第二階段優化土地供應策略開始

原帖由 epsilon 於 2013-3-28 16:57 發表
回樓上有板友話唔需要區區有高球場，實際上市區仲有幾多高球場剩？
例如佐敦已變高鐵站地盤，又例如長沙灣高球場所在地已被改劃為住宅用地，即將起樓。

再講下市區入面嘅會所、軍營等大眾覺得同自己無關嘅設施，係咪可以踢走 ...

問題你選既地方第幾個有吸引力，首選市區次選新界，政府的所謂盡力就係得咁多.....
填海真係易，十分易，但選址一睇就知唔係住既多，那怕你起公屋都只會曬太陽多過入去住，搞多個東涌就無謂......

你觀點亦有個問題，你認為起左就有人入去住？yes！當然有，但入左去出唔翻黎，這就是社會問題

不見得除左得個起字外，CY等有咩整體D既想法，講真，市區狂起最多overloading，你山卡啦咁起可以叫放逐....以前天水圍、東涌都係一個板

請真，對政府無信心就係咁，CY亦無直正對最要問題承認一下，就係香港人太多....有無諗過控制？我相信你唔會搵到一個官方想法

[ 本帖最後由 DGCNYO 於 2013-3-28 23:15 編輯 ]

原帖由 3ASV196 於 2013-3-28 01:09 發表


咁我又想反問一下, 由中長期去睇, 香港有咩"工業等等"既需求呢?

閣下指"果一邊既需求"又包括d咩呢?

我都好想知有咩工業香港仲可以發展bor.....即都要具體d講講

平衡發展唔係唔好, 但最重點係真係有無相關需求. ...

高端科技既發展產生出來既需求不容忽視
現有既舊式工業大廈規格上基本上一定要重建先可以做得到
但現時好多既舊式工業大廈都係貼近住屋地區
既然又想要搵地起住宅
將lee一D需求搬完少少都好正常

活化工廈既主因係的確同工業式微有關
但同時另一要點係lee D舊式工廈坐落既地方係市區/近住宅
與期座野既使用率偏低
咁倒不如做另一樣咁解
但並唔代表香港對工廈既需求=0
最後始終都要搵個位安置返佢地

貨櫃碼頭方面政府講到明要重新搞起物流
雖則係唔係真係有用係一個未知之數
但有樣野好既係起碼政府唔係只係講我要做而冇落手做

當座樓越舊
自然收樓就其實越來越易
總有一日批樓都要重建
現時舊區入面既樓都已經四五十年
重建既條件已經係到
係差在政府點去做

當然,多管整下係好事

原帖由 DGCNYO 於 2013-3-28 23:11 發表

問題你選既地方第幾個有吸引力，首選市區次選新界，政府的所謂盡力就係得咁多.....
填海真係易，十分易，但選址一睇就知唔係住既多，那怕你起公屋都只會曬太陽多過入去住，搞多個東涌就無謂......

你觀點亦有個問題，你認為起左 ...

我好似從來都冇講過填海區係用來起住宅？即使政府亦冇話所以填海區係用來起樓住人？難怪社會上根本唔識聚焦討論，咁簡單嘅訊息都可以理解錯誤。
就同你討論可唔可以搵到位置具吸引力嘅地點填海用來起樓吖，維港範圍唔洗諗，天然海岸線唔郁得，航道唔填得，

水流過急水深過深嘅海域要剔除，

捕漁養魚、海豚集中生活、海洋生態豐富或獨特嘅水域要避，可填面積太細的話又唔夠成本效益，仲要唔影響已建／在建／已落實沿岸設施運作，
同埋要就近生產適合填海石料／填料嘅礦場／建築地盤，甚至如果填海造地會同鄰接陸地（主要係保育地帶）嘅景觀特色不協調都有可能被否決添，

咁請問你有冇比政府提出嘅五個近岸填海選址以外，更接近市區更方便嘅地點呢？

馬料水已經係最有機會起到樓嘅一個選址，

但過唔過到中文大學呢關都係未知之數。欣澳因飛機航道噪音所限，應該冇可能建住宅

。

小蠔灣就冇咁大噪音，如果物流園改去其他填海區甚至唔起，就有可能起樓嘅，但已經係你口中唔吸引人住入去嘅地方啦。

至於青衣南，更加唔好期望可以用來起樓，附近嘅一大堆油庫、船塢、物流設施、化學廢物處理設施，搬唔走就等如另一個龍鼓灘，

搬得走都一定係為咗起十號貨櫃碼頭架啦。

[ 本帖最後由 epsilon 於 2013-3-31 03:31 編輯 ]

原帖由 Snoopy@FB8617 於 2013-3-30 12:10 發表
高端科技既發展產生出來既需求不容忽視
現有既舊式工業大廈規格上基本上一定要重建先可以做得到
但現時好多既舊式工業大廈都係貼近住屋地區
既然又想要搵地起住宅
將lee一D需求搬完少少都好正常

活化工廈既主因係的 ...

其實我希望閣下是講得出具體D, 有咩叫"高端科技既發展產生", 咩類型工業係有需求..
即有咩呢, 如電腦科技? 定醫療科技呢?

直D講, 呢D字, 呢D名, 講出黎好易, 亦好好聽, 但實際有咩發展需求, 我就真係好少見...

香港政府唔係未做過, 數碼港, 科學園, 開頭都話係高端科技既發展, 但到今日, 有無
需求, 大家有眼睇....都成10年....

而其實係東北發展, 本身坪輋／打鼓嶺都已經打算發展特殊工業, 科技研究, 創意工業,
都已經有重疊....我唔係話唔發展, 而是問題係有無咁多需求到, 要咁多地發展....
需要唔係只講, 而是要仔細睇包括左咩野, 那樣野點解有需要, 需求來自咩....

而講返香港工業, 其實係各工業區, 政府已經保障左某幾類工業用途的用地, 因為工業區
對於不同工業用途有更多限制....如近年都興的data centre 有d都係將軍澳.....

市區工業大廈, 當然, 轉用途其中一因素是市場租金上轉變, 商用租金上升有關...

至於物流, 正如你講, 是政府講到明要重新搞起物流, 但我想提出問題正正是政府好多時
同市場脫節, 最少我睇唔到香港將來有咩因素係可以令到物流大增, 尤其貨櫃物流需求
係大增bor..當大陸都已經唔駛靠我地香港做轉口....大陸自己都越來越多物流...我地物流
來源係邊度可以增加呢.....(我自己睇將來人流比物流重要)

最近貨櫃碼頭工潮, 可以預期碼頭工人人工會增加, 咁香港貨櫃碼頭成本同收費都會上升,
競爭力可能會下降tim

至於重建, 其實d樓舊左, 唔代表重建易左, 單是近年保育聲音大增, 社區關係聲音越來越大..
已經越來越大阻力......唔少樓亦用翻新, 覆修, 而不重建, 而重建唔單止指市建局, 亦會指
私人重建.....但近年城市規劃越來越緊, 大大限制各區高度及地積比率. 發展商難於重建
時大幅加大高度及地積比率, 其實減少緊重建意欲....因為難做又無肉食, 另外, d樓越來越
舊, 越來越多業主可能失蹤/過身, 令到業權問題增加收樓難度....

[ 本帖最後由 3ASV196 於 2013-3-31 10:14 編輯 ]