建議取消87B線以開辦288X線

原帖由 dippy 於 2012-12-28 10:28 發表 http://www.hkitalk.net/HKiTalk2/images/common/back.gif
接納他人意見都要有數據支持先得
事實係, 你個"繁忙時間都好多人上車"
講緊成個石硤尾加埋都唔夠長沙灣/深水埗一個站既客量
唔信自己可以去驗證下, 深水埗長沙灣一個站(當然唔係講緊住宅區果邊), 繁時最少都二三十人上車
石硤尾咁多個站加埋, 撘咁多年都未試過有咁既數目
所以根本唔需要留咁多條線

一條86A做哂原本86系流水既功能已經可以, 復辦87與否根本可有可無
用86A-88K轉乘或延長86A至沙田站都可以解決到無車去沙田市中心既問題
要兩邊都快仲可以搞單循環, 絕對唔需要5條全日線服務南昌街

http://www.hkitalk.net/HKiTalk2/viewthread.php?tid=680304&extra=&highlight=&page=1

你年頭篇建議已經俾多位板友圍插，乜你真係仲覺得石硤尾可以俾你任意宰割而唔需要合理服務？

事實係，石硤尾繁忙時間根本係可以上到至少十幾廿個，如果呢十幾廿個客值得放棄既話，
796C應該縮去蘇屋，971應該縮去旺角，296C都應該縮去旺角，914應該執剩兩味囉。

而我又要再提醒你一次，87A變287X好唔容易先過到，
你將87B變288X，但係服務範圍無增加過，實際只係得單向出旺角同會快左，
去返深水步應該已經同87B相差無幾，換言之288X無開拓過新客源，只有倒客。
顯徑田心同新田圍未見其利，先見其害 -- 尤其是呢幾條老化屋村去石硤尾本身唔係無需求，
疏車線轉疏車線只會大幅增加行程所需時間（況且你仲想減86A班次）
你認為沙田果邊會唔會支持？

仲未計我唔知你點同大角咀，尤其是維港灣呢D山頭交代？
我之前話287X或者重演52X延長去旺角果陣既鬧劇，你似乎仲係唔明我講乜。

石硤尾的確唔使五條線咁多，馬鞍山的確唔需要巴士直接往返石硤尾
（但係要留意，T4路起好前馬鞍山無直接可靠方法上青沙，
考慮埋長沙灣落橋位唔就腳，同兩邊塞車因素之後，
86C上青沙，上繁出到深水步應該同而家86X打和甚至更慢），
但係86A唔郁得，87B要照顧轉乘客加埋大角咀、旺角、石硤尾又唔郁得。

而你亦唔好幻想86A延長去沙田巿中心可以解決到沙田巿中心<->石硤尾的問題
（本來新田圍直上隧道，變成遊半個沙田，行車時間番倍，仲未計瀝源禾輋兩條舊村唔知點算）

即係咁，如果而家我話你樓下條尖咀線12唔夠客，迫你將12同2號仔合併，
海麗兜蘇屋再出油尖旺，唔知你又會點諗？

結論係，石硤尾點都要有三條獅隧線囉。
得返三條線，但係之間幾乎無重疊，已經好好啦。

[ 本帖最後由 S3BL100 於 2012-12-28 13:26 編輯 ]

原帖由 dippy 於 2012-12-28 16:31 發表 http://www.hkitalk.net/HKiTalk2/images/common/back.gif

年頭某些人夠話行青沙出深水埗同行獅隧差唔多啦
依家286X開左唔夠一個月咪又係要開加班車先載得哂!
你(S3BL100覺得親果啲嘢都好似同現實世界有相當距離喎)

上面果句同下面果句根本無關係, 閣下又妄想轉移視線嚟迴避問題?
呢十幾廿個客係講緊令其他客兜多十分鐘去服務佢哋
你果堆縮線方案, 原本總站區無替代之餘, 亦無人會因為縮線而縮減車程
914沿線, 富榮, 大同, 海麗都係"非鐵路沿線"
你之前先講過690轉唔到兩繁係因為有非鐵路沿線既服務範圍, 轉個頭要話914可以執剩繁時
咪又係突顯你既無知又自相矛盾囉

T4路起好前, 可以直飛大涌橋路(唔停站既, 大涌橋路係順燈)或者行紅梅谷, 獅隧公路, 沙瀝
比司機揀行車路線都得
RDP指出, 86P上青沙可以節省約15分鐘
ref: http://www.districtcouncils.gov.hk/archive/st_d/pdf/ttc/2011/ST_TTC_2011_019_TCannex.pdf
未知閣下既"打和甚至更慢有何出處呢?
http://goo.gl/maps/xQFvo
RDP建議路線
http://goo.gl/maps/ZMhdH
另文建議路線

乘客甚至可以透過轉乘286X直逹深水埗, 何慢之有?

