11/3明報：九鐵颳倒田北辰風

原帖由 PB602 於 2006-3-11 22:15 發表
不要說什麼運輸署指引，事實上撞車是一個嚴重的安全問題，是一個公眾關注的問題。最後
照片出了街，市民的聲音是贊同九鐵高層「依照運輸署指示，不用通報，抵讚！」還是說九
鐵職員有事收收埋？

富山殮房交錯遺體，食環處也沒有指引要公報，但為什麼高官最後也要站出來交代事件和道
歉？九鐵是一個公營機構，對市民要交代。可惜九鐵內部就是太多太多以為「跟足指引」就
天下太平的人，而忘了市民大眾──他們也是你口中那些對鐵路沒有認識的人──對公營機
構的期望遠超這些指引之上！

田北臣或許對鐵路的認識沒有黎文熹那麼多，但超碼他知道市民在知情權方面的要求是什麼
，而不是扮作老行尊，一派「我跟足指引，你唔好話我」、「鐵路o既o野，你識得幾多」的
態度。

如果事事為下屬護短就是好老闆，發生壞事不作聲就是好主席，不如找董建華做九鐵主席吧
，佢在這兩方面一定做得出色。

公眾o既知情權包括甚麼? 既然連不影響鐵路運作o既事都想知道, 係咪一日有
幾多員工請假, 幾多個乘客在邊度受傷, 就連廁所有問題都要透過傳媒公開?

我重申一次, 透明度要高唔係錯! 不過在現行o既制度下, 作為一間公司
o既主席, 唔清楚某些事情需唔需要公開o既時候, 就唔好一句話
員工做錯! 主席講 d 咁不付責任o既說話, 不單員工士氣受到影響, 連公司
形象都會受到影響。如果佢有心改革, 唔該搞清楚現行o既做法, 再向外
解釋點樣去改。

仲有, 冇人要佢扮老行尊, 但既然佢唔係內行, 都要聽下內行o既意見啦。
不過每當其他管理層發表意見時, 佢都唔聽。每逢同佢不同意見
o既人, 佢都鬧。咁算係一個甚麼主席?

[ 本帖最後由 fw1321 於 2006-3-11 23:34 編輯 ]

原帖由 rickywk 於 2006-3-11 22:04 發表
田少將商業營運手法落去九鐵呢間百年老店，原意係好，但陣痛未完帥先死，下面班人嘆慣o左，點會同你改..但九鐵唔可以再做政府部門，要接受現實，要變成一間私人機構

其實想知點樣指責員工，田少講得最多係管 ...

下面班人唔係歎慣, 下面班人一樣做餐飽, 不過做餐飽之後就得到主席一句
「做錯o左」。換着你係員工, 你有乜o野感受?

其實....我地外人都係好難明那公司內的實際情況...
不過田生咩改革/處事作風點都好, 如果令員工反感,
甚至反感到依家咁出晒面..作為一間公司主席....
我覺得點都係失敗.....

田少內部做唔做得野我唔知, 不過肯定, 佢平時公開D
語氣都唔係好......呢方面佢應該改善...

原帖由 3ASV196 於 2006-3-11 23:39 發表
其實....我地外人都係好難明那公司內的實際情況...
不過田生咩改革/處事作風點都好, 如果令員工反感,
甚至反感到依家咁出晒面..作為一間公司主席....
我覺得點都係失敗.....

田少內部做唔做得野我唔知, 不 ...

我諗田少公開場合對巴士迷最"唔岩聽"都係呢句
cut巴士線

原帖由 黑翼 於 2006-3-11 23:46 發表




我諗田少公開場合對巴士迷最"唔岩聽"都係呢句
cut巴士線

我覺得唔好拉埋去巴士講先, 幾耐之前, 佢公開
講楊生唔係佢好朋友..已經睇到佢公關/溝通手段
係有問題

原帖由 3ASV196 於 2006-3-11 23:49 發表


我覺得唔好拉埋去巴士講先, 幾耐之前, 佢公開
講楊生唔係佢好朋友..已經睇到佢公關/溝通手段
係有問題

這件事亦成為一時佳話...
面對傳媒, 作為公眾人物, 實在有無必要用這種方法與同僚劃清界線?
作為一個公共機構的最高領導, 田少這種獨行獨斷的性格, 實在令人吃不消

在裂痕事件爆獲之後, 更加只見黎文熹等的管理層出來應對傳媒
那個時常發表獨特論調的田少又去了哪裡???

要加強透明度
不單是懂得邀功r
一有差池就將自己的下屬統統拿出來受粑, 自己就置身事外
作為主席, 公司出了甚麼問題就將責任拋于下屬
這是一個負責任的主席嗎?

要是這次「迫宮」成功，九鐵就會繼續成為難攤子。日後跟地鐵合拼，如果地鐵要求
九鐵高層做事要配合地鐵的標準時，恐怕那些高層又要再投訴了。

因此，我估計到了合拼之日，地鐵未必會願意接受這一眾高層。

[ 本帖最後由 PB602 於 2006-3-12 10:19 編輯 ]

原帖由 PB602 於 2006-3-12 10:11 發表
要是這次「迫宮」成功，九鐵就會繼續成為難攤子。日後跟地鐵合拼，如果地鐵要求
九鐵高層做事要配合地鐵的標準時，恐怕那些高層又要再投訴了。

因此，我估計到了合拼之日，地鐵未必會願意接受這一眾高層。

如果作為一個好管理層/主席, 其實係要"管"同"理"D員工, 呢個係好
基本的MANAGEMENT概念.....要去改變一大公司的標準/處理方式,
唔係話有問題....但點樣令班員工好受D, 服你, 先係問題....呢方面
一定係難架....如果唔難, 點有咁易做到主席AR....人人都做到啦,
係咪? 呢個就在乎改革的手段同本身形象喇.....

至於合拼之日, 我覺得仲係言之過早.....如果咁快就話那些高層
又要再投訴, 咁快又話地鐵未必會願意接受這一眾高層, 我覺對
邊一方面都係唔公平, 未發生的事, 又何必去估計?

[ 本帖最後由 3ASV196 於 2006-3-12 10:57 編輯 ]

原帖由 3ASV196 於 2006-3-12 10:49 發表
至於合拼之日, 我覺得仲係言之過早.....如果咁快就話那些高層
又要再投訴, 咁快又話地鐵未必會願意接受這一眾高層, 我覺對
邊一方面都係唔公平, 未發生的事, 又何必去估計?

咁又唔係ge
到地鐵"接管"九鐵果時
要開始慢慢磨合兩間公司ge文化
地鐵D大粒佬唔順超
九鐵D大粒佬又唔gur
係好自然ge事黎je
同埋到兩鐵正式合併做一間公司果時
如無意外應該只剩番一team管理層
到時有人為求自保
互相攻擊對方ge不是都係好自然ge事黎je
唔係話估唔估ge

依家田北辰做主席都無晒意思啦,乜面都無晒,俾個細佢一級既行政總裁咁唱法,以後大家做野盞面阻阻