向TCU投訴九巴脫班，九巴講大話話冇，可以點做

向TCU投訴九巴脫班，九巴講大話話冇，可以點做

九巴263路線，沙田鐵路站開出，平日14:40 - 16:56時段為18-20一班，
有次我14:40去到，見冇車又冇人等，我當我唔好彩送車尾，依時間表，15:00點都有下一班，但我等到15:10，仍然唔見有車黎，即係肯定又脫班，於是去搭48X去荃灣轉車。

之後向TCU投訴，本來都預左又係壞車、車長缺勤、塞車之類都唔知係定唔係既hea答，但TCU竟然話九巴回應「根據當日的行車紀錄顯
示，沙田鐵路站巴士總站於你所述時段的開車時間大致正常」。

明顯係錯都唔認明講大話，作為小市民，仲可以點做？我已去信太陽報再投訴。

會唔會有司機做足程序 (即到站拍卡)﹐令到班次紀錄正確﹐但司機沒有依據指示開車(即係提早開車載客/吉車走﹐或者夠鐘唔開車﹐之後吉車走人追時間)。

你可以再回覆郵件去Tcu去跟進，表明九巴之回應與你經歷的事實不乎

甚至可以向申訴專員公署投訴TCU及運輸署辦事不力

原帖由 eric278 於 2013-1-10 12:09 PM 發表
甚至可以向申訴專員公署投訴TCU及運輸署辦事不力

如果我上面講的情況出現﹐九巴的班次紀錄﹐的確係反映有車開﹐班次正常的。
九巴的回覆﹐又的確無錯誤的。

在無站長的情況下﹐這些很多時只會是"無頭公案"﹐根本查唔到。
(即使有站長﹐站長亦未必理到/記得當日發生什麼事)



只有在經常有人投訴同一條路線﹐有相同問題﹐即係有人投訴無車﹐但巴士公司又話班次正常﹐才會令巴士公司/監管部門生疑﹐派員以"放蛇"形式去調查。

原帖由 kei_hk 於 2013-1-10 12:17 發表


如果我上面講的情況出現﹐九巴的班次紀錄﹐的確係反映有車開﹐班次正常的。
九巴的回覆﹐又的確無錯誤的。

在無站長的情況下﹐這些很多時只會是"無頭公案"﹐根本查唔到。
(即使有站長﹐站長亦未必理到/記得當日發生什麼事)



...

其實還可根據乘客八達通拍卡收費記錄查的, 新城自己接到投訴時已經有去查自己的拍卡記錄,
只要TCU/九巴肯去查大約時間之263拍卡記錄便知. (263會更易, 因為沙田只有一個站, 唔會查錯方向)

[ 本帖最後由 Choco 於 2013-1-10 12:27 編輯 ]

如果九巴係都唔認, 你似乎都冇佢乎, 我都試過向 TCU 投訴後不滿回覆, 再要求跟進都係回返個更廢的回應就了事。不過亦唔會對巴士公司 (交通機構) 完全冇影響, 因為至少佢的投訴數字已 +1 了。

原帖由 syp 於 2013-1-10 13:39 發表
如果九巴係都唔認, 你似乎都冇佢乎, 我都試過向 TCU 投訴後不滿回覆, 再要求跟進都係回返個更廢的回應就了事。不過亦唔會對巴士公司 (交通機構) 完全冇影響, 因為至少佢的投訴數字已 +1 了。 ...

唔一定的，你可以要求佢提供有關時段的開車紀錄，我甚至連有關班次再對上一個單的開車時間都拎過。
另外投訴時應該提供埋有關巴士的車牌... 當然係樓主呢個完全無車返的 case 就無辦法了。

你睇下而家d市民反特首講大話, 日子咪又係正常咁過

























***其實我覺得投訴無咩用