中環新海濱，中國軍專享，市民止步。

如果我而家整個網站，放份計劃書話建議閣下家中洗手間開放俾中國「解放軍」做軍用公廁，咨詢期內無人知道有咨詢所以亦無人反對，過後中國軍人陸續登門造訪，話上手業主已經承諾將廁所開放，「公開咨詢」又無人反對，所以麻煩閣下讓一讓路... 咁... 你會點諗？

原帖由 PB602 於 2013/4/16 16:33 發表
如果我而家整個網站，放份計劃書話建議閣下家中洗手間開放俾中國「解放軍」做軍用公廁，咨詢期內無人知道有咨詢所以亦無人反對，過後中國軍人陸續登門造訪，話上手業主已經承諾將廁所開放，「公開咨詢」又無人反對，所以麻煩閣下 ...

請問你家個網站係咩嘢網址? 係咪叫 *.gov.hk ? 你家個網站做諮詢會唔會有傳媒報導 ? 你要改我家的廁所, 你有冇把計劃的詳情放到我家以及其他地方公開展覽 ? 中環新海濱的公眾參與有把計劃展板至少放在中環天星碼頭以及其他公眾地方展覽噃。

其他人有冇義務去你家的網站參觀 ? 身為香港人又話要關心香港事但又得把口又唔留意政府的諮詢, 唔留意傳媒報導, 一啲付出都冇然後忽然彈出來怪人家沒有話你知又係唔係合理? 自己唔負自己的責任然後去怪人就係啱 ?

你的比喻都九唔搭八, 你不如直接建議一下政府要點樣諮詢你你至滿意 ?

[ 本帖最後由 syp 於 2013-4-16 17:09 編輯 ]

原帖由 PB602 於 2013/4/16 16:24 發表
十九幾年前英國人同中國人私相授受，有無咨詢過香港人？而家走出嚟要將香港人嘅海濱交俾中國軍，香港人根本無同意過，點解要香港人履行承諾？你要找數唔該搵英國佬。

仲有，如果英國佔領軍霸住中環塊地做軍營，就代表中國軍隊可以 ...

我並唔反對任何人反對在那裡設一個軍事碼頭, 所以你上面的說話我沒有意見。

我反對的是有些人不公平和歪曲事實地反對, 例如說政府無諮詢, 黑箱作業, 陰濕, 或者說忽然在今次修訂中才出現軍事碼頭, 都不是事實。事實是軍事碼頭 1994 年已決定要有, 多年來這也是公開的, 有諮詢的, 有公眾參與的。另有個說法話拆皇后碼頭為建軍事碼頭亦都唔合理, 就算唔拆皇后碼頭唔填海, 軍事碼頭一樣要起, 亦一樣可以起。

原帖由 syp 於 2013-4-16 17:02 發表


我並唔反對任何人反對在那裡設一個軍事碼頭, 所以你上面的說話我沒有意見。

我反對的是有些人不公平和歪曲事實地反對, 例如說政府無諮詢, 黑箱作業, 陰濕, 或者說忽然在今次修訂中才出現軍事碼頭, 都不是事實。事 ...

冇錯，政府的確係有就中環新海濱發展計劃擺展板、有開公眾論壇，但始終呢次城規會改劃關乎廣大市民利益，政府又有冇大肆向市民講述有咁樣既用途改變申請？對比起優化土地供應既公眾諮詢，政府自己都大賣廣告，今次呢個用途改變既諮詢，市民完全係under-notified。

政府如果要在掩飾陰謀既時候同時maintain程序公義，冷待佢已經能夠達到其目的，君不知當日菜園村既村民要去到過晒環評等等既stage先知道起高鐵要拆村？新界東北坪輋新發展區既非原居民要在鄉事會既慶祝發展盆菜宴先知自己家園會被毀？

原帖由 syp 於 2013-4-16 09:23 發表


更神奇嘅係「黎票野」係 1994 年嘅決定嚟o架喎, 中英政府十九幾年前已經協議中環海濱會有 150 米的軍事碼頭, 多年來的填海事件, 後來規劃新海濱都有向外公布, 亦有不少公眾參與和諮詢, 而今次規劃修改嘅諮詢衰衰地 ...

如果我睇城規會既計劃，我真係睇唔到無啦啦會起咁既野

就當我無知囉好未....哇十幾年前都講要23條啦，你試下唔問無啦啦又沖上立法會
政府當然可以一切都玩低調....我地實玩唔過

咩叫1995年就要，咁今日就要一定過？

[ 本帖最後由 DGCNYO 於 2013-4-16 18:51 編輯 ]

原帖由 Wright---AVW16 於 2013/4/16 18:27 發表

冇錯，政府的確係有就中環新海濱發展計劃擺展板、有開公眾論壇，但始終呢次城規會改劃關乎廣大市民利益，政府又有冇大肆向市民講述有咁樣既用途改變申請？對比起優化土地供應既公眾諮詢，政府自己都大賣廣告，今次呢個用途改變既諮詢，市民完全係under-notified。

