內地鐵路官員狠批香港鐵路標準差

其實佢想香港段o既區域快線起一條全新鐵路姐，
唔洗同西鐵共用軌道從而要減速同耐o左時間。
我都好希望香港段o既區域快線起一條全新鐵路，
唔洗阻住東鐵、西鐵o既運作，
影響東鐵、西鐵o既班次。

講話西鐵o既路軌、月台、信號不及大陸？簡直荒謬
佢地有冇浮動平板路軌丫？
記得有大陸、台灣鐵路公司o黎過香港參考西鐵浮動平板路軌o既技術，
而家又話西鐵o既路軌不及大陸，咁之前就唔駛o黎參觀la...
至於月台、信號系統更加唔洗講

原帖由 nelson72A 於 2006-3-11 12:04 發表
除左香港多山平地少
安全/逃生設備不一致外
仲有香港收地賠償遠遠高於內地
(內地仲可以偷雞用象徵性價錢收地 )
令到內地建築鐵路成本遠遠低於香港

內地話收地就收地
仲可以一個仙都唔賠(國家利益大於一切)
香港?殺兩隻雞已經有一大堆新界原居民叫政府回水喇
收地?有咁高價叫咁高價
就算係塊爛地都吹到貴一貴
點比呀

原帖由 bigbrain 於 2006-3-11 10:45 發表
吳俊光亦表示, 內地陸續容許更多省份和城市居民來香港自由行, 而深圳現行興建大量鐵路,
包括新廣深高速鐵路, 滬廈深沿海鐵路, 廣深線改造工程, 還有多條廣東省新鐵路, 包括武廣
高速鐵路, 京九鐵路, 京廣鐵路等, 也會連接深圳鐵路系統, 而香港只有東鐵和西鐵兩條鐵路,
擔心香港未來交通發展會好被動, 從而影響經濟。

0係香港起多條鐵路
大陸政府俾錢起呀?
係就唔俱呀
同埋起0既話就有咁多起咁多,務求要超英趕美過日本
唔好理佢有冇人搭喇,起咗先啦

我想問香港點行到160-200km/h咁快,起到條咁高速的鐵路,
附近居民肯定唔肯過你,要人24小時俾你架車係咁嘈,唔通叫人唔好"目訓"覺呀

廣東省個面積186,000平方公里
香港個面積只係1,107平方公里

請問點比呀?大陸大把地可以起鐵路,香港唔係呀!

完全係得啖笑的言論,講呢番話的人完全暴露出自己無知

香港西鐵各項技術標準包括鐵軌、月台、信號等, 全部低於內地新鐵路
咁佢有無睇過自己國家鐵路如何先進法,就算內地所謂新鐵路依然停留係上一個世紀標準,莫講話西鐵,
連東鐵都不如

講車站設施,內地車站猶如鬼城,燈光陰暗,連電梯及升降機也欠奉
車廂環境更加不值一提

唔係一定要快就叫先進

[ 本帖最後由 proschebus 於 2006-3-11 15:28 編輯 ]

我諗佢既標準係:
快=技術高
香港D蟻"冷"咁慢
梗係唔夠黎啦

佢唔好用磁懸浮同香港D比?!

基礎技術打唔好，走去學人講快。呢個係真正的笑話。

睇吓人地外邊鐵路強國的基礎技術做得幾好，都唔能夠避免有嚴重事故的話。
我唔係話睇少中國(你唔好話，土木方面係唔成問題，反而人 + 制度先係核心)，之不過係呢方面唔夠作出適當的公開又的確幾難令人信服。
公開係指係從圖書館到一般個人層面方面都可以有合理水平的access。

鐵路信號的原理打從互聯網時代起再唔係乜野秘密，只要唔係叫你公開其技術參數就冇問題。

事實上，只要佢一日講唔出佢相講的重點詳細出黎(唔好意思，我真係get唔到其重點)，大家只需當唱歌就可以。

[ 本帖最後由 500 於 2006-3-11 16:19 編輯 ]

原帖由 superbus 於 2006-3-11 12:58 發表

內地話收地就收地
仲可以一個仙都唔賠(國家利益大於一切)

問心，如果係某 D 範疇同限度上可以容許政府
在民眾許可下作出如此蠻橫、粗暴的決定，我
係舉腳贊成。

凡人皆知，東鐵除了要做過境客外
還要應付沿途多個數十萬人口的衛星城市
站密、人多是難免，更不可能開得快
34公里行50分鐘咁都叫慢﹖我呸﹗
好心大陸D官員來香港坐兩三轉鐵路先出聲啦

呢d咪叫五十步笑百步囉...

你自己食佢既用佢既,
轉頭話佢標準差...
差得黎你又要用...
咁即係乜野?

你中國大陸d火車一年出軌幾多次?
香港d鐵路一年出幾多次軌?
呢d叫標準好過香港?
唔好玩咯~