巴士公司要求摺BB車才可上巴士可能觸犯法例?!

既然「平機會認同巴士公司有責任保障乘客安全，亦同意在巴士上應摺合起嬰兒車」，咁點解仲要求巴士車長容許乘客違反守則？

當乘客安全同間接歧視有衝突時，要犧牲嘅竟然係乘客安全？平機會係咪願意承擔引伸出來嘅一切責任？如果「任何人若在提供服務時施加條件」就係歧視，咁商場禁止男性入女廁都算係歧視，按平機會立場，應該犧牲女性安全，容許男性自由出入女廁。

平機會不但拍攝節目醜化巴士車長，被批評時更歪理連篇，理應向所有巴士車長道歉認錯，並對有關行為深切反省。

[ 本帖最後由 PB602 於 2013-3-28 23:00 編輯 ]

平機會的回覆速度都幾快

內文如下:

敬啟者 :

謝謝   閣下對平機會與香港電台聯合製作的教育性電視劇集「非常平等任務」，於2013年3月26日播出「嬰兒止步」一集提出意見。

本集內容基於真實個案改編。平機會絕對認同巴士公司有責任保障所有乘客的安全，亦同意在巴士上應摺合起嬰兒車是合理的規定。但當有乘客獨自帶著嬰兒，難以單手摺合嬰兒車，車長(作為服務提供者)應予以體諒並提供協助。若車長坐視不理，便有違公共服務應有的友善及助人為本的價值。本會期望劇集能帶出人與人之間應互相尊重及體諒的訊息。

另一方面，｢家庭崗位歧視條例｣亦訂明任何人若在提供貨品、設施或服務時，施加一些條件要求，而有家庭崗位的人士比較難符合這些條件要求，便可能構成間接歧視。「家庭崗位」是指照顧有血緣、婚姻、領養及姻親關係的直系家庭成員的責任。於劇集中，巴士車長要求單獨抱著嬰兒的爸爸收摺好嬰兒車才肯開車，這要求對獨自照顧兒子的爸爸構成困難，如果車長可協助乘客符合公司規定而卻又拒絕提供協助，便有可能造成間接歧視。

本會感謝   閣下所提意見，並作為日後製作同類節目時的參考。

強國人民有福啦！按平機會講法，如果一位強國爸爸獨自帶個細路上巴士，即使個細路喺車入面痾尿痾去隔離位乘客度，服務提供者（車長）亦唔可以根據乘客守則趕佢地落車，仲可能要幫手抹乾淨添！

原帖由 petcity 於 2013-3-29 11:00 發表

抽水唔該行遠D喇

而家世界就係太多你呢D人，至有平機會呢D講D唔講D
導致咁多誤會，造成不和諧情況出現

強國爸爸獨自帶細路上車，的確係難以控制細路大小二便喎。如果巴士車長執行乘客須知要求乘客「請保持車廂清潔」，根據平機會講法，就係｢若在提供貨品、設施或服務時，施加一些條件要求，而有家庭崗位的人士比較難符合這些條件要求，便可能構成間接歧視」。

原帖由 kiwai 於 2013-3-29 08:18 發表
平機會的回覆速度都幾快

內文如下:

敬啟者 :

謝謝   閣下對平機會與香港電台聯合製作的教育性電視劇集「非常平等任務」，於2013年3月26日播出「嬰兒止步」一集提出意見。

本集內容基於真實個案改編。平機會絕對 ...

copy and paste 駛幾耐
全部投訴嘅人類都係收呢個回覆

講佐咁耐應唔應該摺埋BB車搭巴士，其實好難一概而論。

有一點無人提及過0既，對於大部分最需要坐BB車，可能連坐都未穩的嬰幼兒，BB車好多時唔只BB同架車咁少野，仲有奶粉尿片等等等等一袋二裝BB必需品。
如果搭巴士要摺埋架BB車，無論係預先摺埋先上車，定係上到車先摺，唔好話一個無乜可能應付得黎，就算兩個成人都唔易應付。安全程度自然大打折扣。


可能你會問，出街無人迫你用BB車架喎，唔用車仔用孭帶咪得囉。
可以講句唔係個個人都應付到，尤其是剛生產完媽媽唔多唔少都會有D毛病，推車仔可能係較合適的選擇。

到大個D行得走得，硬淨D，又唔需要咁多BB野。收埋架車相對黎講係較容易應付。抱住坐對小童同照顧者的風險相對小得多。




至於BB搭巴士坐住架BB車定抱住安全D？

據香港法例，兩歲以下的小童必需用適合佢地用的安全帶。
直接用大部分原裝汽車的安全帶，嚴格黎講係唔合法。
成人配戴安全帶抱住BB搭車，都係犯法。當然警察見到最多勸諭下就算。

而家所有BB車都有安全帶同迫力，硬淨程度同輪椅無異。
輪椅用得多用途空間，唔見得BB車0係安全同佔用空間程度會有大問題。
更何況好多時同行的照顧者一定緊張過巴士公司。
BB究竟坐住BB車安全D定成人抱住較理想，相信唔需要多講吧？

[ 本帖最後由 s3n370 於 2013-3-29 23:27 編輯 ]

原帖由 s3n370 於 2013-3-29 23:25 發表
講佐咁耐應唔應該摺埋BB車搭巴士，其實好難一概而論。

有一點無人提及過0既，對於大部分最需要坐BB車，可能連坐都未穩的嬰幼兒，BB車好多時唔只BB同架車咁少野，仲有奶粉尿片等等等等一袋二裝BB必需品。
如果搭巴士要摺埋架BB ...

中肯

不過要巴士公司/司機/小朋友父母 明白有難度

尤其係某D 父母, 為左自己有得坐, SET BB 車係水塘位(白龍)/ 樓梯邊, 對其他乘客做成不便, 司機出口又比人鬧