照顧轉乘客更加係非常可笑
經牛頭角既74A咪一樣可以倒哂堆原本有錢賺既將軍澳/山上轉乘客出街嚟重組
轉乘客根本從來都唔係考慮因素

你簡直九唔搭八，轉移視線果個係你，唔係我囉。

1. 麻煩你先睇下呢篇文：
http://www.hkitalk.net/HKiTalk2/viewthread.php?tid=735147&page=15#pid2649843

再睇返同一條thread其他板友的調查，已知286X出深水步比起86B慢十分鐘。
但係86B唔係獅隧線，你拎86B黎比，話行青沙快，但係原來86B出深水步快過286X，已經無意思。

況且唔好唔記得286X比起86B做多成個美田，點都一定比86B多客囉。

2. 已知86往返沙田巿中心至深水步之間較72慢10-15分鐘，而286X出深水步又比86B慢五分鐘，
換言之行獅隧比起青沙、欽州街落到深水步最多亦只係慢5分鐘

3. 原來你睇住RDP都可以斷章取義，舊年RDP係話86P
「善用快速公路提供特快服務往長沙灣，可節省約15分鐘行車時間」
只係話長沙灣，無話深水步喎。
去長沙灣快15分鐘，但係長沙灣落返深水步都要個零字，一來一回已經打和啦。
仲未計86C行歌和老街又比86/86A行法慢成個字。

而跟據上面推算，286X直出深水步欽州街，時間上比起行獅隧快五分鐘左右，
但係86P行青沙，先經長沙灣，再出返深水步，落到深水步一定慢過286X至少個零字，
因此我話86C行青沙落深水步同而家打和並唔係無根據。

仲未計86C要落大涌橋路，而86X係耀安後直上公路，86X落深水步係絕對好大機會快過86C。

當然長沙灣另計。

4. 我只係用你既邏輯加諸返你身上姐，
914服務既海麗可以行去荔枝角站，大同新村/富榮花園可以行去奧運站，
而690既康盛翠林係行唔到去地鐵站的。
況且運吉都無硬推914變兩味，唔似得692。

你想大幅削減石硤尾服務的同時又唔俾合理替代，本質上同埋縮796C去縮屋、縮914做兩味根本無分別。

九巴縮74A只係顯示出佢無品，況且觀塘根本無討論過74A縮短，於是中左伏。
但係你估沙田又會唔會接受到你大幅削減往返石硤尾的服務，情況會唔會一樣？
唔好唔記得，87A搞左幾耐先過到。
如果你用第二D巴士公司無品的例子去企圖證明你大幅削減石硤尾服務
而唔係合理替代係無問題既話，你只係同建議74A縮短果班人一般見識。

而事實係，根本有好多方法，係可以在維持石硤尾合理服務（唔郁86A/87B，兼且保留沙田巿中心石硤尾特快）的同時
開設青沙特快往返長沙灣同沙田巿中心/小瀝源/馬鞍山，
因此從來唔存在話石硤尾搞到其他人兜多十分鐘既問題，
只係你其心不正，將兩樣野捆綁埋一齊搞二元對立，製造假命題，
特登選擇一個損害唔少人利益的方法，無所不用其極，不擇手段達到目的而已。

成日有人想推線上青沙，但呢啲人係咪真正了解行青沙嘅代價？
上得青沙嘅線好客咗，係巴士公司用幾年時間研究加游說先有嘅成果，
唔代表其他線推上青沙都有同樣好成績。
最旺嘅位已經有286X同287X插咗旗，神話可以複製得幾多次大家心照。

再講一次，288X係要有人犧牲完一次(87A->287X)又一次先成到事，
但係現有路線網覆蓋得好過加條288X落青沙。

[ 本帖最後由 epsilon 於 2012-12-29 21:59 編輯 ]

停站數87B多過288X，但288X停青沙轉車站花嘅時間唔會少，兩者呢方面打和。

去程
87B田心村去深水埗最後一站白楊街9.3km, 20分鐘，去太子弼街9.6km, 23分鐘，
去旺角尾站旺角街市10.1km, 25分鐘：http://goo.gl/maps/VyZe3
288X田心村出旺角新填地街10.0km, 15分鐘，出太子基榮小學10.5km, 18分鐘，
出深水埗第一站楓樹街11.2km, 24分鐘：http://goo.gl/maps/yGRNd

87B未扣除google map行唔到南昌街巴士專線而要兜少少路。
出旺角288X有望比87B快10分鐘，出太子有望快5分鐘。
但樓主一路強調288X可以做埋荔枝角道，原來會比87B慢5至10分鐘。
去程頭尾加埋兩條線打個和，但288X係循環線班次唔穩定，87B係雙向線較易調節。

