11/3明報：九鐵颳倒田北辰風

報導來源：11/3明報

九鐵颳倒田北辰風

管理局成員︰細意安排的政變

透明管治惹爭議 措施增前線壓力

今日(11/3)無線新聞亦有相關報導，內容主要係話事件會由九鐵管理層解決，唔會影響服務。

[ 本帖最後由 Transperth 於 2006-3-11 13:10 編輯 ]

按果三篇報導,
如果無田二少呢個主席, 無咁高透明度
咁呢D衰野:

「西門子事件」中九鐵與承建商簽訂15億元的27份補充協議
九鐵高層在浮薪制下獲得「超額」浮薪
裂痕事件中指未能改變九鐵的文化等

巿民咪無知情權,
令昔日退休高官俱樂部繼續坐大?

原帖由 ken603 於 2006-3-11 19:51 發表
按果三篇報導,
如果無田二少呢個主席, 無咁高透明度
咁呢D衰野:

「西門子事件」中九鐵與承建商簽訂15億元的27份補充協議
九鐵高層在浮薪制下獲得「超額」浮薪
裂痕事件中指未能改變九鐵的文化等

巿民咪 ...

佢完全冇從公司o既角度去睇一件事, 鍾意講就講。最弊佢對
鐵路運作一竅不通, 出o黎胡說八道, 多次要其他高層補鑊,
呢種算是甚麼透明度?

佢自已唔係內行本來冇問題, 但當其他高層出聲話佢有唔好o既地方,
佢總是自以為是, 不淮佢地指點佢。如果佢真係有心改革九鐵, 這是
應有o既表現嗎?

不過, 其實佢出o黎講咁多o野都係為出風頭, 要叻過佢大哥o麻。
大家有幾何見地鐵主席出o黎講o野呀?

唔知田生有如何回應這些新聞呢?
小弟覺得田生常常拿九鐵員工當戰把,
今日九鐵員工終於忍無可忍,爆發倒田的風暴!
九鐵員工如此一呼百應,
都由多得田生"關照"唔少.............

如果田生堅持透明度高是問題，那麼有事不作公報，九鐵員工難道就可以過骨？別忘記西鐵車廠撞車
事件被人在網上揭發後，搞得搞得滿城風雨！

現在市民對資訊的要求不同了，九鐵員工應該明白這個一個事實。即使換了一個選擇有事不公佈的主
席，當被揭發時，這位主席也會被公眾拉下台。

延誤八分鐘就要公佈，是對乘客公平的做法。東西鐵車程最長不過30-45分鐘，延誤8分鐘，等於車程
長了20-25%。坐鐵路，為的是穩定的行車時間，令人有預算，如果因為有事故而做不到這個「預算」
，那麼你一早向傳媒公佈，起碼要坐車的乘客可以決定是否改坐其他交通工具。反之，如果乘客要上
了車之後才知道有延誤，到時打電話上電台投訴，傳媒之後才追究責任，我不相信那些九鐵高層會有
什麼好日子過。

田北臣雖然經常被人批評，但我覺得不過是因為他說話直了一點吧了。田的商業經驗，其實幫了九鐵
北少。西鐵這個爛攤子，由設計到定線都不是田的決定，但通車後客量少，人們卻要將罪名推到他身
上。要不是他果斷推出月票、加強接駁、要求701加車改特快，西鐵又怎會客量翻一翻？

九廣鐵路公司在廿多年前起已經不再是九廣鐵路局了，九鐵高層們，用多一點商業智慧，少一點鐵路
局官僚作風吧。

原帖由 PB602 於 2006-3-11 21:07 發表
如果田生堅持透明度高是問題，那麼有事不作公報，九鐵員工難道就可以過骨？別忘記西鐵車廠撞車
事件被人在網上揭發後，搞得搞得滿城風雨！

