hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (A) Life 生活討論區 香港地方討論 (A10) 中環新海濱,中國軍專享,市民止步。
開啟左側

中環新海濱,中國軍專享,市民止步。

[複製鏈接]
syp 發表於 2013-4-17 14:49 | 顯示全部樓層

                                    Advertisement



原帖由 AVD1 於 2013/4/17 14:34 發表
講得白 D 閣下真係好適合加入政府,
呢個就正正係現時政府所出現 o既問題,
乜都跟哂指示去做, 一點都唔人性化 ~

即係話我做就做左, 你睇到就睇, 知就知, 唔知就唔知,
總之到個日我就諮詢完, 你唔知就唔好怪我咁囉 ~

香港政府民望低又冇效率, 正正就係因為太過官僚 ~


我有講過「跟指示做就可以」嘛? 如果「跟指示做就可以」, 幾年前的公眾參與都唔駛做啦, 公眾參與好似唔係法定程序喎, 同埋政府要跟足中英協定整個軍事碼頭, 佢何不索性 24 小時封咗佢列做軍事禁區而唔駛去尋求解放軍通融可以響佢唔用時開俾公眾用?

你不如唔好一味批評, 講清楚啲你究竟認為政府點做你先滿意先叫「人性化」啦。

佢嘅諮詢已經唔係講緊以前嗰種喺報紙唔起眼嘅地方賣下文字廣告, 在現場貼張唔起眼的告示, 或者只在自己政府網頁唔知邊度貼堆法律文字寫成的通告咁喇噃, 呢啲咁 hea 嘅我都鬧爆佢啦, 佢係網站公布過, 新聞賣過, 巡迴展覽做過, 公眾參與 (論壇、工作坊嗰啲) 搞過, 電話調查做過, 模型展覽過, 幾多人依然莫不關心先? 幾多人見展板都掂行掂過先? 就算係你, 直至呢一刻為止你有冇真正去了解過佢當時公眾參與做過乜先? 我之前的文有啲 links 你有冇嘗試 click 過入去睇先? 做人真係公道啲好。我亦唔係話佢個諮詢係完美, 凡事總有改善空間, 但其實都唔錯啦, 比起高鐵呀港鐵呀咩咩鐵路研究嗰啲好啦, 規劃署呀發展局呀嘅諮詢其實係唔錯個噃, 民政事務處呀路政署呀或者關於政制嘅都 ok, 有啲會將啲人的啲意見完完整整公布晒出來嘅都唔錯, 不過關於鐵路嘅就好似差啲喇。

如果呢啲唔夠「人性化」咁點先係「人性化」呢? 不如年年月月日日賣電視廣告或者專人逐家逐戶拍門打電話提住: 中環有個軍事碼頭呀喂咁囉好冇。

[ 本帖最後由 syp 於 2013-4-17 15:43 編輯 ]
下一站係西營盤
AVD1 發表於 2013-4-17 16:02 | 顯示全部樓層
原帖由 syp 於 2013-4-17 14:49 發表


我有講過「跟指示做就可以」嘛? 如果「跟指示做就可以」, 幾年前的公眾參與都唔駛做啦, 公眾參與好似唔係法定程序喎, 同埋政府要跟足中英協定整個軍事碼頭, 佢何不索性 24 小時封咗佢列做軍事禁區而唔駛去尋求解放 ...

