北港島綫用咩方案好？

原帖由 巴士上的人 於 2013-5-7 20:14 發表

你所講既目測 真係唔多準
喺太古站都仲好多人喎

五成我都信 七成就真係冇

根據2011年東區總共住咗580000人

北角站落佐7成人同太古站仲好多（依閣下說法係5成？）人完全無矛盾，唔通唔會有人鰂魚涌站上車？況且仲要係轉線站？

[ 本帖最後由 s3n370 於 2013-5-9 23:02 編輯 ]

其實點解唔拉將線經北港島線去香港站,東涌線拉去會展?

例如:
東涌 - 欣澳 - 青衣 - 荔景 - 南昌 - 奧運 - 九龍 - 香港 - 添馬 - 會展
香港 - 添馬 - 會展 - 維園 - 炮台山 - 北角 - 鰂魚涌 - 油塘 - 調景嶺 - 將軍澳 - 坑口 - 寶琳/康城
當中添馬站做同層轉乘

[ 本帖最後由 Man@MFHK 於 2013-5-10 01:45 編輯 ]

原帖由 s3n370 於 2013-5-9 22:21 發表


其實無論用邊一個方案，港島線中段2020後，點都要同時負擔4條線（東涌、荃灣、南北、南港島，
將軍澳線客流係呢4條係相反方向，唔計）的轉乘客量。因為北港島線無乜可能早過2020通車。

只不過係換線，通車後就有大D分流作用。而 ...

所以在 RDS-2 ，顧問公司 (MVA-Maunsell JV) 曾經建議 NIL 一定要早過 WIL 起，
因為當時顧問報告明言，港島線無法負擔西線新增的客量..


而且不要忘記，當時的 SIL 的計劃仍是長遠規劃的路線，並不在 RDS 2000 當中....


不過始終西線、南線兩者同北線唔同，
前兩者都係政治工程，起好大家都 happy

但北線起完應該唔會有(好多)人講多謝..

原帖由 Man@MFHK 於 2013-5-10 01:22 發表
其實點解唔拉將線經北港島線去香港站,東涌線拉去會展?

例如:
東涌 - 欣澳 - 青衣 - 荔景 - 南昌 - 奧運 - 九龍 - 香港 - 添馬 - 會展
香港 - 添馬 - 會展 - 維園 - 炮台山 - 北角 - 鰂魚涌 - 油塘 - 調景嶺 - 將軍 ...

咁樣路線有重疊性，我都係寧願用換線方案（我經常去銅鑼灣／東區，用交

原帖由 LRT751 於 2013-5-7 22:17 發表
你仲未講對東涌線的影響喎！
東區58萬人口，但新界西（葵涌、青衣、西北區、東涌等）有200-300萬人喎

東區交通可咁坐：
柴灣＜＞天后-中環：8、8X、788、789等巴士
西灣河＜＞上環沿途：2、10等巴士
筲箕灣-堅尼地城沿線：電車
東區＜＞中西區：東 ...

要東區人唔可以一程過直達天后至堅尼地城各站, 仲要推人搭巴士,
根本就唔合理, 唔好唔記得宜家係唔駛轉, 將來要轉車, 已經好唔同.

仲有, 運署到時 cut 走晒D 巴士, 即係迫東區人轉車,
你點平衡東區同其他地區的利益?

原帖由 LRT751 於 2013-5-10 06:25 發表

咁樣路線有重疊性，我都係寧願用換線方案（我經常去銅鑼灣／東區，用交

換線方案, 變相剝削東區乘客利益, 根本無可能得到地區支持.
要記住一點, 基建要平衡各方的利益, 而唔係單單用人數去壓倒一切.

講番換線方案,
基本上不少人誇大了換線的吸引力.
首先,
以將軍澳線計算, 現時乘坐港鐵由寶林站去到上環站, 大約需要32 分鐘 (根據港鐵網站顯示),
將來換線後, 減省北角站轉車時間及炮台山站一段, 大約需要30 分鐘,
乘坐690 隧巴的最低消費為40 分鐘 (未計步行至上環).

從以上的計算, "換線" 所節省的時間非常有限, 因為即使港鐵能否一程過直達上環, 都比現有的690 為快捷,
而將軍澳乘客普遍以港鐵作為過海交通工具, 故此, 即使港鐵不採納換線方案, 對將軍澳線乘客仍有很大吸引力.
乘客不會因為將軍澳線不能直達中上環, 而改坐更慢更貴的隧巴690.

第二,
不少人忽視了目的地和起點的問題, 以為北港島線車站能取代原有港島線車站.

以灣仔站為例, 灣仔站有行人天橋接駁灣仔北, 將來更有行人隧道接駁灣仔南, 皇后大道東一帶,
灣仔站各出口位置四通八達, 駱克道, 莊士敦道等等都有出口覆蓋, 會展站完全做唔到呢點.
但會展站卻要接駁灣仔北行人天橋網絡, 才有望吸引乘客改用會展站, 便是因為會展站位置偏遠, 乘客行番入內街要花更多時間.
試問一個遠離人煙的車站, 又怎會吸引大量乘客使用? 荃灣西站唔係一個好好的例子嗎?

