2013-14年西貢區巴士路線發展計劃

原帖由 castanopsis 於 2013-3-9 15:55 發表
將軍澳-荃灣，其實坐鐵路很辛苦，又長途又要逼車，又要轉
如果巴士不是兜來兜去的話，巴士有頗大優勢
巴士要佔優，要不是流水線（方便過地鐵），就是長途線（用公路拉開時間優勢）
將荃，完全符合後者，只要飛得夠多公路，乘客就會有‘很快’的 ...

巴士無論點都係要兜喎，入沙田就話順路觀繞駁大隧，荃灣又點?
一定要過五關斬六將

由將軍澳上龍翔道，又有幾多方法可以極速接駁?

都係要回帶啦
將南尾站上隧道，將北人唔會睬你，倒返轉，將北尾站行山或者隧道，將南人都唔會睬你

你呢個願景，應該只可以叫運輸署批空中巴士來往將荃

要怪就怪將軍澳太大，唔同地區都要爭住做尾站直出
798將北，E22A將南，A29坑口，下一條應該邊度做尾站?
E22A同A29就唔駛理，去機場巴士一程係有絕對優勢

得返798，唔好意思，佢都係選擇將北走人

又倒返轉睇，如果將南真係咁大潛力，798點解唔係將南尾站，跟E22A走線?

將南當你調景嶺上車，唔好意思，觀塘線第1個站，非繁去到油塘仲有位坐
頂多去到太子轉一次車，之後企到荃灣姐，根本不成理由

又要快，又要唔想同人迫，又要唔想轉車，村巴可以滿足你願望

假設將荃將南做尾站走人，都可能要同人迫車，特別係繁忙時間，同你迫地鐵無分別，隨時仲要將南企到荃灣，巴士仲有個風險係上唔到車
但調景嶺上地鐵，最少一半路程可以坐，剩低個一半路程只係佔成程車一半鬆d，咁都鬼晒咁嘈，唔可以怪人地唔理你喎，事實係你地堆要求真係無理

原帖由 kay 於 2013-3-9 16:17 發表

由將軍澳上龍翔道，又有幾多方法可以極速接駁?

雖然唔太支持,不過方法可以係
觀繞<>宏照道<>啓衫道

岩先atv先報完觀塘道太多巴士，希望重組路線，
相信都唔駛諗會有新巴士線行觀塘道。

唔該，啟祥道繁時隨時塞過觀塘道

唔鍾意搭296A又唔鍾意企鐵，可以搭鐵去觀塘轉新40，快過搭將荃多多聲

原帖由 pch_yeung 於 2013-3-9 18:38 發表
唔該，啟祥道繁時隨時塞過觀塘道

唔鍾意搭296A又唔鍾意企鐵，可以搭鐵去觀塘轉新40，快過搭將荃多多聲

唔該,一樣LOR,觀塘道繁時隨時塞過啟祥道
行啟祥道,可以塞少彩虹/排隊入龍翔道橋面

繁時觀塘繞道可以開開心心直落宏照道, 可以同你講聲恭喜你!

啟祥道經偉業街天橋唔會塞車, 咪講笑啦!

將荃經九龍灣只係比經觀塘道, 觀感上好少少咋!

原帖由 3AV53 於 2013-3-9 18:24 發表
岩先atv先報完觀塘道太多巴士，希望重組路線，
相信都唔駛諗會有新巴士線行觀塘道。

觀塘市中心重建戲肉都未到, 工業區轉商貿區剛o岩先起步階段,
安達臣道住宅發展如箭在弦, 啟德公屋入伙在即, 全部衝住觀塘道路交通而來.

原帖由 castanopsis 於 2013-3-9 15:55 發表
將軍澳-荃灣，其實坐鐵路很辛苦，又長途又要逼車，又要轉
如果巴士不是兜來兜去的話，巴士有頗大優勢
巴士要佔優，要不是流水線（方便過地鐵），就是長途線（用公路拉開時間優勢）
將荃，完全符合後者，只要飛得夠多公路，乘客就會有‘很快’的 ...

竟然夠膽講將軍澳-荃灣搭地鐵好辛苦, 將綫你鍾意調景嶺轉觀塘線, 坐定定去太子站轉一次車又得,
唔鍾意, 可以坐到北角轉港島綫到中環, 行過去香港站搭東涌綫到荔景站轉車亦得, 起碼你地有得坐下.

鐵路發展計劃仲有話, 將綫會直駁東涌綫, 如果成事, 將來將軍澳去荃灣只需坐去荔景站, 轉荃灣綫就搞掂.

觀塘呢, 將綫通車前還可以叫做有位坐, 依家, 有位坐係奢望, 企, 只係企少將軍澳10至15分鐘,
但計埋之後仲要企到入荃灣, 講緊係全程企, 而且方法係只此一個, 仲未同你講迫唔迫呢個問題.

又一身在福中不知福o既演繹.