不如我又問返你一個問題

點解香港人大多數都知道西九會有一個西九文化區, 同時都有唔小人知道政府要發展啟德, 會有一個郵輪碼頭,
而就係唔知道中環會起一個軍用碼頭 ? ~  

小弟不才, 煩請 閣下賜教 ~
LJ7006 = MF5119 = AVD1
syp 發表於 2013-4-17 16:23 | 顯示全部樓層
原帖由 AVD1 於 2013/4/17 16:02 發表
不如我又問返你一個問題

點解香港人大多數都知道西九會有一個西九文化區, 同時都有唔小人知道政府要發展啟德, 會有一個郵輪碼頭,
而就係唔知道中環會起一個軍用碼頭 ? ~  

小弟不才, 煩請 閣下賜教 ~


凡事作比較就應該 apple to apple, orange to orange 嘅, 唔係又鬧出一些什麼軍人佔了某家廁所的笑話咯。

和「西九文化區」和「啟德」可比較同級數的項目叫「中環灣仔填海計劃」, 咁你認為香港有多少人知道「中環灣仔填海計劃」? 會不會比「西九文化區」和「啟德」少很多 ?

至於「郵輪碼頭」呢, 想在「中環灣仔填海計劃」裡找到同等級的就難啲, 「郵輪碼頭」係一個口岸, 同港澳碼頭呀, 飛機場呀同等級。不過夾硬比較, 「天星碼頭」呀「灣仔碼頭」呀都有啲近似。軍事碼頭呢就長 150 米, 有 4 間一層嘅屋仔, 同埋屋仔上一條似係裝飾用的爛鬼橫樑, 其餘都係空地。咁「郵輪碼頭」規模又係點呢, 你用得佢做例子, 你梗係好清楚喇, 到你話返俾我知喇噃。

至於要和軍事碼頭同等級的其他建設, 我又真係唔係幾想得到, 你不如再舉個好啲嘅例子啦。啟德發展區好似新建有一個消防碼頭的, 不過消防碼頭我估 24 小時唔入得呀, 但據講軍事碼頭大部份時間公眾都用得呢, 不如你話可唔可以用來比較呢。

嗱我都叫回應咗你呀, 我估你唔滿意架喇, 唔滿意可以再問呀。不過我都希望你講下, 點樣嘅諮詢先叫「人性化」, 可以令「大部份」香港人知道, 同埋十九年後都會記得囉。我都提議過逐家逐戶拍門呀, 逐個電話打呀, 掛燈柱 banner 呀咁, 你又有咩提議呢。
下一站係西營盤
AVD1 發表於 2013-4-17 16:37 | 顯示全部樓層

                                    Advertisement



原帖由 syp 於 2013-4-17 16:23 發表


凡事作比較就應該 apple to apple, orange to orange 嘅, 唔係又鬧出一些什麼軍人佔了某家廁所的笑話咯。

和「西九文化區」和「啟德」可比較同級數的項目叫「中環灣仔填海計劃」, 咁你認為香港有多少人知道「中環 ...

我又真係唔係好滿意你個答案,
你話要竹門對竹門, 木門對木門丫嗎,
再比例子你, 啟德公園, 啟德體育城,
呢 D 例子比起中環有個軍用碼頭相信都會叫多 D 香港人知 ~

我人性化意思係, 唔係話一味掉個所謂諮詢出黎, 整幾個網頁出黎就話做左野,
一個政府如果係有遠見, 知道無啦啦起個軍用設施起市中心會係對於香港市民黎講一個 "重大影響" (而家佢話有需要時要封左佢),
有咩理由佢唔重點提及下 ?

呢 D 同銀行當年賣雷曼迷債 o既時候同你講對你有咩好處時, 同時比份野你自己睇, 原來就係魔鬼在細節有咩分別 ?
LJ7006 = MF5119 = AVD1
syp 發表於 2013-4-17 17:16 | 顯示全部樓層
原帖由 AVD1 於 2013/4/17 16:37 發表
我又真係唔係好滿意你個答案,
你話要竹門對竹門, 木門對木門丫嗎,
再比例子你, 啟德公園, 啟德體育城,
呢 D 例子比起中環有個軍用碼頭相信都會叫多 D 香港人知 ~


