文章 - 準備2017收回九巴專營權

九巴點衰都好, 起碼買車方針穩固, volvo同Dennis係長期合作伙伴,
新車見得下人, 超碼乾淨舒服又安全,
我真係唔希望香港再有新巴士公司加入, 亦唔幻想有第2間類似城巴既公司出現

中巴失去專營權果陣尚為回歸初期, 大陸資金勢力未敢完全投向香港,
所以新世界配搭英國First Bus奪得專營權,
政府亦對巴士業採取寬鬆政策, 不干預市場發展,
新城兩間公司係激烈競爭下, 不斷開新線同提昇服務質素,
令巴士業係該段時間發光發亮

而今時今日巴士業因為政府政策而開始沒落,
發展受嚴重制肘, 前景不容樂觀
2017年"回歸"廿年, 大陸資金肯定會為涉足各行各業控制香港而競投公共交通業務,
政府亦想搵間言聽計從既新公司, 衡量利益後,
專營權好易就落入大陸資金既公司手上
新公司係大陸資金控制下, 買車方針一定偏向國內, 甚至引入外勞當司機,
唔理三七廿一就亂買D大陸車返黎, 到時各位撞口撞面都係老翻殼大陸車就眼冤

有個板係對面海俾大家睇, 唔好再以為九巴執笠就一天光晒

D人一講到九巴加價又好，脱班又好，邊到等車等十世都好
都話要將乜乜線比乜乜公司做
係咁loop,你唔悶我都悶啦
不如比你做好唔好
真係將討論區特色發楊光大

原帖由 SSBT 於 2013-2-22 00:14 發表
其實政府都唔抵幫
不斷以保鐵為由扼殺巴士既生存空間
咁巴士只會變成無利可圖

不過政府唔會貿然收返九巴既專營權啦
一陣真係無人入標,
運吉咪要上身?
運吉先無咁蠢 ...

咦？唔係仲有其他巴士公司咩？最近經常有人話將D線俾新/城巴做仲好既？

原帖由 SSBT 於 2013-2-22 00:14 發表
其實政府都唔抵幫
不斷以保鐵為由扼殺巴士既生存空間
咁巴士只會變成無利可圖

不過政府唔會貿然收返九巴既專營權啦
一陣真係無人入標,
運吉咪要上身?
運吉先無咁蠢 ...

其實巴士業真係毫無前景可言, 除左第日港珠澳大橋可能開幾條新線賺下大陸人錢外,
西港島線, 南港島線, 東鐵線過海, 有邊個計劃唔係直接斷巴士米路?
尤其東鐵線過海後, 紅隧線隻大金蛋不再, 到時想唔蝕都幾難
第日又用下環保名義限制專利巴士使用年期, 逼人駛錢換車,
如果政府繼續一邊斷人米路,
一邊唔准人係其他地區發圍, 處處施加限制,
想有人繼續投資微利, 甚至蝕本既生意都幾難

原帖由 pklaw 於 2013-2-22 00:23 發表



咦？唔係仲有其他巴士公司咩？最近經常有人話將D線俾新/城巴做仲好既？

俾新/城巴都未必肯接啦
呢個政府五時花六時變, 萬一無端端整個施政報告出黎,
專利巴士限制10年車齡, 所有巴士都要盡快更換成電芯車,
所有同港鐵重覆既路線要取消....

俾你都唔敢再增加資金去投資在一個唔安全, 唔安定, 政府唔支持既市場上

呢位作者其實有無親身坐下其他國家所謂國營交通服務....

原帖由 rickywk 於 2013-2-22 08:52 發表
呢位作者其實有無親身坐下其他國家所謂國營交通服務....

又或者有無親身坐下澳門巴士（實際上係官辦，只係判比三間巴士公司去派車經營）

倒下帶先:那些年羅范好英明神武走去同人傾中巴專營權,
結果傾唔掂數,人家又無心想做,咪囉佢專營權去俾人競投,
最終搞左個新巴出來

最初市民對新巴都有好大期望,話晒公關一流,成日搞活動,
但結果係間公司蝕足幾年錢,仲要經濟唔好年代都要加價

睇番以前bdb舊文,有網友11年前講新巴係咁:

http://www.chinamotorbus.com/bus/hkbdb/show_content.php?topic=395

後來周大福收購城巴股份,兩巴變成同一個老細搞,先至有
今時今日局面

講真九巴係咪差到要收回專營權,我諗未必,至少你仲等到架車,
架車仲見得人,路線重組係必須,始終巴士公司收入唔係靠車身,
唔係靠電視,架車貼晒廣告又如何,架車無人搭唔係入旺區個廣告
都唔會叫高價,得晒check下城巴同九巴車身廣告價,已經說明呢點

原帖由 s3n354 於 2013-2-22 00:34 發表

其實巴士業真係毫無前景可言, 除左第日港珠澳大橋可能開幾條新線賺下大陸人錢外,
西港島線, 南港島線, 東鐵線過海, 有邊個計劃唔係直接斷巴士米路?
尤其東鐵線過海後, 紅隧線隻大金蛋不再, 到時想唔蝕都幾難
第日 ...

呢個就係問題所在,
問題係鐵路通車 o既時候就要殺巴士線,
但係鐵路其實係唔係萬能 ? 答案係唔係,
始終鐵路網路係會有位差過巴士服務,
好似北區去元朗/屯門,
荃葵青去東九龍等等,
但係點解政府又要阻礙巴士公司開線呢 ?
你要減車 (藍天行動) 都已經減左唔小, 留返十架八架車比人開線都唔得 ?

根本而家政府就係,
搵錢 o既比哂港鐵,
蝕錢 o既就比哂巴士公司,
呢個行業仲有得做 ?

倒不如一次過做大港鐵佢,
港鐵食哂巴士公司, 之後坐接駁鐵路線去坐鐵路, 該程免費等等 (同一間公司先可以 offer 到咁 o既 discount 出黎),
如果一野搞到十間八間公司, 人地鬼會同你比 discount ~

所以咩收回專營權係可行, 但係要將專營權解體的話, 對唔住我唔覺得呢個方案有幾美好 ~

好老實講,如果Roadshow既廣告收益併返入九巴既收入
九巴就唔會下下都係度話蝕,更加無咩機會比佢加價