2013-14年西貢區巴士路線發展計劃

原帖由 GA6072 於 2013-3-10 00:19 發表
將荃由紅小做,放坑口或者翠林,簡單直接

咪玩啦，紅小。

先唔好講小巴禁區你今生今世都唔會放寬，
坑口用小巴都還可以，山上用小巴根本就唔得，
依家爬山既小巴線，一到繁忙時間就等於無左條線一樣，永遠都唔會上到車，
12、60、106、111 全部都頂唔順，就連 17 朝早康盛都係上唔到，13 一離開康盛你都未必上到車，
60 要靠 14D、95 打救，17 要留住條 93M，106、111 日日都要用特車上翠林清客，但康盛寶達都係要等 93K 打救，
12 班客要直情要落山搭 101M。
你開條紅小有咩用？紅小要總站上滿先開車，將軍澳人口咁分散，單做坑口去荃灣都仲可以，其他地方下下坐回頭車返總站先再出發嗎？

原帖由 巴士將軍 於 2013-3-10 01:51 發表
講真，唔該你地唔好拎條新40講，新40仲未有，唔好講到佢已經通車，ok?

唉... 將南人有鐵坐仲認為好辛苦, 難為觀塘要坐去荃灣, 就要先俾番咁上下金錢先坐到,
依家觀塘有40特快(經美孚), 仲好似唔想俾人有咁, d人咩心態丫?!

地鐵座位已經俾晒你, 人地辛辛苦苦等到頸都長(可能有人等到死埋), 終於有眉目開線,
仲要講d咁o既說話.

原帖由 3ASV174 於 2013-3-10 02:03 發表
你開條紅小有咩用？紅小要總站上滿先開車，將軍澳人口咁分散，下下坐回頭車返總站先再出發嗎？

邊個話紅小要總站上滿先開車
紅小油筌線行打電話留位既制度,七個分站
由油塘至觀塘政府合署都上到車,運作極為有效率同順暢

另,小巴難上車呢PART,93A/95M就咪合併,95M好應該拉長到九龍灣企廣,馬生都無心做106

[ 本帖最後由 GA6072 於 2013-3-10 02:18 編輯 ]

原帖由 巴士將軍 於 2013-3-10 02:11 發表
點樣事在必行，定線有未?我到今時今日都仲未知道新40點行，亦見唔到有官方消息，無任何區議會宣傳，有人話經美孚，有人話直行呈翔道，全部都係靠估 ...

新40對閣下來講有冇都唔係問題, 當然可以當冇事發生啦, 但人家討論左咁耐, 全部空口講白話?!

原帖由 巴士將軍 於 2013-3-10 02:11 發表
點樣事在必行，定線有未?我到今時今日都仲未知道新40點行，亦見唔到有官方消息，無任何區議會宣傳，有人話經美孚，有人話直行呈翔道，全部都係靠估 ...

仲有工作未完成，未有確實日子改路，當然未有官方消息，
就算出左通告都可以臨時抽起押後，不過出得通告時就算抽起都只會係押後，未見過最後唔做，
正如 692 都出埋日子變兩味，只係臨出通告前港鐵爆鑊先急急延期，延咁耐可能正正就係因為將荃，借意搞掂埋兩繁。

40 一定會經美孚，
經美孚唔係因為要做美孚特快，只係因為改道後得美孚一個站可以同到 6D 做轉乘。

原帖由 GA6072 於 2013-3-10 02:09 發表


邊個話紅小要總站上滿先開車
紅小油筌線行打電話留位既制度,七個分站
由油塘至觀塘政府合署都上到車,運作極為有效率同順暢

另,小巴難上車呢PART,95M好應該拉長到九龍灣企廣,馬生都無心做106 ...

紅小即使唔駛上滿先開車，但都一樣係要有人留位留到滿先會開出去，
仲無人保證後面既站個位唔會俾人上左，而且講咩都好，紅小完全無班次可言對於唔係車海既路段根本就係垃圾服務，
而且每次搭車前都要打個電話先，再唔知等幾耐架車先黎，仲要求神拜佛個位唔好俾人坐左，然後俾 $17-$18（觀荃繁時都要收 $14）先搭到，真係搭o個個都發神經。

原帖由 3ASV174 於 2013-3-10 02:17 發表
仲有工作未完成，未有確實日子改路，當然未有官方消息，
就算出左通告都可以臨時抽起押後，不過出得通告時就算抽起都只會係押後，未見過最後唔做，
正如 692 都出埋日子變兩味，只係臨出通告前港鐵爆鑊先急急延期，延咁耐可能正正就 ...

咁又唔係完全啱哂
當年82X同85M改雙邊總站都係出哂通告
站牌亦都改好(臨時以貼紙cover住)
結果抽起之後到依家都冇再提過

不過40唔係已經講好哂數
只欠綠小搵車拉出去太子咩?

原帖由 巴士將軍 於 2013-3-10 02:28 發表
咩工作未完成，傳說話第二季開辦囉喎，仲有野未完成?想笑死人?

而且經美孚，唔好玩啦，咁就唔係觀荃特快，咁既特慢線叫我由荃灣搭去觀塘，打死都唔會試，荃灣去九龍城要去美孚轉6D，玩咩，咁樣我搭紅小啦，新40咁既走法死X緊摺X左佢啦 ...

嘩...... 你講咩呀, 唔鍾意人地有, 都唔駛咁講野o既!!!

p.s. 對直接引述粗言一事, 謹此致歉.

[ 本帖最後由 EX-TL 於 2013-3-12 07:46 編輯 ]