政府如果要在掩飾陰謀既時候同時maintain程序公義，冷待佢已經能夠達到其目的，君不知當日菜園村既村民要去到過晒環評等等既stage先知道起高鐵要拆村？新界東北坪輋新發展區既非原居民要在鄉事會既慶祝發展盆菜宴先知自己家園會被毀？

今次只不過係城規技術修改, 只係反映一向以來既定的決定, 同之前你所說的「... 擺展板、有開公眾論壇 ...」等等所述的沒有實際分別 (都係話該處會建軍事碼頭)。「關乎廣大市民利益」的 triggering event 在 1994 年, 也在前幾年公眾參與諮詢過, 「關乎廣大市民利益」的 triggering event 不是在今次的技術性修訂。

[ 本帖最後由 syp 於 2013-4-16 19:14 編輯 ]

原帖由 DGCNYO 於 2013/4/16 18:49 發表
如果我睇城規會既計劃，我真係睇唔到無啦啦會起咁既野

你想講乜嘢「城規會既計劃」? 你喺邊度睇 ? 明明個修訂就係講「軍事碼頭」, 咁你又唔知佢起軍事碼頭 ??

就當我無知囉好未....哇十幾年前都講要23條啦，你試下唔問無啦啦又沖上立法會
政府當然可以一切都玩低調....我地實玩唔過

幾年前大鑼大鼓公眾參與都叫玩低調, 你認自己無知就算啦唔好賴人喇。

幾年前至公眾諮詢過, 過得嗰幾年時間之後又要重新諮詢嗎 ? 咁個海填到一半又重新諮詢嗎 ? 咁呢個世界所有事都唔駛做啦, 淨係諮詢飽佢啦。

咩叫1995年就要，咁今日就要一定過？

乜嘢 1995 年 ?

[ 本帖最後由 syp 於 2013-4-17 11:29 編輯 ]

原帖由 syp 於 2013-4-16 14:49 發表


http://www.pland.gov.hk/pland_en ... /chi_v1/pep_chi.htm

中環新海濱做過的公眾參與都好多下o架喇喎, 你有心嘅無理由唔知裡面提及軍事碼頭o架喎, 如果你十九幾年來都冇心理會, 最後一刻俾啲政棍走出來抽下水先 ...

問題係點解到今時今日先有香港人知道有呢件事先,
之前未報出黎你試下問下有幾多個香港人知道中環無啦啦會有一個軍用碼頭 ~

當然你可以幘去市民個度話佢地事不關心,
但係港府如果係知道呢件事事關重大的話, 點解佢當初唔 focus 或者對外公佈話我地個中環海濱會起軍用碼頭,
諮詢完個結果原來大部份香港人又係乜都唔知, 我想問下佢諮詢個原意係乜野囉 ~

原帖由 syp 於 2013-4-16 19:08 發表


你想講乜嘢「城規會既計劃」? 你喺邊度睇 ? 明明個修訂就係講「軍事碼頭」, 咁你又唔知佢起軍事碼頭 ??



幾年前大鑼大鼓公眾參與都叫玩低調, 你認自己無知就算啦唔好賴人喇。

幾年前至公眾諮詢過, 過得嗰幾年時 ...

講得白 D 閣下真係好適合加入政府,
呢個就正正係現時政府所出現 o既問題,
乜都跟哂指示去做, 一點都唔人性化 ~

即係話我做就做左, 你睇到就睇, 知就知, 唔知就唔知,
總之到個日我就諮詢完, 你唔知就唔好怪我咁囉 ~

香港政府民望低又冇效率, 正正就係因為太過官僚 ~

原帖由 AVD1 於 2013/4/17 14:30 發表
問題係點解到今時今日先有香港人知道有呢件事先,
之前未報出黎你試下問下有幾多個香港人知道中環無啦啦會有一個軍用碼頭 ~

當然你可以幘去市民個度話佢地事不關心,
但係港府如果係知道呢件事事關重大的話, 點解佢當初唔 focus 或者對外公佈話我地個中環海濱會起軍用碼頭,
諮詢完個結果原來大部份香港人又係乜都唔知, 我想問下佢諮詢個原意係乜野囉 ~

一件 1994 年已公布的事, 過去幾年又做咗諮詢, 人們唔記得又有幾奇? 19 幾年前的事你記得晒? 幾年前的事你都未必記得晒喇下話? 但人們忘記了就當政府無講過 ? 人民唔需要負人民自己的責任? 咁駛唔駛年年提住日日提住? 隔一年諮詢一次? 而家俾公民黨挖了出來, 講兩講, 稍為多咗啲人知件事, 多咗幾多人關心先? 過一排咪又一樣唔記得晒啦, 咁點算, 又諮詢過? 又當件事冇發生過? 立法會選舉算夠舖天蓋地宣傳啦, 幾多人做了選民? 幾多人投了票? 你要「大部份」香港人都知的事, 你的宣傳要勁過立法會選舉喎, 周圍電橙柱掛晒 banner 啦好冇? 一日咁多計劃咁多嘢諮詢, 我驚電燈柱唔夠位掛喎。「大部份」香港人對呢啲事莫不關心就真。

[ 本帖最後由 syp 於 2013-4-17 15:31 編輯 ]