為何有「巴士一定比輕鐵更優勝」論？

看完此文後，此文章予人感覺好難明白「巴士一定比輕鐵優勝」的原理，而且講D野全部歪理。

而且你個頭腦滿載「巴士一定比輕鐵優勝」的金科定律。

相信如果比你考DSE的話，0分重作。

原帖由 lrt505 於 18-4-2013 19:52 發表 http://www.hkitalk.net/HKiTalk2/images/common/back.gif
「巴士一定係比輕鐵更優勝」此論最近成為金句。

排除巴士迷、輕鐵迷等與交通模式本身無關的因素，為何會有此言？據我所析，輕鐵其實也有不可取代的較佳之處，巴士則也有相對的不足。

第一，輕鐵的載客量比巴士為高，以香港為例 ...

1.首先，我諗你要明白一件事：巴士係道路交通，輕鐵係鐵路交通，標準同要求根本唔同，如何比較？
講起轉彎，巴士可以U-turn調頭，輕鐵可以麼？E200、400可以行屏廈路，輕鐵可以？巴士可以鐘意行第二條路就可以避開交通擠塞/意外地區，輕鐵可以？
講靈活，輕鐵都係未夠班。

2.無錯，輕鐵係多門過巴士，不過如果三度門都有個傻佬唔肯落車，巴士已經上哂客走得。重有，巴士可以飛站，輕鐵唔得，每個站一兩分鐘，巴士都到目的地，你舊鐵重喺路上搖緊。


3.呢個我真係懷疑你有無坐過輕鐵，每年清明重陽我一定坐一轉，講到穩定性，輕鐵會係最top？
加、減速，90度彎，外面睇無咩事，裡面搖哂骰仔，巴士係無條鐵軌跟住行，不過點都無輕鐵咁chok。

2002年12月18日，一輛往兆康站的505線列車在駛入兆康站時前輪滑出路軌，導致輕鐵由兆康站至洪水橋站的服務局部受阻。

2004年9月10日，一輛往天逸的751線列車，在天榮路右轉往天瑞路時，一個車輪爆裂，導致後方轉向架出軌，無人受傷。

以上兩項意外引自維基百科

4.現時巴士上，已發展有足夠裝置，讓乘客逃生，而近年火燒巴士事件中，司機亦有足夠程序及知識應付事件，近年小弟則未有聽聞香港發生有人因巴士燃燒事件喪生。
講起環保，巴士已經跟隨科技進步，使用上最技術以減少對環境影響，新款電池巴士亦已抵港試車，顯示有待技術進步才被逼使用柴油作燃料。
與其比較其中一方無物，倒不如比較下兩邊都會有嘅問題：交通意外，輕鐵同巴士都有機會出意外，世界每樣野都會有機會發生意外，你唔好做人囉。

5.巴士係按路線總長度及預計乘客目的地為定價標準，車資係分流乘客嘅其中一個方法，以避免長途線被短途客濫用。
我相信大家唔會忘記九鐵巴士呢個例子，收錢之後已經避免大量搭"順風車"嘅客，如果番放工時段，全部客逼同一部車，無人會感覺好。

我估主因係輕鐵買單程票唔收金牛, 俾多左仲識找錢

原帖由 kwyeung 於 20-4-2013 21:40 發表 http://www.hkitalk.net/HKiTalk2/images/common/back.gif
我估主因係輕鐵買單程票唔收金牛, 俾多左仲識找錢

咁如果張張金牛增值入八仔咪唔駛找錢囉…

P.S.根據樓主一貫乘車方法，無論咩車都應該會入多過所需金額，所以收金牛與否唔影響樓主選擇

如果巴士收費模式可以好似輕鐵沿線車站咁設置八達通“出、入閘機”，即係先收取乘客最高的全費，到站拍機後再退返差額；用返現有巴士上的八達通機確認乘客上車前有拍車站的八達通“入站機”(否則就扣返有關路線的全程車費或分段收費)；以保證唔會有用八達通繳費的乘客搭露王車。先唔理設立沿途咁多八達通“出、入站”機的成本，如果可以做到咁；就可以做到兼具巴士的靈活同現有輕鐵的公平繳費模式了(未計現時輕鐵要派稽查抽查逃票乘客的成本)。

[ 本帖最後由 kj9021 於 2013-4-21 20:35 編輯 ]

原帖由 kj9021 於 2013-4-21 20:12 發表 http://www.hkitalk.net/HKiTalk2/images/common/back.gif
如果巴士收費模式可以好似輕鐵沿線車站咁設置八達通“出、入閘”，即係先收取乘客最高的全費，到站拍機後再退返差額；用返現有巴士上的八達通機確認乘客上車前有拍車站的八達通“入站機”(否則就扣返有關路線的全程車費或 ...

只要乘搭第一程車時同時記錄起始點即可，無須在巴士站設立入站機。

但根據「香港巴X大典」的頁面數字，香港巴士站估計約有3千多個，若全部設置出站機，估計需要二萬多部。

但巴士本身係流動的，而車站的設施肯定係固定的；只靠巴士本身的八達通機會唔會影響記錄“起始點”的準確性？

原帖由 kj9021 於 21-4-2013 20:38 發表 http://www.hkitalk.net/HKiTalk2/images/common/back.gif
但巴士本身係流動的，而車站的設施肯定係固定的；只靠巴士本身的八達通機會唔會影響記錄“起始點”的準確性？

有版友提過話裝GPS喺部車度，開門同時開GPS，關門同時關，解決問題…
另外亦都可以因應現時/增加分段收費，以確保乘客起始點。
不過無論邊樣都好，都會涉及增加巴士公司營運/行政成本，而巴士公司亦因應地區需要而給予乘客選擇，暫時並未有如此需要。(我寧願紅公司減價，都唔要呢啲甜頭。)

我心想，如果輕鐵生玩埋大陸的話，唔知又會點玩？(idea來自「民建聯成功爭取」群組中的大陸事件)

估計可能性(於fb設有投票)：
a. 在深圳搭一票制快線比貴幾倍錢但搭最多3個站。
b. 在廣州，將廣佛城巴豪華化。
c. 要求深圳的三大巴士公司開泥的線。
d. 要求廣州的三大巴士公司開泥的線。
e. 以高鐵取代現有的慢鐵。

係玩就上權力核心，北京300以輕鐵生嘅理論絕對有需要豪華化…