巴士車門開關一問 ?

記得早在90年代至以前巴士公司的巴士 , 在停車埋站上落根本不用拉手制已經輕易
地開前門或中門上落客 ,個時啲car佬大多係先開左前門或中門才拉手制...而且當年
巴士的前門和中門的開閂也好快便開到門和閂到門 ,令car佬可較快時間到總站休息和
多時間走下一轉車等 !但自1997年後 , 各間巴士公司開始買低地台tridnet時期 , 個
批新一代低地台巴士要停定先拉手制才可開前門或中門 , 而且到上落完客要完全閂
晒前門或中門才可放控制開車 , 由tridnet ,超奧到而家e500 ,b9 啲巴士上落客車門
比以前個啲冇咁好開同閂 ...而家個啲巴士開閂門速度慢半拍..唔似以前leyland/volvo
/巨龍年代個啲上落車門一陣已開門同閂門..請問而家個啲新一代巴士上落客門慢咁
多是否巴士公司要求咁做呢 ? 因為我見有啲car佬唔鐘意開關上落車門慢的問題...

thx!~

原帖由 ma2 於 2012-12-12 16:14 發表

記得早在90年代至以前巴士公司的巴士 , 在停車埋站上落根本不用拉手制已經輕易
地開前門或中門上落客 ,個時啲car佬大多係先開左前門或中門才拉手制...而且當年
巴士的前門和中門的開閂也好快便開到門和閂到門 ,令car佬可較快時間到總站休息和
多時間走下一轉車等 !但自1997年後 , 各間巴士公司開始買低地台tridnet時期 , 個
批新一代低地台巴士要停定先拉手制才可開前門或中門 , 而且到上落完客要完全閂
晒前門或中門才可放控制開車 , 由tridnet ,超奧到而家e500 ,b9 啲巴士上落客車門
比以前個啲冇咁好開同閂 ...而家個啲巴士開閂門速度慢半拍..唔似以前leyland/volvo
/巨龍年代個啲上落車門一陣已開門同閂門..請問而家個啲新一代巴士上落客門慢咁
多是否巴士公司要求咁做呢 ? 因為我見有啲car佬唔鐘意開關上落車門慢的問題...

近年巴士閂門慢係真既，不過唔可以怪晒 Trident 帶起潮流
唔計幾十年前個種橫拉式車門，都普雞可以話係近代開閂門慢既表表者，開閂門氣筏聲特別細，好似永遠都只係僅僅夠風開閂到咁
而氣筏式車門既中巴車又好似隻隻都唔同聲/速度，整體好似比九巴慢少少
到歐一年代 (例如 TD 9xx 年代新車) 開閂門已經明顯變慢，相比起 3xx 4xx 閂門警報響幾下之後中門極速掩埋，TD 9xx 個速度係明顯慢好多
只不過以上例子跟現在最大分別係都普雞為摺門、而城巴舊車無 door-brake，閂門慢大可以一路準備開著車等佢閂晒


Door-brake / 停定上落個潮流係英國幾十年前好似已經有過
之前係 B5 版貼過一部 60 年代尾既拉桿手掣雙門珍寶個波棍有 "D" 波位，翻查資料原來個 D 字真係解 "Doors-open"
上網見說明係話此設計係 "確保架巴士停定先可以開到門"，估計可能係幾十年前既 door-brake，唔知會唔會等於私家車 P 波之類個設計呢
不過以前 d 巴士行摺門，左手入一入 "D 波" 開閂門都慢極有限，個動作應該遠比拉手掣再等咁大隻門慢慢開順暢得多


由尾期歐一車開始其實已經有閂門安全裝置既雛形係度，不過反而好早期已有閂門警報既城巴無跟到
由中巴歐一 DA、VA31+ 同埋同期九巴 3波 TD 豪開始 (不過唔知係咪新車時全數安裝好)
除左有閂緊車門時按鐘會彈閘之外，重要差唔多停定車先開到門
否則扭掣只會得氣筏聲但度門無郁到，要扭翻埋再扭開過
閂門時一扭扭埋個掣度門一開始閂頭一秒會有度力彈翻開度門，氣筏聲略略收細，幾秒後先開始閂埋度中門，未閂晒開車會有警號
個人非常欣賞此設計，唔需要牽涉 door-brake 但確保巴士唔會過早開門、閂門又有適當緩衝同時又唔太徒時間
(一路閂門一路開車都係咇一兩聲，反正度門掩埋之前已有緩衝，相對較少因為閂門太急而夾到人，
司機可以較為放心開車，如果起步個幾秒內聽到咇多過兩下即係可能彈閘，再停低都未遲)