回程
87B深水埗第一站楓樹街回程新翠邨8.7km, 18分鐘：http://goo.gl/maps/b418R
288X深水埗第一站楓樹街回程新翠邨9.6km, 18分鐘：http://goo.gl/maps/C3LZJ

回程方面由中匯街到楓樹街兩線相同，用楓樹街計就得，結果係打和。

樣樣嘢都打和，但係288X要貴$0.3，又會同石硤尾客過唔去，
九巴係唔會拎出嚟，區議會係唔會通過。

[ 本帖最後由 epsilon 於 2012-12-30 01:30 編輯 ]

原帖由 dippy 於 2012-12-29 17:40 發表 http://www.hkitalk.net/HKiTalk2/images/common/back.gif

而286X又比86B兜多左美田美林
令新線去深水埗慢左十分鐘
即係原本行青沙同大埔道, 到深水埗時間根本相約
但經南昌街去獅隧就慢好多, 講緊兜到至少10-15分鐘
你自己都知86B唔係獅隧線
咁基於依家86比72慢至少15分鐘先到深水埗
咁288X比87B, 時間上都唔會輸蝕
仲未計87B服務既荔枝角道, 大角咀一帶比286X/86B服務既元洲街更接近青沙公路既出口
你始終都無解釋到288X有乜問題令你可以屈佢唔快喎

epsilon兄已經證明左你既時間估算錯誤，唔多講

講左幾多次，87B變288X，時間實際上無慳過，
但係服務範圍縮小（唔似86B變286X服務範圍擴大），
根本係損人不利己，你估九巴有無誘因做？區議會會唔會通過？

至於石硤尾係咪真係需求咁少？先睇下今年RDP，有幾多人因為87A變287X而要轉坐86A/87B：
http://www.districtcouncils.gov.hk/st/doc/common/committee_meetings_doc/ttc/st_ttc_2012_007_tc.pdf

沙田->南昌街 808
博康/乙明->深水步 257
大圍->深水步/旺角 749
總數：1814

旺角/深水步->大圍 1331
深水步->博康/乙明 278
南昌街->博康/乙明 383
總數：1992

每個方向都有接近2000人受影響，已經無計一班由87A轉搭287X，或者搭87A往返石硤尾同旺角的乘客

你可以嫌上面堆數字無分離到南昌街/深水步南部往返大圍，於是不如再睇返對上一年的RDP：

http://www.districtcouncils.gov.hk/archive/st_d/pdf/ttc/2011/ST_TTC_2011_019_TCannex.pdf

「約1420位乘客來往沙田圍/大圍與南昌街可以使用86A號線」
「約1190位乘客來往大圍與深水步/南昌街，以及南昌街與旺角/大角咀，可以使用87B號線」

按上面數字推算，你將87B變288X，南昌街往返顯徑/田心/新田圍應該都會有1000-1500人受影響，
另外仲有約1190人，本來搭87A變87B，我當有一半可以搭288X，
另一半都要再一次受影響，加埋點都有2000人受影響，而呢2000人你係無俾過任何替代，佢地亦無其他選擇。

南昌街係咪真係咁少客？你會點同佢地交代？2000人受影響而沿途無提供任何替代服務，你認為87B有冇空間變288X？
仲未計你隔離篇文仲想將86A減到得返四架車行，你的建議根本同實際需求完全脫節。

1. 86C上得青沙就幾乎肯定要拆線/唔經沙田圍-大圍一段
否則根本唔會有人坐條兜大半個鐘先上公路既線轉車
2. 尋日夜晚7點幾坐286X-283入沙中
淨係荔枝角站同饒宗頤已經上左五十人
結果全車企滿入隧道
主打長沙灣有乜問題?

主打長沙灣無問題，問題係你拎住RDP的文字都可以斷章取義，
而且主打長沙灣又係咪事必要放棄石硤尾？

86C如果真係拆線的話，必然有一條係行晒成條大涌橋路先上青沙，
因為你要同石門、濱景花園、富豪花園的乘客交代。
even根據你隔離篇文開283X，都填唔到石門同濱景，
況且283X學你咁搞就同瀝源禾輋巿中心過唔去。
反正行晒成條大涌橋路同埋行公路相比根本慢唔到好多，繁忙時間應該打和。

Thats why成日有人話要起電梯上山囉
原來啲人係行唔到山路/坐小巴去寶琳既
我都係今日先知, 失覺哂

大幅削減石硤尾-沙田既服務係因為本身服務過剩
等如當年將線通車至今
由691+693系重組到得番692再重組到得番繁時甚至全條執
咁又係咪無合理替代呢?