呢兩個例子同樣唔對等, 請你比較一下佢哋嘅背景、成本、規模、用途、性質等等, 唔該。例如啟德體育城用過來申辦亞運, 又曾經話會取消改為起屋, 成本又高又唔知用咩方法融資和營運, 又驚冇人幫襯變大白象, 咁多有新聞價值的問題, 傳媒自然爭相報導,而且好多都係政府根本唔想見到嘅負面新聞添, 所以多啲人知係正常, 亦都唔係政府主動做多宣傳的後果, 請問你點樣同個軍事碼頭比, 你會唔會覺得咁樣拎出來比較很奇怪? 如果十九年來個軍事碼頭有咁多負面嘢, 仲唔一早俾傳媒呀政棍呀煲大佢 ? 你估今次黎廣德又可以玩幾多日, 會唔會過幾日傳媒都懶報啦, 不過唔緊要噃個規劃諮詢有九個月玩呀, 到時咪睇下徐嘉慎係咪真係司法覆核囉。莫講公眾啦, 今時今日在 iTalk 呢度暫時都未煲得大啦係咪。至於啟德公園我就唔清楚佢知名度有幾多喇。

我人性化意思係, 唔係話一味掉個所謂諮詢出黎, 整幾個網頁出黎就話做左野,


吓, 明明講咗好多次佢唔係只係「整幾個網頁出黎」o架喎, 公眾參與包括咗好多嘢喎, 如果個個好似你咁樣明屈, 點樣全面嘅諮詢都冇用o架啦。

一個政府如果係有遠見, 知道無啦啦起個軍用設施起市中心會係對於香港市民黎講一個 "重大影響" (而家佢話有需要時要封左佢),
有咩理由佢唔重點提及下 ?


我咪講咗, 中環新海濱個諮詢已經「重點提及」軍事碼頭, 問過公眾佢打算將佢設計融入整個海濱長廊, 同埋如果解放軍唔用可以開放, 叫公眾表示咁樣做有咩意見, 咁你所想嘅「重點提及」究竟係點樣「重點提及」? 如果你認為軍事碼頭是「重點之中的重點」, 要獨立地「重點」出來, 那原因為何 ? 整個填海計劃咁大個項目, 如果樣樣細節都話要分開「重點提及」, 會唔會變成樣樣都唔係重點, 諮詢時間三五七年, 諮詢完晒之後啲人又話唔記得當冇諮詢過, 又再來三五七年諮詢, 咁會唔會最終乜嘢都做唔到 ?

另外呢你話係「重大影響」, 你又覺得有幾「重大影響」? 如果咁「重大影響」, 十九幾年來, 市民唔知唔理都算, 啲政客竟然唔搞大佢, 或者根本就搞唔大佢, 又會係咩原因呢 ? 香港雖然冇普選政府, 立法會無全面直選, 畢竟都有大班直選議員, 佢哋冇責任及時監督政府, 及時將市民應該關心的事 (而且係「重大影響」喎) 告訴市民嘛 ?

[ 本帖最後由 syp 於 2013-4-17 17:42 編輯 ]
下一站係西營盤
AVD1 發表於 2013-4-17 17:52 | 顯示全部樓層
原帖由 syp 於 2013-4-17 17:16 發表

我咪講咗, 中環新海濱個諮詢已經「重點提及」軍事碼頭, 問過公眾佢打算將佢設計融入整個海濱長廊, 同埋如果解放軍唔用可以開放, 叫公眾表示咁樣做有咩意見, 咁你所想嘅「重點提及」究竟係點樣「重點提及」? 如果你認為軍事碼頭是「重點之中的重點」, 要獨立地「重點」出來, 那原因為何 ? 整個填海計劃咁大個項目, 如果樣樣細節都話要分開「重點提及」, 會唔會變成樣樣都唔係重點, 諮詢時間三五七年, 諮詢完晒之後啲人又話唔記得當冇諮詢過, 又再來三五七年諮詢, 咁會唔會最終乜嘢都做唔到 ?

