【新聞】政府重提一地兩檢政策配合高鐵通車

原帖由 053h4 於 2013-2-19 02:02 PM 發表
中國之大, 唔係得"北上廣深港"
我敢講, 目光只係放係眼前的珠三角地區, 無論你覺得大陸好定唔好

睇野會太有局限性
諗一地兩檢, 咩地方可以有直通車等等問題都係一樣

直通車坐一日一夜客量多係因為"平"(特別係上海 ...

如果一地兩檢﹐日後有什麼地方覺的有客源﹐都可以有直通車直落香港。
對於旅客及日後發展﹐都係最好的。

如果無一地兩檢﹐便要在深圳(或其他地方)安排一個地方做出中國的入境檢查﹐再原車出發去相關目的地。 或  於目的地設置出入境檢查設置。
前者旅客及行政都很不便﹐事關旅客要搬行李上落車多一次。出入境廳及列車又要確保乘客上錯車/未上車。
後者會受到車站有沒有地方加建出入境設施﹐以及人手需求大得多。



請向前看﹐看日後發展潛力﹐應該要向一地兩檢去發展。

見有師兄用「割地出去」黎形容一地兩檢真係笑左... 醒下啦，咪咁天真！
引用中共最常用的語法... 　「香港自古以來都沒有屬於香港自己的土地。」

原帖由 williamfung804 於 2013-2-19 14:59 發表
見有師兄用「割地出去」黎形容一地兩檢真係笑左... 醒下啦，咪咁天真！
引用中共最常用的語法... 　「香港自古以來都沒有屬於香港自己的土地。」 ...

就算整個高鐵香港段範圍都要撥入大陸領土，在保安方面上確實不會引起很大問題，因為反正一般市民都唔可以在高鐵香港段的路軌上逗留，因為這樣已經觸犯了內地鐵路的相關法規。

不如擔心消防安全問題仲好過，正如我在#19所指出：

原帖由 paul2357paul 於 2013-2-19 07:43 發表


仲要整個高鐵香港段範圍都要撥入大陸領土，因此到時整個高鐵香港段的收費區範圍都唔可以整任何離開收費區範圍的緊急出口。

若高鐵列車在香港段發生事故，乘客就要長征往深圳逃生，豈不是折磨乘客？

[ 本帖最後由 paul2357paul 於 2013-2-19 17:06 編輯 ]

如果要講「自古以來」的話，「自古以來」香港屬於南越國，而中國亦無共產黨。

中國公安著制服喺香港境內執法，基本上等同宣佈所謂一國兩制滅亡。中國就係用自由行去促進「融合」，然後再透過「融合」去將中港界線模糊化。

有邊境線就一定需要出入境程序，今日既然可以用方便出入境為理由放公安去香港做邊檢，他日可以大條道理話為方便出入境不如索性連邊境線都取消。怕不受中國歡迎人物借此上大陸？無問題，直情拒絕呢班人入香港境就得。

[ 本帖最後由 PB602 於 2013-2-19 22:48 編輯 ]

咁樣講法高鐵個廠又割埋翻大陸囉，好唔好....

要割仲要起到西九龍？地底空間割俾大陸？

高鐵友親中早就知，親到割地送大陸除時仲係你樓下既地底割埋，仲要公安可以香港執法咁醒都有？

一國兩制，西部通度跟本就係回歸前香港邊界，而且有足夠的緩衝區，成個高鐵路線割出去？如何管理？如何保證安全？最重要基本法改到嗎？

簡直此想法完全觸及一個政治炸彈，仲醒過講23條立法

香港人大拿拿花600億起高鐵，起完之後發現成條鐵路沿線都要交由中國管理，呢個唔止係政治炸彈，係核彃。

一地兩點，講來講去最大優點都只係方便。但要香港人為咗方便而放棄領土主權？而且最後方便嘅究竟係「祖國同胞」定係香港人？

如果強國人覺得兩地兩檢唔方便而唔來香港嘅，咪唔好嚟囉。香港地而家已經充滿強國人，唔需要再為佢地打開更方便之門。

原帖由 paul2357paul 於 2013-2-19 17:04 發表

就算整個高鐵香港段範圍都要撥入大陸領土，在保安方面上確實不會引起很大問題，因為反正一般市民都唔可以在高鐵香港段的路軌上逗留，因為這樣已經觸犯了內地鐵路的相關法規。

不如擔心消防安全問題仲好過，正如我在#19所 ...

內地鐵路的相關法規？你真的以爲政府已經把鐵路隧道範圍劃爲内地範圍嗎？

即使要禁止乘客在路軌上逗留，只要把《香港鐵路附例》延伸至高鐵香港段適用便可以了，香港本身有完善的鐵路法律，不用把內地的鐵路法規"引進"香港。

原帖由 kei_hk 於 2013-2-19 14:19 發表

如果一地兩檢﹐日後有什麼地方覺的有客源﹐都可以有直通車直落香港。
對於旅客及日後發展﹐都係最好的。

如果無一地兩檢﹐便要在深圳(或其他地方)安排一個地方做出中國的入境檢查﹐再原車出發去相關目的地。 或  於目的地設 ...

西九龍高鐵站長途列車月台的數目有限，能夠容納的長途列車始終有一個限度。
相對於每個"以爲"有客源的城市就開往返香港班次，以"樞紐"方式處理往返香港的長途列車，
使各腹地的二三城市能夠在轉乘一次（連同内地邊境檢查）就能往返香港，對香港段高鐵就能更有效運用，亦對大多乘客有好處。

原帖由 williamfung804 於 2013-2-19 14:59 發表
見有師兄用「割地出去」黎形容一地兩檢真係笑左... 醒下啦，咪咁天真！
引用中共最常用的語法... 　「香港自古以來都沒有屬於香港自己的土地。」 ...

