2013至2014年度東區巴士路線發展計劃

原帖由 tonytsang_hk 於 2013-3-9 10:22 發表


110如果轉特快，係唔係應該加車，我諗要加到繁時6-7，非繁大部分時間12分鐘一班

太古城傾向唔想咁多巴士入城, 佢地最想720繁時6-7，非繁大部分時間12分鐘一班都未做到

原帖由 tonytsang_hk 於 2013-3-9 10:22 發表
110如果轉特快，係唔係應該加車，我諗要加到繁時6-7，非繁大部分時間12分鐘一班

我不奢求加至個位數，但可以回復以前的固定 15 分鐘一班嗎？

大家傾緊118應唔應該唔落北角、提速的同時，
點解好似無咩人提出，其實102筲箕灣 - 鰂魚涌一段，比起118更有需要提速？

118提速亦只係慳返10分鐘，唔係話少，
但係柴斜/柴灣/小西灣坐擁全日唯一東廊紅隧（半）特快線，已經好幸福，
反而筲箕灣仲要日日慢碌到銅鑼灣，塞埋興發街/景隆街先過得海，
而筲箕灣 - 鰂魚涌一段其實係夠客拆線的，拆線提速幅度比118唔落北角更高，
唔去理會佢地其實對佢地唔公平。

而118本身北角客佔一定比例，小西灣/柴灣回程吸客能力亦已經好高，
唔見得會因為唔落北角而多左好多人搭，反而118唔落北角，
同時又無車取代旺角->渣華道/電氣道一段，只係靠102加班，仲要下繁打後有紅小競爭，
呢D可能負面影響巴士公司收入既野，點解巴士公司會同意兼且落到RDP，我自己覺得好奇怪。

當然巴士公司可能有另一套評估準則，但係至少九巴係一定食少左北角->柴斜/小西灣流水客。

而110如果唔係有耀東同太古城呢兩個山頭的話，想進一步重組其實易好多，
但係亦唔係無空間執。

我做人夠狠，110其實完全可以放棄尖咀，改去旺角，
咁102/110/112/118東區<->西九的組合，即刻多左12架車可以玩。

想執靚呢組線，標準做法一定係112縮去天后，102拆102X，來回健康村上落橋；
102縮去北角，用112舊總站。

但係102拆102X出來一定會用多左車，而家佢地既然想用110代118東行北角段，
倒不如做得徹底少少，110改去旺角，
南行跟102/112入紅隧，之後跟118落北角，再跟RDP民康街上東廊返筲箕灣。

110加大約4架車可以做到10分鐘一班，112就因應縮短減約4架車。

而北行其實清風街上橋未必慢過糖水道好多，反正快唔係快在英皇道少幾個站
而係快在唔使入興發街/景隆街，行清風街可以令北角 -- 炮台山一段維持返合理服務水平。
九龍段因為quota，行法可能要改一改，心目中係
紅隧->公主道->衞理道->染布房街->聯運街->洗衣街->太子道西->通菜街->太子鐵路站（總站）
（諗過轉出亞皆老街擺維港灣，但係亞皆老街太塞，來回都行多左路）

到時118就可以撤離北角，踢上東廊，減大約5架車俾102拆線。

呢種執法我覺得比起RDP個建議較為合理，不過110收車早，夜晚八點後彌敦道半特快返北角的問題都仲有待解決。

原帖由 FBI2 於 2013-3-9 08:32 發表

至於118的問題,我建議102分拆為102和102A,兩條都是全日線,來往美孚和筲箕灣,分別在於102A往東區方向改經歌頓道,電氣道,渣華道,102A往美孚方向改經糖水道,
東區走廊,不落銅鑼灣.如果102可以這樣拆,110就不用改線了.

1. 不如你自己諗下，只係用102的資源分拆，夠唔夠咁玩？

2. 使唔使兩條都去筲箕灣浪費資源？

傳說中的8x/19同18系重組不見影，是否宣布失敗？

原帖由 petcity 於 2013-3-8 17:35 發表

110改循環又如何，曾經聽人講過，905有人想改做中環←→美孚大循環添

原帖由 kay 於 2013-3-9 08:49 發表
今年唔搞914，少少出奇
感覺上筲箕灣以東一帶服務有提升，但其他地區就無呢個待遇，某D地區服務倒退

我自己都覺得少少出奇，話時話，
905個重組上唔到RDP，到底係對家唔肯做，定係運吉唔批？我好有興趣想知。
（如有不便，可PM告知）

不過今年總算見到佢地大手執聯營過海線，總算叫做有少少驚喜。

原帖由 zto305 於 2013-3-9 11:58 發表
傳說中的8x/19同18系重組不見影，是否宣布失敗？

還是在東區討論 RDP 前已會實行呢？

110應該入內街，另外118拆綫
之後柴灣人/小西灣人應該已經腳投快車，咁就慢慢cut慢車班次去110/102/118，之後cut吓車又拖吓卡，應該可以令客源流向110/102，咁應該有望全面118改快

依家106由小西灣碌到去銅鑼灣，不如早日分拆。

106P 全日，做小西灣—柴灣—筲箕灣—西灣河上橋往來九龍。
106 由小西灣縮短至筲箕灣，經耀東，西灣河落山後返回原線往來九龍，太古城直接放棄。
106A 不變。
好處：西灣河打後乘客車程縮短，有快車往來隧道口。

118 暫時不改，但延長118P雙向服務時間。
110 改為海澤街至紅隧口循環線，海澤街經清風街天橋、停銅鑼灣往海隧。回程行118路線，經渣華道直駛總站。晚上八時後其實112/116往港島方向乘客唔多，可以由這兩線抽車支援 110 做隧道口特車穩定晚上往北角班次。

長遠 118 不經北角。抽車予102拆102A，經渣華道往筲箕灣。