另外呢你話係「重大影響」, 你又覺得有幾「重大影響」? 如果咁「重大影響」, 十九幾年來, 市民唔知唔理都算, 啲政客竟然唔搞大佢, 或者跟本就搞唔大佢, 又會係咩原因呢 ? 香港雖然冇普選政府, 立法會無全面直選, 畢竟都有大班直選議員, 佢哋冇責任及時監督政府, 及時將市民應該關心的事 (而且係「重大影響」喎) 告訴市民嘛 ?

一個政府冇理由唔知道咩係重要咩係唔重要,
我唔係話叫佢起個公廁都要撥出黎諮詢三五七年,
但係軍用碼頭個意義重大, 冇理由唔識分重要與不重要; 係的話呢個政府都真係 ~

軍用碼頭有以下重點:
1) 意識形態: 一直以黎有部份香港人對於共產黨都唔信任, 又或者倒轉共產黨實情對香港點都係有保留. 對於呢個問題我諗都幾難解決.
2) 先斬後奏: 呢個樓主提供 <<am730>> 入面某程度上已經提及, 我意思並唔係指十幾年前已經同英國簽左個一樣野. 呢個係講緊發展局.
3) 對於中環黎講, 而家條路無啦啦就比佢整斷左. 當然我上文都講到我已經睇到佢話會開放比公眾 (當佢唔用個陣), 問題係決定櫂仍然起解放軍手上, 佢鐘意開又得唔開都得.

另外, 你提到議員,
呢一點我已經起 #8 首兩句表達左我立場 ~

又, 我起網上搵左幾樣野,
根本軍用碼頭有 o既資料真係好小 ~

1) 公眾諮詢摘要
http://www.pland.gov.hk/pland_en ... aper/digest_chi.pdf
- 完全冇提及

2) 意見卡
http://www.pland.gov.hk/pland_en ... /CommentCard_cn.pdf
- 12 頁紙只有一頁提及, 仲要起內文

3) 發展局網站 - 中環新海濱:
http://www.devb.gov.hk/tc/issues ... ourfront/index.html
- 冇提及

4) 政府新聞稿 <<中環將打造朝氣蓬勃及富吸引力的新海濱(附圖)>> - 2006/05/28
http://www.info.gov.hk/gia/general/200605/28/P200605280210.htm
- 冇提及

5) 附圖:

- 冇軍事碼頭出現

6)
- 呢個大綱核准圖就有標示到 (未放大你都幾難見到個幾個字), 點解呢個有附圖冇 ?
LJ7006 = MF5119 = AVD1
LF5502 發表於 2013-4-17 18:07 | 顯示全部樓層

                                    Advertisement



回復 26# 的帖子

點解一個叫 "軍事碼頭" 的物體,
會係 "休憩用地" ??!!
syp 發表於 2013-4-17 18:31 | 顯示全部樓層
原帖由 AVD1 於 2013/4/17 17:52 發表
一個政府冇理由唔知道咩係重要咩係唔重要,
我唔係話叫佢起個公廁都要撥出黎諮詢三五七年,
但係軍用碼頭個意義重大, 冇理由唔識分重要與不重要; 係的話呢個政府都真係 ~


所以話啲議員應該把關囉係咪呀? 政府樣樣做得令你滿意, 咁獨裁政府, 冇立法會都冇問題啦。

軍用碼頭有以下重點:
1) 意識形態: 一直以黎有部份香港人對於共產黨都唔信任, 又或者倒轉共產黨實情對香港點都係有保留. 對於呢個問題我諗都幾難解決.


所以我咪問囉, 三隻字「解放軍」都夠新聞價值囉, 咁多年都冇人理喎, 真係咁「重點」??

2) 先斬後奏: 呢個樓主提供 <<am730>> 入面某程度上已經提及, 我意思並唔係指十幾年前已經同英國簽左個一樣野. 呢個係講緊發展局.