見到你個post真係笑左，希望你別忘記，在1949年前中共並沒有自己的土地，在1921年前中共也未存在，但在漢朝以前香港已經有居民生活。

你要當中共的走狗我沒所謂，但請不要侮辱別人。

原帖由 ATE24 於 2013-2-19 13:47 發表

宜家大家o既對手叫做狼振英，佢連新界東北都做得出手，區區一個西九一地兩檢簡直係碎料一單。

要推一地兩檢要修改香港基本法，只有香港才可以啟動修改程序，並不是你想像般的碎料。況且，689現在周圍樹敵，他爲何要再搬石頭砸自己的腳？

原帖由 053h4 於 2013-2-19 14:04 發表

深圳灣係深圳的土地, 只係交由香港作行政管理
關邊界咩事?

如同直通車未完成清關前未進入香港境內一樣
呢D問題根本就係無中生有

原帖由 kei_hk 於 2013-2-19 14:05 發表


請參考深圳灣安排

2地只需適當地修改相關法例便可﹐以現時國情﹐再加深圳灣的前例﹐根本不是太難的事。
最難之前﹐係一眾唔肯向前看的議員/市民。 ...

深圳灣的安排，建議你們先讀讀《全國人大常委會關於授權香港特別行政區對深圳灣口岸港方口岸區實施管轄的決定》、《國務院關於授權香港特別行政區實施管轄的深圳灣口岸港方口岸區範圍和土地使用期限的批覆》及《深圳灣口岸港方口岸區條例》(香港法例第591章)。


香港並不只在深圳灣口岸港方口岸區作行政管理，香港的司法管轄區、關稅區及區界係延伸了進去深圳灣口岸港方口岸區的，在"同一棟樓宇"(其實有分開)内，你其實橫跨了香港和深圳。

原帖由 053h4 於 2013-2-19 14:02 發表
中國之大, 唔係得"北上廣深港"
我敢講, 目光只係放係眼前的珠三角地區, 無論你覺得大陸好定唔好

睇野會太有局限性
諗一地兩檢, 咩地方可以有直通車等等問題都係一樣

直通車坐一日一夜客量多係因為"平"(特別係上海 ...

其實，即使有一地兩檢，也不代表香港就會得到較多的生意和遊客，香港的高昂租金和空氣質素問題，才是跨國企業考慮香港是否作爲地區總部的主因。

最後想講的是，雖然有部分版友認爲香港應該要無條件地擁抱内地，但我始終認爲，香港應該與内地保持一定的距離，以保持香港作爲特別行政區的獨特性。
至於兩地應該保持一個怎樣的距離，拿捏一個怎樣的平衡點，那是在考驗着香港和中央政府的智慧。近期的自由行如此，高鐵香港段通關問題亦然。

[ 本帖最後由 skpracta 於 2013-2-19 23:19 編輯 ]

延續我在#26的論點

．據知內地已有一些車站有預留邊檢空間。
．如用兩地兩檢，就應該大部分班次係廣深港shuttle，
　少部分往京滬或少數新增長途站點，這亦是鄭汝樺年代的預計模式。
　要前往不設邊檢設施車站的乘客，可以在深圳北或廣州南落車，過關，轉乘國內班次列車。
　買票時可以係一套票，包括廣深港車次及預buffer的接續車次，由國內返香港都係同樣做法。
　接續車次採用「當日使用一次有效，席位當次有效」模式便可解決有人過關時間太長的問題。
　係就係麻煩少少，但講真冇預留邊檢設施的二三線地方，都唔見得有足夠誘因開直達車。
．成日講可能有新站點可以開直車，但其實內地段高鐵裝唔裝到咁多班次？
　舉例，現時武廣已經平均大約十幾分鐘一班，重有冇位攝進港車？
　若到頭來都係要轉車，轉車本身都要等車，將等車的空檔改為做過關程序，不見得整體上會損失太多。
　個人經驗，回鄉證用e通道過關連埋行去部機，幾分鐘就搞掂，常客不是大問題；用櫃檯連排隊就大約半個鐘。

從鐵路及商業將來整體發展考慮，一地兩檢有好處，可以列做終極目標，可以開始討論及預留條件。
從可行性及必要性考慮，一地兩檢在高鐵開通初期並非絕對必要，若政府有心做無話做唔到，但唔做亦無傷大雅。

外國例子：由大宮搭去新橫濱，59.1km唔使過關都一定要落車上上落落轉車，話之你係老人家定拎住行李。

[ 本帖最後由 DIH 於 2013-2-19 23:59 編輯 ]

原帖由 DIH 於 2013-2-19 23:26 發表
延續我在#26的論點

．據知內地已有一些車站有預留邊檢空間。
．如用兩地兩檢，就應該大部分班次係廣深港shuttle，少部分往京滬或少數新增長途站點，這亦是鄭汝樺年代的預計模式。
　要前往不設邊檢設施車站的乘客，可以在深圳北 ...

如果中國的政治體制有所改變的話，我也有可能支持一地兩檢，甚至不用檢查。
但以現在的政治和社會現實而言，推出一地兩檢在香港是自殺式舉動。

西九龍站的設計是有餘留一地兩檢空間的。