彩雲商場店舖消息【3月19日更新#31：彩龍皇宮大酒樓休業】

繼去年25年歷史的老麥被領匯趕走後，在未有新食肆入替下，彩雲美心亦要離場。此店營業至2月18日晚上6時，即是做完下午茶就收工。

嘩！繼馬鞍山之後一連執舖，真係陸續有嚟咁喎！

[ 本帖最後由 toyl 於 2013-3-19 20:54 編輯 ]

講真美心又真係越做越雞.....

弊在美心執左後，整個彩虹範圍再無連鎖快餐店在該區服務。

原帖由 petcity 於 2013-2-18 19:36 發表
冇茶記？

難道連那兩間茶餐廳也要結業？

原帖由 KG1428 於 2013-2-18 19:17 發表
弊在美心執左後，整個彩虹範圍再無連鎖快餐店在該區服務。

請問再無連鎖快餐店在該區服務有幾弊?

[ 本帖最後由 KS 於 2013-2-18 21:48 編輯 ]

原帖由 petcity 於 2013-2-18 22:25 發表

或者對新一代黎講，冇連鎖快餐店會死
就算有靚更正既茶記(平唔敢講)都係一樣

弊在僅存的食店無間掂呢……
一間快餐店一間茶記連粉麵檔，兩間都係幾貴又唔好食，冬菇亭6檔裡面有3檔唔做晚巿，3檔只做午晚巿，又係每段時間只係有一間食得過。
仲有兩間極大的酒樓。
連鎖快餐下午茶差極都有個譜，即係想食似樣又平既唯有落坪石/牛池灣金池徑。
金池徑有好幾間茶記，坪石有大快活，匯八坊有大家樂。
麥記執咗之後要食最少要搭1個站地鐵或者3M/29M，德福/淘大/鑽石山/順利/慈雲山/新蒲崗先有，又係無得揀。

比較慘就係附近聖言/聖約瑟中學，食lunch又少個地方，剩係得酒樓可以去……
下面間小學就無咗呢個飯盒供應商！
最慘係上面彩輝/曉暉花園/竣弦果幾班人無得行落彩雲搵食，吓吓都要搭車落坪石，甚至再遠D落淘大先有啖好食……

我有一班朋友都係彩雲長大，佢哋都話呢間美心曾幾何時係全港美心快餐三大難食分店之一，可見彩雲真係無間食店做得掂！

原帖由 hkaiw 於 2013-2-18 21:28 發表

難道連那兩間茶餐廳也要結業？

雖不中亦不遠矣……
果間成發邵氏都為唔少電影在此取景，上星期六無綫播果套咪有幾幕出現過囉！
裝修咁舊，領匯會放過佢？

原帖由 KG1428 於 2013-2-18 19:17 發表
弊在美心執左後，整個彩虹範圍再無連鎖快餐店在該區服務。

原來彩雲屬彩虹範圍?
原來匯八坊(內有大家樂)唔屬彩虹範圍?