由 Trident 開始，唔同公司既 door-brake 都唔同
九巴 Trident 中門同埋(聽講)英國某 d 第一代 Trident 都係拉手掣先開得，叮完再完全閂晒先可以開車，而觀乎九巴 Trident 同埋英國有中門既 Trident 睇黎至今都無變到 (唔知英國單門版早年係咪連頭閘都要拉手掣先開)


新巴 1021+ 所有歐二 Trident 中門、Dart 中門、歐二歐三都普蠆前門、城巴 2700、紅柱蠆、21xx 同埋英國 National Express West Midlands 旗下歐二三四五三叉戟 (全部為單門版)
係度門開左少少之後會有一下爆發出黎既手掣聲，並用上手掣既風鎖上架車，再拉手掣係無風聲
閂門叮叮叮就黎閂晒就開得車，唔使等完全閂晒同埋錢箱拍板就郁得
呢隻設計都唔錯，只要度門本身開閂速度唔太過分，個裝置可謂相當平衡到效率同埋安全兩樣野
而感覺上短車係閂得特別快，早年新巴短 Dart 開閂門係咇咇聲、其他車係叮叮聲，
感覺上就係短 Dart 咇咇幾下最快、同埋 14xx/16xx 叮叮聲個節奏特別快
而家新巴轉晒用蜂鳴器，比起九巴，九巴叮既次數已經多，個節奏重要特別慢，真係令人無名火起
只係 33xx 中門同埋歐三打後既三叉戟都係要拉手掣先開到中門，明明英國例子已經說明呢隻兩全其美既設計至今都重有新車用緊，香港巴士公司停用真係令人費解


不過其實巴士公司有無硬性規定，似乎都有唔少司機渣著某 d 車型時開閂門個動作會有不同
好多時凡係開閂門方式跟主流唔同既車，司機開閂門動作總係會慢少少
例如前中巴車絕大部分係扭掣，不過 ML3+、LA、DL2、XF 之類係電控風，感覺上搭呢 d 車較多司機會較遲開閂門
到新巴年代後 DA93-96、VA65-66 司機可能唔係太慣舊車配按鈕式開閂門，好多時反而自動自覺停定晒甚至拉手掣先開門
調翻轉城巴多年前已用電控風，多年黎見司機渣著 9041-42 變成扭掣個開閂門動作都好似慢過其他車


另外亦有 d 車種似係司機主動慢慢開閂門，可能怕度門太闊乘客企得太出會有危險，例如 15xx、2500
聽講只有早年既 1501 先有 door-brake，但大部分司機多年黎渣 Man 開閂門動作都係寧舍安全 d 停定先上落
反而同樣為無梯級上落既 13xx 就唔多見司機會刻意遷就 (反而聽過捷聯 13xx 新車時都係要停定咁濟先開得到門)


巴士公司都唔見得太刻意要硬性規定車門調較方式，三巴各自都有唔少車有改裝過，
而且維持一段時間，感覺上應該係巴士公司相對上無對付超速之類咁嚴厲 (較少聽到一向有鎖車既車型可以長期超速)


十年八年前先後有九巴 101、111 掛牌豬車門整快過，開門 "次" 一聲仍在，不過叮三下錢箱就拍板可以開車
之後有堆豬扒掛 106，部分都有此調較，甚至成個 doorbrake 取消左，未閂晒都開到車
新巴豬扒加快閂門/取消 doorbrake 兩者都有，唔知係咪 82 682 定將軍澳區既司機要求而做手腳


另外 Centroliner 大家都好熟悉前後門都有 door-brake，要拉手掣先開到、閂晒先郁到車
新巴 60xx 好似早幾年已經執到可以先鬆手掣等度門一閂晒就走得，而家好似直情好多部前後門都係一路閂同時可以一路開車
感覺上已經唔係慢以前幾多 (舊車開閂門係快，但以前巴士車門窄，上落效率或者又會比而家慢少少)