本身重組後佢哋可以用轉乘優惠
而大部份乘客更加可以喺重組中得益
有乜本質上既唔同呢?

14C->14X, 796B->798甚至87A->287X都令部份地方要轉車甚至連都都無得你轉
"合厘替代"本身係for 啲本身有客但唔多既組合, 而唔係本身無需求既組合
88K等線轉86A已經可以, 正如今年推取消85B非繁都係用88K-85
用87B換條旺角快速本身已經係合理替代左大部份乘客
如果你夾硬要執住澤十果極少數人去講
咁何解馬游塘村去機場連僅有果幾班車都無埋又唔見有人出聲?
根本你成日掛喺口邊既澤安就無客, 連小巴都唔太做得住

所以85B取消咪俾人ban左囉

你都好好笑，話要起電梯駁山上<->寶林站既根本唔係山上既議員，
而係山下既議員，話就話方便山上，實際上根本就係想開通條電梯後
搶人地山上巴士資源，放落將南/康城度，但係而家將南巴士服務根本過剩，98S四班車得六個客康城上車。
呢D山頭主義而唔反映居民實際願望同需要既言論，提來做咩？

石硤尾<->沙田服務係有空間減少少，但係絕對唔係減超過一半囉，
石硤尾唔係度度近港鐵，客量亦唔係好似當年691/693咁載空氣，
石硤尾只係需求唔係好大，而唔係無需求喎。
你拎691/693比根本無意思。

14C->14X同796B->798呢D，對受影響地區根本係等價交換甚至超越等價交換，
even你好鍾意拎既九龍塘至觀塘一段受影響乘客，仲有成大條港鐵100%重疊，又密又快。

之但係石硤尾<->沙田有冇呢D條件呢又？

你唔鍾意都好，我點都會捉住澤安邨來講，
87A無左之後，你拎走埋87B，人地唯一全日出旺角的服務就無左，
但係出旺角絕對係基本需要囉。
你係咪唔明咩叫做基本需要？

即係咁，91清水灣夠係唔夠客，條線蝕大本，咁可唔可以取消91，叫班客個個用103M出入？
荃錦公路得條51年蝕七位數，咁可唔可以取消51，叫人搭的士？
45同46荔景山都唔夠客，又可唔可以兩條cut晒，叫人搭30轉車？

就算每班車得幾個客都好，cut左會令到果班客出入即時變得困難的話，果幾個客都要做。

如果你係都要cut左人地唯一全日旺角車的話，
咁你樓下唔該先cut/縮短晒12、914同971而不作任何補償，反正幾條線海麗邨都無咩上落。
己所不欲，勿施於人。

原來係咁, 我都唔知喎, 真係一般識喇
咁請問經營74A果間巴士公司同經營86/87系果間巴士公司有乜分別呢?
定係啲人專揀"牛頭角"嚟恰?特登去呃觀塘區議會令佢哋同意拉到條74A唔經"牛頭角"?

你好好笑

用返基本需要來講，對於觀塘人，74A只係幾十條新界線的其中一條，
去埔公對大部分人唔係基本需要（當然受影響乘客的受影響程度確係相當嚴重）

但係86/87系對石硤尾，尤其是澤安邨，又係咪一樣？

既然咁合理, 咁點解啲人成日都想推線上青沙先
事實上, 今年沙田上得青沙既線都係比原本好客喎
維持石硤尾-沙田市中心特快根本唔係重點
近大埔道既一早坐哂81
山上面果啲, 你點行佢都要撘
有直達線已經有足夠兢爭力, 反而減價更加吸引(8.1->6.1)

根本一直只係得你一個成日想推線上青沙

沙田區係好想有線上青沙，但係佢地唔係想同時要唔少乘客代出代價囉。

你呢D漠視事實、損人利己（甚至損人不利己）的企圖，係唔會得逞的。

[ 本帖最後由 S3BL100 於 2012-12-30 05:55 編輯 ]

原帖由 dippy 於 2012-12-29 22:56 發表 http://www.hkitalk.net/HKiTalk2/images/common/back.gif

沙田講左咁耐, 都無否定過287X既存在
佢哋只係講緊
1. 顯田無份(所以加左286X, 亦開左線)
2. 希望保留87A做沙博-石硤尾, 因為86A疏
當然, 最後用86A行沙角街都settle到, 無需要加班

錯，佢地係反對取消87A架

http://www.districtcouncils.gov.hk/st/doc/common/committee_meetings_doc/committee_meetings_minutes/ttc_minutes_12_03.pdf

麻煩自己search下份文件提及87A的部分，睇下「反對」呢個字眼出現左幾多次先好講