現在市民對資訊的要求不同了，九鐵員工應該明白這個一個事實。即使換了一個選擇有事不公佈的主
席，當被揭發時，這位主席也會被公眾拉下台。

延誤八分鐘就要公佈，是對乘客公平的做法。東西鐵車程最長不過30-45分鐘，延誤8分鐘，等於車程
長了20-25%。坐鐵路，為的是穩定的行車時間，令人有預算，如果因為有事故而做不到這個「預算」
，那麼你一早向傳媒公佈，起碼要坐車的乘客可以決定是否改坐其他交通工具。反之，如果乘客要上
了車之後才知道有延誤，到時打電話上電台投訴，傳媒之後才追究責任，我不相信那些九鐵高層會有
什麼好日子過。

田北臣雖然經常被人批評，但我覺得不過是因為他說話直了一點吧了。田的商業經驗，其實幫了九鐵
北少。西鐵這個爛攤子，由設計到定線都不是田的決定，但通車後客量少，人們卻要將罪名推到他身
上。要不是他果斷推出月票、加強接駁、要求701加車改特快，西鐵又怎會客量翻一翻？

九廣鐵路公司在廿多年前起已經不再是九廣鐵路局了，九鐵高層們，用多一點商業智慧，少一點鐵路
局官僚作風吧。

冇人話透明度高有問題, 不過田先生處事手法, 不先了解內部運作, 在記者招持會公開
胡說八道, 令員工難堪, 算是甚麼透明度? 難道對內唔需要透明度?

西鐵車廠撞車事件對鐡路運作及列車班次冇影響, 根據運輸署o既指引都唔需要通報,
為何這件事件算是隱暪? 八分鐘o既準則, 係田先生自己講, 運輸署指引亦都唔係
咁緊。每當員工向運輸署通報, 運輸署又要問一大堆問題, 時間需時, 會影響到正常
工作。若要增加透明度, 首先要做唔係隨便公開責罵員工, 而係搞掂內部o既架構,
更改指引。

佢講o野直, 真係好直呀! 上次九鐵有個員工活動, 你知唔知呢位主席上台致詞講乜? 佢話自己
間公司上大陸抄襲人地o既 style!! 抄人o野都唔好咁揚呀o麻?!

[ 本帖最後由 fw1321 於 2006-3-11 22:01 編輯 ]

田少將商業營運手法落去九鐵呢間百年老店，原意係好，但陣痛未完帥先死，下面班人嘆慣o左，點會同你改..但九鐵唔可以再做政府部門，要接受現實，要變成一間私人機構

其實想知點樣指責員工，田少講得最多係管理不當..

不要說什麼運輸署指引，事實上撞車是一個嚴重的安全問題，是一個公眾關注的問題。最後
照片出了街，市民的聲音是贊同九鐵高層「依照運輸署指示，不用通報，抵讚！」還是說九
鐵職員有事收收埋？

富山殮房交錯遺體，食環處也沒有指引要公報，但為什麼高官最後也要站出來交代事件和道
歉？九鐵是一個公營機構，對市民要交代。可惜九鐵內部就是太多太多以為「跟足指引」就
天下太平的人，而忘了市民大眾──他們也是你口中那些對鐵路沒有認識的人──對公營機
構的期望遠超這些指引之上！

田北臣或許對鐵路的認識沒有黎文熹那麼多，但超碼他知道市民在知情權方面的要求是什麼
，而不是扮作老行尊，一派「我跟足指引，你唔好話我」、「鐵路o既o野，你識得幾多」的
態度。

如果事事為下屬護短就是好老闆，發生壞事不作聲就是好主席，不如找董建華做九鐵主席吧
，佢在這兩方面一定做得出色。

[ 本帖最後由 PB602 於 2006-3-11 22:17 編輯 ]

原帖由 PB602 於 2006-3-11 22:15 發表
不要說什麼運輸署指引，事實上撞車是一個嚴重的安全問題，是一個公眾關注的問題。最後
照片出了街，市民的聲音是贊同九鐵高層「依照運輸署指示，不用通報，抵讚！」還是說九
鐵職員有事收收埋？

富山殮房交錯 ...

不過一樣野，田北辰在市民心目中又係咪一個
好主席呢？西鐵、馬鐵果個咩「時值車費論」
就算唔係佢原創，做宣傳果個都係佢。單係呢
樣野已經足夠令我懷疑市民會有幾支持佢。即
係話，今次事件既主使者恐怕唔係淨係睇九鐵
內部員工既形勢去作出呢個行動。