香港巴士好應該有雙向分段

原帖由 914 於 2013-1-19 02:13 發表
輕鐵出站機又唔見有問題！？

輕鐵當年未有八仔的年代都好多人逃票, 多年來呢個都係一個原因令輕鐵蝕本.

同埋當年裝八仔, 輕鐵一早已經宣傳話拍卡入站係會先收最高車費, 下車拍出站機才回贈差額, 同樣都宣傳若拍出站機時系統發現該卡沒有入站紀錄, 都會扣除最高車費, 所以乘客咪乖乖地入站出站各拍一次.

新巴/城巴的雙向分段據知個原理和輕鐵出入站機差不多.

原帖由 gordon 於 2013-1-19 09:08 發表
輕鐵當年未有八仔的年代都好多人逃票, 多年來呢個都係一個原因令輕鐵蝕本.

同埋當年裝八仔, 輕鐵一早已經宣傳話拍卡入站係會先收最高車費, 下車拍出站機才回贈差額, 同樣都宣傳若拍出站機時系統發現該卡沒有入站紀 ...

某程度上九記都可以咁做,
只需要起加車個落車門加多個八達通卡拍卡器,
上車時先紀錄佢起邊度上車 (或者該收費係幾多),
再起落車時再拍一次卡以作收費 ~

假若乘客唔記得拍卡, 或者有心唔指卡,
於某一個鐘數內就同佢收全費 (如果咁樣做唔到的話, 於下一次坐巴士個陣, 將前一段個程收佢全費) ~

老實講其實仲有好多個方案,
如果有心做其實有咩係做唔到丫,
至在係巴士公司有冇咁 o既心去做,
最重要係有冇誘因去做 ~

你都知道起香港黎講, 錢/盈利大過天架啦 ~

我係回應有人話出站機若裝在巴士站日晒雨淋有問題，而輕鐵好多出站機均放在站蓋以外日晒雨淋，最多得個蓋仔，又冇問題。

會否其實巴士公司早已想學獅城玩里數收費,係運吉為保鐵禁止咋

另外,E22A可設雙向分段收費,彌補當年796B那少拙客的損失,並以此創立將軍澳<>黃大仙獨家線開拓客源又不用令本身利益流失

[ 本帖最後由 alan2011super3 於 2013-1-19 11:10 編輯 ]

若果落車拍卡機放在車廂內唯一問題係若乘客不懷好意時可在雙向分段內先拍卡而唔落車。例如962有人銅鑼灣上，中環拍卡唔落，去到屯門至落，咁點算？

當然同意若有心做，辦法總比困難多。例如若拍落車機等於按落車鐘，司機見有人按落車鐘而冇人落車可以用流動八仔機check 邊張八仔啱啱拍過落車機。違者罰一萬，分一千比司機，每位乘客由司機按特别掣均獲退款作為幫手捉賊及延誤之賠償。咁巴士公司，司機，同乘客都win win。

只怕今時今日由何生話事嘅九巴，好學唔學走去學西隧嗰套，做到蝕錢而狂加價。

其實在拍烏蠅大長途做到雙向分段的話長短途乘客均可得益。例如而家268B死吓死吓咁，有雙向分段可吸引一班紅磡至彌敦道尖沙咀至佐敦一班客，因而家的確係冇車到。甚至可延長路線到九龍城碼頭，因成個土瓜灣而家跟本冇車去大西北。本身268B嘅乘客又繼續有車坐，何樂而不為呢？

保鐵？維港灣出旺角太子也可坐鐵路，咁E21又可以做到3.5雙向分段嘅？

原帖由 914 於 2013-1-19 11:20 發表
保鐵？維港灣出旺角太子也可坐鐵路，咁E21又可以做到3.5雙向分段嘅？

無錯係可以坐鐵路, 但係你會唔會先(奧運-->香港-->中環-->旺角/太子, 或者奧運-->荔景-->旺角/太子).
保鐵的意思是在鐵路可提供直接服務底下, 不會有與其路線平衡的巴士/小巴路線, 例如人人都知旺角去沙田可以坐東鐵線, 咁就唔會有一條巴士路線由旺角直接或經過九龍塘去沙田(81可以生存係因為經過很多鐵路不到的地方)
至於維港灣至旺角, 因為鐵路未能做到直接的服務, 那麼就要由小巴/巴士作輔助, 可算是補鐵路服務的不足.

[ 本帖最後由 gordon 於 2013-1-19 11:51 編輯 ]

咁281A除廣源外大部份额鐵路都到又得嘅？城巴6系中環雙向分段去金鐘灣仔又得嘅？

我都係個句, 而家現金分段線逃票問題並不嚴重, 而且逃票呢個問題根本無從解決, 即使係而家都可以刻意比輔幣然後入少 d, 好似968咁只比十七八蚊銀仔, 真係得鬼閒同你慢慢數,
逃票既人一定有, 但如果行雙向分段慳到車, 慳到既成本多過少數逃票乘客就足夠, 例如我提過既用38分段收費取代37M, 或者用73+73A+77K處理埋70K最後不可取代既路段(上水往聯和墟 / 聯和墟往華明)等

真正要關注既問題應該係增設更多分段收費後,
長途線更難上車以及回車時間長, 加班不及短線易, 要小心選擇可以負擔既長線.

真係非常擔心逃票, 一毫子也不能少的話, 雙向分段亦可以增加現金分段既方式出現, 以準備硬幣既不方便交換優惠.

無可能做係長途線....長途線己經有比較高的收費....仲要貼短途客？

反而做到分段，可以創造的是舉個例，3流水線合一.....不需要再開短程流水....同時可以加密...一舉兩得

但都係果句，佢咁做有咩著數先？.....