新城歐四五 E500 新車一年半載開始，已陸續加快開閂門效率，話晒曬命線通常都係節奏明快既隧巴線
55xx 感覺上新車半年內已有車執快左、40xx 耐少少、部分 81xx 都明顯調較過
半年前搭過 8120 @ N8X，度門甚至快到令人有少少煩厭 (搭得 N 車都已經恰眼訓，新車燈光刺眼之餘車門下下 "o彭" 生晒)
隨著而家 81xx 車門開關陸續加快 (加埋波箱運作重新調較)，行 N8X 全程時間已經追貼以前 8xx 既紀錄


如果巴士公司有明文規定車門調較方式，睇黎應該唔會容許咁多顯而易見車門做手腳既事存在 (企係站頭觀察已經見到分別)
相比起超速之類 (早幾年 B2 版有人張揚過某九巴行屯公點樣快法，翌日該車已被發現鎖到好緊，相信係巴士公司即時做野而唔似係巧合)
私下取消 door-brake 呢樣嚴重，而家車門又闊又無梯級，萬一無閂門而有乘客跌出去可以好大鑊，通常一經發現會即時還原
而比起為求效率而急剎車或者未停定就拉手掣開門 (兩種情況以豬扒同埋九巴較常見)，
保留 door-brake 呢個最後安全防線之餘同時加快車門效率呢種兩全其美既事，似乎巴士公司都係彈性、酌情處理


話分兩頭，而家新款巴士好似唔單止中門，連前門都有安全裝置
係英國一到夏天都唔難見到巴士司機開著前門行車扯風，而且係低地台車，水箱已經唔係好似雞鴨咁放車頭
但去到近代新車 (例如 Wright 車身富豪) 就無再見到此情況，而且停定咁濟先開門，差唔多閂晒門先開車
九巴 AVW 開始既 Wright 車身富豪好似都有類似設計，差唔多停定度門先郁到，唔知有無人可以證實一下
另一品牌 ADL 車 (香港) 去到歐四年代開著門都可以溜前至更貼近上車乘客，或者就黎停定已經開到前門
歐五版唔知係車門牌子唔同左定其他原因好似又"安全"少少
有時都唔知係車廠過分猜度巴士公司口味定係巴士公司真係每項細節都咁有要求了

歐一白板開始有車速感應，
(好似係)5公里尾閘就開唔到

金巴開始，又係快過5公里，司機位按鈕就失效，所以要差不多停定先開到，

後期改嘅頭閘鎖(例如:968 68x嘅ATE/ATR/3ASV)就手掣燈著先開閂到門

AVW著電池總掣後，第一次一定要閂哂頭尾閘先郁得車，閂咗再開返就無問題

以前AVW就算開住頭閘行車，一快過某車速就自動閂，宜家唔係架架有

我記得有人講過﹐車門開關速度是有得調校的﹐即係開關速度係可以比現時快。

至於要停定車才可開門﹐關完門才可開車﹐這些原則性決定﹐都是從安全著想。
事關以前真係試過夾到人後﹐司機無發覺並且開車。印象中也試過車未停定便打開車門﹐有乘客跌出車外的意外。

我個人寧願要安全﹐慢些少可接受的。

搭單問，聽聞過 Ventura 中門用車外門掣開，之後喺車長位門掣係閂唔倒既 (定係閂到但開唔倒車，唔太記得)，請問係唔係真？如果係既話，頭門又有無咁既設定？
其他牌子既車門又有無呢？

先謝~

而家既巴士可唔可以開住上/落車門行駛?
我記得熱狗年代唔少私牌車都會開住落車門行
但而家已經好少見到

原帖由 bobbycheng 於 2012-12-14 11:37 AM 發表
而家既巴士可唔可以開住上/落車門行駛?
我記得熱狗年代唔少私牌車都會開住落車門行
但而家已經好少見到

後門應該做唔到﹐事關較後期的3av (h牌)都已經有安全鎖﹐後門唔關便開唔到車。

前門﹐我估正常情況下﹐都唔會有人這樣做﹐因為冷氣巴士﹐又會唔會開大隻門走冷氣?
不過﹐聽聞係做到的。(可能個別車才做到)