除了會展站之外, 翻查北港島線走線, 不難發現, 北港島線各個車站偏離人流繁多的內街,
東區乘客如想繼續一程過直達銅鑼灣, 基本上被迫改用更遠的維園站,他們要花更多的步行時間, 得不償失.
以維園站的位置, 根本不能吸引銅鑼灣南部及電車路一帶的乘客使用維園站.

表面上, 大西北 (葵涌, 青衣, 屯元天) 的乘客可以轉少一次車, 或者唔駛轉車,
但忽略了落腳點和目的地之間的步行距離, 而這個步行時間足以抵銷換線後不需轉車所節省的時間.

第三,
換線方案清楚指出換線後港島線東段必須要減8 班車每小時.
當然, 有人話可以設特車,
但, 政府或者港鐵並沒有答應日後添馬站會加設掉頭設施作非過海特班之用,
換言之, 支持換線方案的人, 不可以假定一定會有特班比東區乘客.

就算即使有特班, 無人肯定特班是否全日通行,
即係話, 無特班的時間, 班次一樣被削減, 東區乘客一樣需要到北角轉車才能往返天后以西的車站.
(用荃灣線過海更加要轉兩次).

我講咁多, 只係想指出, 換線方案並不能平衡各方的利益.

原帖由 張偉沖 於 2013-5-10 14:31 發表


要東區人唔可以一程過直達天后至堅尼地城各站, 仲要推人搭巴士,
根本就唔合理, 唔好唔記得宜家係唔駛轉, 將來要轉車, 已經好唔同.

仲有, 運署到時 cut 走晒D 巴士, 即係迫東區人轉車,
你點平衡東區同其他地區的 ...

山頭主義....
成個新界西, 半個新界東, 一個九龍東既人要轉多次車去就一個東區維持現狀唔駛轉多一次車
影響人數仲少過觀塘線唔過海去北角

公道D講, 東區去九龍西, 新界西及東涌都轉少左車
只不過有人用唔到或少用所以覺得蝕左

或者地鐵要發展到個網絡好似輕鐵網絡咁
同一個站同一個月台幾條線, 咁先滿足到呢班人
去邊度都唔駛轉車

原帖由 ccchhhuuunnn 於 2013-5-10 15:53 發表

山頭主義....
成個新界西, 半個新界東, 一個九龍東既人要轉多次車去就一個東區維持現狀唔駛轉多一次車
影響人數仲少過觀塘線唔過海去北角

公道D講, 東區去九龍西, 新界西及東涌都轉少左車
只不過有人用唔到或少 ...

你不如看看我上一篇回應, 看看新界西及東涌的乘客係咪咁大吸引力.

東區用荃灣線過海, 由宜家轉一次變左要轉兩次.
除非你同我講, 南昌站行番入深水埗. 不過我上面都講, 行咁遠係抵銷左轉少次車所慳到的時間.

[ 本帖最後由 張偉沖 於 2013-5-10 16:01 編輯 ]

原帖由

張偉沖

於 2013-5-10 15:22 發表

表面上, 大西北 (葵涌, 青衣, 屯元天) 的乘客可以轉少一次車, 或者唔駛轉車,
但忽略了落腳點和目的地之間的步行距離, 而這個步行時間足以抵銷換線後不需轉車所節省的時間.

1) 灣仔黎講, 灣仔北唔會少人得過灣仔站, 隨時會展站使用量比灣仔站更多

添馬只有政府總部比較多人, 會比金鐘站少人用

最估守估計原港島線vs北港島線使用量至少有7:3比例, 甚至有6:4


2) 北港島線跟原港島線平行, 南北縱向距離短,灣仔-會展 跟中環-香港差不多, 金鐘-添馬就更短
交匯方案一定要在香港站往中環轉一次車,

落腳點和目的地之間的步行距離,

也短過或同香港站-中環站距離

差唔多

如用換線方案, 除非目的地喺金鐘道或軒尼詩道以南(甚至莊士敦道以南),
否則大西北乘客都是在北港島線落車, (因為香港站轉車都要行差唔多距離, 如果你話行行隧道會舒服D咁都計就You Win喇)

3)  就算真係如你所講, 北港島線所有站都好偏僻, 唔講大西北........

半個新界東, 成個九龍東+將軍澳人口要去原港島線都秒殺東區

原帖由 張偉沖 於 2013-5-10 15:58 發表


你不如看看我上一篇回應, 看看新界西及東涌的乘客係咪咁大吸引力.

東區用荃灣線過海, 由宜家轉一次變左要轉兩次.
除非你同我講, 南昌站行番入深水埗. 不過我上面都講, 行咁遠係抵銷左轉少次車所慳到的時間. ...

得喇

要一程過去到銅鑼灣嘛

[ 本帖最後由 ccchhhuuunnn 於 2013-5-10 16:36 編輯 ]

呢位張生
既然你都識得講東九龍/將軍澳居民
喺換線方案底下轉少一程車
「所節省的時間非常有限」
咁點解東區居民轉多一程車就好唔合理
大家都係跨月台轉乘（最多咪北角條轉乘通道長啲）
我唔明點解你嘅反應可以爭咁遠

另外，邱副局長都講過
而家討論嘅係成個未來鐵路規劃發展藍圖
連用換線定係交匯都未決定好
政府「沒有答應日後添馬站會加設掉頭設施」又有咩出奇呢？