嗱, 你開始靠譜喇, 佢起屋仔呢就真係有啲先斬後奏之嫌喇。不過要注意嘅係水平基準十米高限只係一層樓多啲, 因為地面都已經好似係 4.2 米喇。

但係咁噃, 大家重點好似在於「軍事」碼頭 /「解放軍」, 和以為政府今時今日至提出, 多過關心起屋仔啦係咪。

3) 對於中環黎講, 而家條路無啦啦就比佢整斷左. 當然我上文都講到我已經睇到佢話會開放比公眾 (當佢唔用個陣), 問題係決定櫂仍然起解放軍手上, 佢鐘意開又得唔開都得.


條路就唔會點斷嘅, 只係要行歪少少啫, 我就行過喇, 你咁關心呢單嘢, 你都可以親身去行下呀。

又, 我起網上搵左幾樣野,
根本軍用碼頭有 o既資料真係好小 ~


你又開始再靠譜一啲喇, 係咯真係搵下啲實質資料好過憑空吹水啦係咪。

就咁嘅政府一直講個碼頭未詳細設計, 所以諮詢咪冇在圖上詳細顯示囉, 其他構想圖都係概念圖啫, 同真實都有出入o架。你引用幅圖成幅都冇字的, 咁多個登岸梯級多幾間屋仔都唔會令你知道佢係軍事碼頭呀, 如果成幅圖只係出「軍事碼頭」四個字, 其他冇標示, 唔會好怪嘛? 但諮詢內容入面係好多時都提及軍事碼頭呢, 好多人都俾咗好多意見o架, 你再搵下啦。

正因為未詳細設計, 所以個大綱圖咪只係寫住「150 米軍事碼頭有待詳細設計」之類囉, 又冇特別標示面積囉, 所以咪會仍標示休憩用地囉 (答 LF5502)。咁而家設計好喇 (仲起埋添, 所以咪俾人話偷步喇), 咁咪打算改返啲永久啲嘅字眼, 劃返準個範圍囉, 「有待詳細設計」點睇都係臨時字眼啦。

講真問心嗰句大家都係怕「解放軍」三個字啫, 如果普通嘢嗰幾間爛鬼屋仔點會有人理有人反對吖, 但問題係軍事碼頭一定要起, 所謂「條路斷咗」亦一定要斷, 因為係中英協議嘛, 係現實問題嘛, 當然有人話中英協議冇問過我點解要我受呢, 理論上係呀但實質上你做得啲乜呢? 個諮詢都唔會問你可唔可以唔要個軍事碼頭, 只可以問下點樣起個碼頭會冇咁影響公眾, 同埋佢爭取到唔用就俾公眾用啫。現實上個諮詢個軍事碼頭本身就唔可能去到你想要的「重點中之重點」囉。如果你根本唔想要個軍事碼頭喺度, 恐怕在法理上唔係咁易做到喇。

http://www.pland.gov.hk/pland_en/p_study/comp_s/UDS/chi_v1/images_chi/OI05.jpg

[ 本帖最後由 syp 於 2013-4-17 18:46 編輯 ]
下一站係西營盤
komodo 發表於 2013-4-17 22:48 | 顯示全部樓層
早幾年出席過一場公眾諮詢會,政府人員在北角政府合署講,好記得有徐家慎在場並發過言,當局已講得好清楚中環海旁將會有一個軍事碼頭。點解幾年後又好似發現新大陸噉。
傘外的世界有一片蔚藍
h2o 發表於 2013-4-17 23:05 | 顯示全部樓層

                                    Advertisement



原帖由 komodo 於 2013-4-17 22:48 發表
早幾年出席過一場公眾諮詢會,政府人員在北角政府合署講,好記得有徐家慎在場並發過言,當局已講得好清楚中環海旁將會有一個軍事碼頭。點解幾年後又好似發現新大陸噉。 ...


即係保護海港協會要向保衛尖碼學下野, 一日政府唔講實唔起, 你都要當佢扮聽唔到, 會當冇人反對一樣 .......
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 23:31

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表