事實係後門打開﹐都可以開車走人的﹐不過唔係一般情況下發生。
某日﹐某一部直梯車(好似係 avbw1 @ 6f) 於紅磡壞車﹐工程車到場檢查過後﹐便在打開車門(包括後門)的情況下﹐開車走人﹐工程車跟隨。

唔好問我部車壞乜﹐工程車到場做過乜﹐因為我只是看到部巴士開門的情況下開車﹐工程車押尾。

原帖由 bobbycheng 於 2012-12-14 11:37 AM 發表
而家既巴士可唔可以開住上/落車門行駛?
我記得熱狗年代唔少私牌車都會開住落車門行
但而家已經好少見到

E500
開住上車門: 可以
開住落車門:唔可以

原帖由 KV5308 於 2012-12-14 11:33 AM 發表
搭單問，聽聞過 Ventura 中門用車外門掣開，之後喺車長位門掣係閂唔倒既 (定係閂到但開唔倒車，唔太記得)，請問係唔係真？如果係既話，頭門又有無咁既設定？
其他牌子既車門又有無呢？

先謝~ ...

Ventura 中門有車外門掣咩？
新車除非電池總掣閂左，否則司機位幾時都可以控制開關。舊車一條手柄轉90度果種因為係全氣動設計，只要架車夠風，無論架車有冇電都可以控制開關。

原帖由 kei_hk 於 2012-12-14 12:48 PM 發表

...
事實係後門打開﹐都可以開車走人的﹐不過唔係一般情況下發生。
某日﹐某一部直梯車(好似係 avbw1 @ 6f) 於紅磡壞車﹐工程車到場檢查過後﹐便在打開車門(包括後門)的情況下﹐開車走人﹐工程車跟隨。

唔好問我部車壞乜﹐工程車到場做過乜﹐因為我只是看到部巴士開門的情況下開車﹐工程車押尾。

為免因為車門因為彈閘 / 其他故障而無法關上並鎖死迫力，設計上有掣override door-brake. 當然個掣唔會響一般人見到既地方啦！

[ 本帖最後由 PatPatLeo 於 2012-12-14 13:15 編輯 ]

原帖由 kei_hk 於 2012-12-14 11:14 AM 發表
我記得有人講過﹐車門開關速度是有得調校的﹐即係開關速度係可以比現時快。

至於要停定車才可開門﹐關完門才可開車﹐這些原則性決定﹐都是從安全著想。
事關以前真係試過夾到人後﹐司機無發覺並且開車。印象中也試過車未停定便 ...

我有次搭AVBWU，見因為只有一個人落車，乘客落到一半時司機已即時閂門。因為門果時都未開盡，閂門時冇警告聲，速度又快，結果夾到人。

其實果架車正唔正常？如果咁咪有漏洞？

原帖由 PatPatLeo 於 2012-12-14 01:25 PM 發表

我有次搭AVBWU，見因為只有一個人落車，乘客落到一半時司機已即時閂門。因為門果時都未開盡，閂門時冇警告聲，速度又快，結果夾到人。

其實果架車正唔正常？如果咁咪有漏洞？ ...

即係司機判斷錯誤﹐未落完客便關門﹐所以夾到人﹐正常現象。

至於你話門未開盡﹐關門無警告聲﹐速度快﹐這是部車本身的設定﹐有無與標準不同了。
以及這一批車當時的設備﹐是否未夠完善。



正常情況﹐應該在確定無人再下車﹐司機才按制關門。
不過﹐叮叮叮的時間太耐﹐所以司機便會用經驗去判定﹐提早按關門制﹐例如最後一人隻腳伸出車外便按制﹐但這不是正確的做法。

假如關門的時間﹐有人「衝閘」﹐便會被車門夾到。所以很多年前已經有安全裝置﹐當車門夾到物件時﹐便會自動打開﹐記得當年九巴高層親身上陣示範﹐示範車係 av1。
車門自動重開時﹐司機位有警報聲的﹐並且會即時鎖定巴士﹐不能開動。
以防司機不知情的情況下﹐夾到人並開車。