2013-14年西貢區巴士路線發展計劃

原帖由 FD5410 於 2013-3-14 06:53 PM 發表
其實而家 93A 同 95M 班次咁差, 如果合併可以大幅加密班次都叫 OK
當然要行返曉光街
但係而家條新 93A 繁時都要三個字一班, 又要加$1.1(分段用現金?)
又唔行曉光街, 真係好難叫人同意俾佢合併

除此之外，
新93A寶林頭車仲要比依家遲半個6點先開，
合併後既服務簡單百害而無一利，
貼錢買難受！

原帖由 FD5410 於 2013-3-14 18:53 發表
其實跟 95M 行秀茂坪道係咪真係會多客過跟 93A 行曉光街呢
真係唔係好明點解九巴選擇跟 95M 行...

九巴放眼安達臣，曉光的確好頭痕，
如今對策用轉乘，來找將軍共商人。

頹廢旺東與寶林，跋涉長途嚇死朕，
借問雙向怎實行，會否最終玩自焚？

-----------

九巴睇重95M走線, 貪做到安達臣, 回應到秀茂坪居民對區內接駁o既訴求,
秀茂坪往返旺角有多條路線, 但真正吸引到居民只有95和98C兩條將軍澳路線,
13D路程過長, 93K路線過時, 1A呢個生招牌, 九巴無可能郁佢.

曉光街已經發展/重建完成, 公共交通只會在現有資源下作調整, 從而令服務更具效益,
93A真的要撤出曉光街, 13M/23加班係必然, 否則以現有班次用轉乘優惠作補償,
確實難以服眾.

13M/23加班機會有幾高, 一切好睇安達臣, 不過13M同新線有重疊, 有競爭之下,
13M只以現有轉乘優惠路線多而取勝的機會微, 變相客量無增長, 加班機會渺茫.
至於23受惠於安達臣北加班的機會, 亦要睇下26M有無吸客本事.

新線雙向分段收費實行起來一定有困難, 如果話用八仔提供雙向分段, 落車拍卡,
繁時上落車有排搞, 如用散紙提供優惠會變得好無誠意, 咩年代呀!

93A+95M合併, 似係衝住13D+93K而來, 令往返寶林<>牛頭角車費變得合理,
同時對將來重組13D/93K有重要意義, 但係中間一段受影響乘客(尤其是曉光街)
似乎未能夠受惠於此次重組合併, 得唔到合適/合理的替代路線.

[ 本帖最後由 EX-TL 於 2013-3-15 02:07 編輯 ]

原帖由 dennislokawai 於 2013-3-15 00:00 發表

除此之外，
新93A寶林頭車仲要比依家遲半個6點先開，
合併後既服務簡單百害而無一利，
貼錢買難受！

如果唔同區議員反映,區議員跟本唔識截
淨係雙向分段運作,收費模式會否太繁雜,收費模式會否令上落客時間大幅增加
其實新93A跟足95M行,根本係同取消93A無分別
要改咪拉長95M到牛頭角,或者九龍灣,只値$4.7,拉93A去牛頭角,跟本係要屈$5.8,
93A唔入觀碼,咪去藍田地鐵

[ 本帖最後由 GA6072 於 2013-3-15 01:45 編輯 ]

原帖由 S3BL100 於 2013-3-14 23:49 發表


答案：老人家問題

咁擴建秀雅道尾醫院迴旋處, 俾巴士入囉.
外區去聯合醫院都搭晒小巴或者其他線巴士,
曉光街又有萬幾人口, 雖然只係得當中300要用93A.
如果去醫院非搭93A不可o既客都有300人,
咁兜法先係兩全其美.

原帖由 GA6072 於 2013-3-15 01:43 發表


如果唔同區議員反映,區議員跟本唔識截
淨係雙向分段運作,收費模式會否太繁雜,收費模式會否令上落客時間大幅增加
其實新93A跟足95M行,根本係同取消93A無分別
要改咪拉長95M到牛頭角,或者九龍灣,只値$4.7,拉93A去牛 ...

無計，要覆蓋 93K，所以架車要係寶林開
根本合併後加唔加價主導權就係九巴度
城巴 85 拉到寶馬山都唔加價
93A 要唔加價，佢肯就得

93A最大問題唔係收費, 而係曉光街
而所謂曉光街, 相信唔少其實係來自秀明道近中秀

其實「去曉光街既將軍澳人」真係唔多
現時多人上落主要係「去新都城既秀茂坪人」
夜晚19分鐘一班時段幾乎每班都排左30人

因此建議早上繁時過後(碼頭特班時段過後)
新93A往牛頭角入一入秀明道, 方便將軍澳>秀茂坪(包括曉麗苑)
咁樣 秀茂坪、聯合、和樂邨 都可以做晒

車程長極都係多5分鐘
講緊其實早繁過後無太多好趕時間既將軍澳人會坐93A/95M
反正以現時兩線班次, 5分鐘唔算得D乜
但就可以唔駛整埋d咩93A<>13M既無聊BBI

往寶林方向, 則建議全日入秀明道

*下一步當然就係搞13D、13M、93K, 甚至拉去坑口搞98A


PS 93M取消星期六服務, 果堆替代真係...
其實呢...現時除左坑口之外全將軍澳都有全日車上藍田山(遲下連坑口都有)
反正老友記都係兩蚊...

以我呢個康盛人,講下93A同95M,
我認同平時將軍澳人好少會係曉光街落車,正常都直接去觀塘啦,
但係聯合醫院站,反而差唔多班班95M都有人落。
講真,要合併真係多餘又擾民。
合併左改行曉光街,對去聯合醫院既戈好唔方便,小巴106又未必應付得到。
唔行曉光街,朝早曉光街班學生又無車搭,或者進一步加重98A既負擔。

最重要係....合併左之後total又係用返咁多車,為攪而攪....

要陰乾旺火寶林線就係咁,唔通將秀荃靠692嗰4架車做得住?
只不過如果要陰乾93k,有冇其他方法?

原帖由 ma212223 於 2013-3-15 11:46 AM 發表
要陰乾旺火寶林線就係咁,唔通將秀荃靠692嗰4架車做得住?
只不過如果要陰乾93k,有冇其他方法?

如果係要陰乾93K，
直接將95M延長至牛頭角，
加93A同23M/95M免費轉乘就可，
寶林人仲可以改搭港鐵/106前往九龍灣/淘大/德福一帶，
根本用不著合併兩條客源完全唔同既路線。

原帖由 ap132 於 2013-3-15 10:51 發表
以我呢個康盛人,講下93A同95M,
我認同平時將軍澳人好少會係曉光街落車,正常都直接去觀塘啦,
但係聯合醫院站,反而差唔多班班95M都有人落。
講真,要合併真係多餘又擾民。
合併左改行曉光街,對去聯合醫院既戈好唔方便, ...

我反而咁睇,
自從將軍澳線通車, 93A 同 95M 就俾九巴同運吉凌辱到不似人形
班次太差, 搞到山上班客出觀塘就算唔係轉車都焗住搭條甩班甩到傻既 98A

而家山上出九龍灣一係 93K 一係 106
兩架車都唔平, 93K 疏, 106 未必咁容易上車

93A 同 95M 合併其實理應就可以解決到部份問題
不過一係行曉光街一係行秀茂坪道+協和街
兩邊都有客, 上面有版友話入秀明道, 唔知秀茂坪人覺得點啦...

仲有我覺得 93A 同 95M 可以合併就係想集中車源, 開密d, 唔使焗搭 98A
但而家九巴繁時都開返 15 分鐘, 非繁肯定仲疏
同而家既 93A 根本無分別, 仲要食多條 95M