應該檢討下自己D待遇先..

更表本身就係左砌右砌，砌到合乎巴士公司既意願(最有效率、最運用資源)，當然可以
但當中，我依然覺得，可以稍為有少少人性化

只係識得講當中出現既問題，梗係容易
但問題係，個問題的確係存在，的確唔理想
的確有解決方法

你唔做呢個字軌，個字軌唔會自己消失
自然就有下一個替死鬼，問題依然會繼續存在

不如倒返轉問你，當你依家拎左呢個字軌
又無人肯同你調，又轉唔到其他字軌/組別

除左搵人嗔呢條字軌有問題，仲有咩方法?

我唔係要求人地要就晒個司機
但問題係，事實係，的而且確有空間改善

[ 本帖最後由 kay 於 2012-12-8 22:16 編輯 ]

原帖由 DGCNYO 於 2012-12-8 21:30 發表

咁就唔洗做？一間公司的員工資料有無系統地存檔的價值....無既，緊係無得搞

你咁做一樣有人嘈....有D人鐘意工時長字軌,有D人鐘意工時短字軌,咁洗唔洗同佢地調埋呢?
有D人鐘意渣長線,有D人鐘意渣短線,洗唔洗同佢調埋呀?

調字軌係好易。如果你唔係人見人憎，好大機會有人會同你調
你心目中既好野，未必係人地眼中既好野
因為有好多人真係無咩所謂，番變到都差無多時間
甚至老友既，今次我調俾你，下次我有野做想調人地都會幫番你。

公司都唔會太死板，事關c 牌過海開工已經存在
只不過你咁啱住車廠附近姐
唔係個個都係替死鬼，換著個住海麗既都不知幾開心
依個完全唔係待遇問題，公司又唔係專登編到要你咁
根本就係個別人士既巧合問題
公司請唔夠人，唔好賴點解無人黎渣，應該檢討下自己D待遇
同樣，有d 私人野想方便自己，最基本就係自己先搵下改善方法
唔係下下都要公司出手幫你

都講下，如果俾我拎左呢個字軌
又無人肯同我調，我一定照番
因為預左要輪更周圍走，由我第一日入黎做就預左
有咩好呻？涯唔到當初就唔應該揀依份工

我又想問下你，除左調字軌，仲可以有咩解決方法？

原帖由 petcity 於 2012-12-8 22:54 發表

不如先了解呢D字軌待遇有多少，再評論會合理D
若果待遇爭D，咁有問題，但原來比一般字軌有Bonus時
又唔同講法

第1,佢唔係叫你由西九私去南區,人地真係做一單賺到錢GE 970,點睇都係有效率過你做少單.我諗個單仲好賺過你4仔行一轉.況且車泊西九,你係都要泊南區未即係要前晚個更私番南區收?(將個受害者轉左俾夜更JA BO)
2. 要解決真係用自己私下調好過,總有人近西九,點會調唔到,係一個司機究竟點先識得晒其他司機?如果有方法可以令佢地互動到咁已經解決問題.
就住地址派車,實分得唔平均,咁要返遠個D點算?炒左佢地呀?今次真係老屈新巴,我唔覺得其他2巴無呢個問題.
無得屙尿呢個問題第一日有巴士已經存在,解決方法只係唔好將D線整咁長.

[ 本帖最後由 chiukit2001 於 2012-12-8 23:23 編輯 ]